ابغى جامعه ل كيمياء حيويه

بوجهة نظري مافيه شي اسمه جامعة كويسه و جامعة لا اتكلم عن كندا الجامعات كلها عندها نفس الستاندرز بس
السؤال هو اي مقاطعة او مدينة تبين؟
و هذا يعتمد على الجو و المعيشه و حجم المدينة... و اعتقد تقدري تراجعي المواضيع المثبته فيه معلومات كثيره عن المقاطعات و المدن الرئيسيه

اتمنى لك التوفيق

أول شي تخصصك في البكاريوس هل هو كيمياء حيوي او كيمياء عام

لأن لو كان عام فالقبول في معظم الجامعات معقد لأن يلزم أن يكون عندك خلفية بالكيمياء الحيوي في بعض الجامعات مثل جامعه اتاوا تطلب انك تدرسي بعض مواد البكالريوس في البدايه و تجيبي درجة معينه عشان تنقبلي للماجستير

اما لو كان تخصصك في البكالريوس حيوي بإذن الله مافيها مشاكل ... لكن ماعندي خلفيه اذا في شروط مثل الجي ار اي او لا

الله يوفق الجميع

زي ماذكر .. كثير الجامعات الكويسة .. لكن الليأقدر أفيد بيه هي حاجتين
1- ضرووووورة الحصول على ورقة من قسمك في الجامعة يثبت ان مناهجكم الدراسية كانت بالانجليزي (وهذي يحصلوا عليها مبتعثين كثر ومن نفس قسم الكيمياء الحيوي وبالأخص من جامعة الملك عبدالعزيز في الحالة اللي أعرفها) وفائدة هذه الورقة انها ممكن بتوفيق الله تساعدك على الحصول على قبول من غير شرط بالحصول على درجة معينة في اختبارات الانجليزي أو الدراسة في معهد الجامعة
2-
أ: جامعة كونكورديا في مونتريال تعطي قبولات للطلاب بدون شرط في حال وجود الورقة السابقة (مو بنسبة 100% يعني ممكن يطلعوا شرط لو كان مزاجهم يحطوا شرط )
ب: جامعة اوتاوا كمان تعطي قبول غير مشروط بس بنسبة أقل كثير من كونكورديا

https://connect2.concordia.ca/concor...atelanding.ezc
وهذا رابط التقديم على كونكورديا تبدأي بالتسجيل عن طريق sign up
وبعد ماتنهي كل المعلومات يسير عندك حساب في موقعهم تبدأي بـ Apply now
حتحسي الموضوع ملخبط شوية لكن ان شاء الله بجلسة وتركيييز حتمشي الأمور وحتحتاجي بطاقة فيزا أو ماستر كارد للدفع (90 دولار رسوم الابلكيشن) .. وربنا يوفق ان شاء الله ..

همتك عالية استمري وبإذن الله انتي وكل مبتعث تتوفقوا في الحصول على قبولات
ووالله ان المبتعث اللي يحصل على قبول قبل مايسافر تكون أوضاعه أحسن بألف مرة

والله يوفق الجميع

انا كيمياء حيوي
وبسلمو ع المساعده وبالتوفيق للجميع

انا كمان كيمياء حيويه وان شاء الله كندا ...

انا شفت فيديو عن كيف تجيبين القبولات في كندا مررره رااائعه موجود بالمنتدى ..

ومن ضمن النقاط اللي قالها انو تراسلين الدكاتره بالقسم منها انو تتيسر وكون الدكتور شاف من السي في حاجه حلوه

ومنها كمان توفرين من ناحيه الرسوم لانو لو للدكاتره ماراح تدفين رسوم ...

حلوه فكرة الورقه اللي اجيبها من الجامعه ...الله ييسر لنا جميعا ..

طيب سؤالي ذحين لمن اجي ادور عن جامعه ادور عن التخصص الدقيق اللي ابغاه في الكيمياء حيويه

والا ادور عن القسم بشكل عام ؟؟

لانو فتحت كذا جامعه وجلست اقرا بس ماقدرت اجيب اللا ايش الشروط ومين الدكاتره بس ماعرفت وين التخصصات الدقيقه...

اختي mo0ony هادا رابط لموضوع انا كتبتو اعتقد انك شفتي الموضوع
بس انا برضو حاكتلك الرابط امكن ما شفتيه

http://www.mbt3th.us/vb/forum107/thread205051.html

ادخلي على الموقع الا في الموضوع و حطي تخصصك و هو حايساعدك مرررره كتير و لو احتجتي مساعده انشاء الله انا موجود

أفضل الجامعات من ناحيه الابحاث في مجال الكيمياء الحيويه
جامعه مجيل
جامعه اوتاوا
جامعه وسترن اونتاريو

بالنسبه للجامعتين الاولتين فليس هنالك شرط لها ولكن عليك الحصول على قبول من احد البروفيسور في القسم لتضمني مكان لك...

