هل من الممكن بنتي الكندية تمر بدون جواز كندي او نقدر نعطيهم شهادة الميلاد بس

nothing .. just go to the embassy & say that you don't need a visa for your child
they will give u the option to take a Canadian passport from Riyadh which is easier to get
don't forget to take both the long & short forms of the birth certificate with you
and don't forget to take the translation of the long form from the saudi embassy cause y'll need it to get the Saudi birth certificate.
one more thing : ask the Saudi Bureau to give you a letter to the saudi AHWAL so they can give you the perminant birth certificate directly without waiting for vaccinations.
best luck !
pary for us on your way to Saudi

أختي، أنا مريت بهذه التجربة شخصيا مرتين

في نوفمبر الماضي، رجعنا انا وأختي وزوجها الى السعودية وكانت معهم إبنتهم المولودة في كندا. وكان زوج أختي قد سأل في المنتدى مثلك تماما، وقالوا له هي كندية وماتحتاج فيزا او جواز كندي، يكفي ان مكان الميلاد موضح في الجواز.
في أثناء رجعتنا سويا من السعودية، موظف طيران الاتحاد في جدة سأل أبوها عن فيزة البنت اللي كانت تحمل الجواز السعودي، فقال له أبوها: إنها من مواليد كندا وإنها كندية، فالموظف سبحان الله الظاهر ماكانت عنده خبرة. فمشاها وطلعنا الطيارة ومن ثم نزلنا ترانزيت في أبوظبي.
وعند صعودنا للطائرة للسفر من أبوظبي الى تورنتو، قابلنا موظفين كنديين يتأكذوا من الفيز والجوازات طبعا في مطار أبوظبي، وعينك ما تشوف النور، والله أمتحنونا إمتحان وكانت الطائرة تبغا تروح علينا، وكانوا يقولوا لنا يا إما فيزا أو جواز كندي أو مافي سفر.
وبالمصادفة، كان في واحد مسئول من طيران الاتحاد ماشي من جنبنا، وأحس إنه في مشكلة، فسألنا وحكينا له المشكلة، فغاب عنا ربع ساعة وحضر ومعاه واحد رجل كبير جدا جدا، والظاهر مسئول في السفارة الكندية وهو ايضا كان بالمصادفة موجود في المطار في ذلك اليوم على كلام الأخ الإماراتي الله يجزيه خير. فالمهم طلعنا له الجواز السعودي وشهادة الميلاد الكندية الأصلية، فكتب باللون الأحمر على شهادة الميلاد "إنها ليست وثيقة سفر"، فقال أنا حمشيكم هذه المرة لكن لابد من فيزا أو جواز كندي.
لما وصلنا تورنتو، أرسلنا الجواز حق الطفلة الى السفارة الكندية ببفالو بأمريكا وأعطوها فيزا على حسب مدة الفيزا في جواز أمها.

الموقف الآخر، في رمضان هذا يعني من أقل من شهر، مع إن البنت عندها فيزا، بعد وصولنا الى مطار تورنتو، موظف الجوازات حولنا الى مكتب الهجرة اللي في المطار، قمنا نسال خير، قالوالازم تطلعوا جواز كندي للبنت، يا ناس ممنوع تحمل جوازين في السعودية، قالوا هي كندية ولابد تدخل كندا بجوازها الكندي، ونحن مالنا صلاح بالأنظمة في السعودية. وطيب إيش الحل الحين، الموظفة الكندية قالت لأبوها هل فهمت الكلام اللي قلت لك ياه؟ قال نعم ، قالت خلاص أمشي، ومشينا.

وهذه كل الحكاية، يدي تعبت والله من الكتابة، إنتم يالحريم مامنكم الا التعب، لاحول ولاقوة الا بالله.

اختي با ختصار ... دامك رجعتي السعودية لازم تطلعين لها جواز سعودي مستقل ثم تطلعين لها فيزا ..وبمجرد خروجك من السعودية و والترانزيت خلاص خبي الجواز واذا وصلتي كندا راح يدخلونها بناء على شهادة الميلاد ... يعني الاستقعاد كله في المطارات العربية ونقاط الترانزيت ..وكل تاخيرة وفيها خيره امركم لله

طيب السؤال لازم المولد نطلع له جواز كندي ولا مو لازم
وهل يستطيع حمل جوازين


ارجو الشرح لمن يملك الخبره

لازم تطلعي جواز كندي والا ما تخش بنتك كندا تعبي داه الابليكيشن
http://www.pptc.gc.ca/form/pdfs/pptc042.pdf
وتجيبي شهادة الميلاد وجواز السفر السعودي لها عشان يكون اثبان للشخصية بالصورة وصورتين تصوريها من محلات تصوير هم يقولولك عليها عشان تنختم وكمان لازم يكون يعبي اخر جزئية واحد طبيب تعرفو انو يقول انو المعلومات اللي في الابليكشن صحيحة ويوقع كمان خلف كل صورة ويكت انو يقر انو اللي في الصورة هذه بنتك موجود كل الكلام داه في الابليكشن
طبعا انتبه التوقيع لازم في المربع وكمان اي تغير في الكتابة او خطأ في مكان الي يكتب فيه الدكتور لازم يشطب ويوقع فوقو
وتدفعي 70 ريال كاش

اقل شي ياخد معاكي تلاتة اسابيع وحاولي تحطي صورة للتذكرة عشان يعجلوها
*

هذا الكلام الصحيح ... والموقف الثاني حصل معي شخصيا وبالضبط (كنت مسوي فيها وطني مرررة و ما أبغا جواز كندي لعيالي من بلاد الفرنجة ) ... وبعد البهدلة والنكد والنخل في الطار قلت مابدهاش مكابرة زيادة يا ولد وبلاش ثبات على مبادىء وماوراها إلا البهدلة ... ثاني يوم وأقرب مكتب جوازات كندية وأنا مطلع جوازات كندية لكل أولادي ...

المصيبة أنهم هزئوني في مطار تورنتو ليش طلعت فيزا للعيال وهم كنديين ... وقالوا لي الكندي مايخش إلا بالجواز الكندي فقط ومايهمنا أي أحد في العالم بما فيهم دولتكم ... طيب أنا أيش ذنبي إذا السفارة في الرياض صدرت الفيزا للعيال وهم عارفين أنهم كنديين! فقالوا لي هذا الموضوع مايهمنا وإذا السفارة في الرياض (أخطأت) ... فهذا لا يعني الإستمرار في الخطأ!!!!! (هذا النقاش القانوني صار معاي وأنا زي الأطرش في الزفة .. أنا ايش يدريني أنو ممكن السفارة إلي هي ممثلة للحكومة الكندية يخطؤا وأنا أتحمل وزرهم بالنيابة!!)



والحمدلله ...

في الاخير لازم جواز كندي وممكن تحمل اكثر من جنسيه لانها مولوده او مولود في الخارج

بصراحة