تحياتي

^^

طيب كيف يقبلني البروفيسور ؟؟يعني ايش المؤهلات اللي تكون عندي عشان يقبلوني؟؟

وكمان ابغى اسئلك عزيزتي ايش التخصصات الدقيقه للكيمياء حيويه في هذي الجامعات ...

مرحباً عزيزتي

بالنسبه لي فآنا طالبه دكتوراه لذلك كانت المتطلبات لي اكثر من الماجستير و بحمد لله حصلت على قبولين في جامعه مجيل و اوتاوا فآخترت اوتاوا لأن المجال البحثي الذي اريده كان متوفر لدى برفيسور واحد لم اجد مثله في مجيل .

سآقوم بشرح الجامعتين لك لأنهم اكثر الجامعات التي تعاملت معها

اولا جامعه اوتاوا

صفحه القسم Welcome to the Department of Biochemistry, Microbiology and Immunology
صفحه البرنامج Biochemestry Program
صفحه اعضاء هيئه التدريس Faculty Members


بالنسبه للتخصص الدقيق
هنالك 3

1- كيمياء حيويه: عام.
2- كيمياء حيويه : البيولوجيا الجزيئيه
3- كيمياء حيويه: الاحصاء و المعلوماتيه الحيويه.

شروط كل تخصص:
قومي بزياره الصفحه التاليه Program-Specific Requirements
آختاري Master ثم ستظهر لك خيارات الماجستير تخصص الكيمياء الحيويه في البدايه اختاري ماتريدين منها ثم اضغطي على صوره العدسه المكبره ستظهر لك شروط كل برنامج.

عاده الشروط هي : ان يكون تخصصك ذو علاقه بالكيمياء الحيويه، اللغه الانجليزيه ( بالنسبه لكم المعهد انا لم التحق بأي معاهد فلدي التوفل و الايلتس) ، و اثبات دعم مالي ( اظن وزاره التعليم العالي او الملحقيه ؟؟؟ انا مبتعثه من جهه عملي فلا اعلم من اين تحصلين عليها ان كنت ظمن برنامج ابتعاث الملك عبدالله)
الشرط الاخير والاهم حصولك على دكتور يقبل ان يكون مشرفك لرساله الماجستير في الجامعه ....!!!

مافعلته هو قمت بالدخول الى صفحه اعضاء هيئه التدريس ستجدين اسم البروفيسور و وساذل الاتصال به و بجانب اسمه ستجدين الابحاث التي يقوم بتطبيقها في معمله بشكل مختصر .يمكنك زياره صفحه عضو هيئه التدريس بالضغط على اسمه وهناك ستجدين شرح مفصل للأبحاث التي يقوم بها . في بعض الاوقات يذكر عضو هيئه التدريس في صفحته ان كان لديه شاغر لطلبه الماجستير و الدكتوراه ولكن ليس الجميع يغعل ذلك لذلك لا تهلعي ان لم يتم ذكر شئ. وهنالك اعضاء يذكرون وبشكل صريح انهم لا يقبلوا طلبه دراسات عليا هولاء لا تقومي بمراسلتهم فهم لا يريدون طلبه عاده لأمتلاء الاماكن او قرب موعد تقاعدهم . ان اعجبك شئ قومي بمخاطبه عضو هيئه التدريس المعني.
يمكنك مراسله عضو هيئه التدريس بلأيميل ( هنا المشكله غالباً لا يعطي الدكتور بالاً للرسائل التي تصله لذلك عليك اولاً: كتابه عنوان للرساله يكون ملفت للنظر و وضحي فيه بآنك طالبه international بلأضافه الى كونك مدعومه مالياً Funded وفي الرساله اذكري مؤهلاتك و الدعم المالي وسبب رغبتك في الدراسه لديه و ارفقي مع الرساله السيره الذاتيه الخاصه بك و قرار الدعم المالي و توصيتين اكاديميتين)
يمكنك مهاتفه عضو هيئه التدريس وهذا المفضل بشكل عام من قبل العديد من الناس . ولكني لم اهاتف احد دون ان يكون قد قرأ رسالتي و طلب عمل مقابله معي.

التقديم سهل جدا للجامعه عن طريق الانترنت و يمكنك مراسله المسؤوله عن البرنامج كارول ان كالي فقد ساعدتني الكثير ستجدين الايميل الخاص بها في صفحه البرنامج.

هذا بالنسبه لأوتاوا وسآعود برد اخر بالنسبه ليميجل


تحياتي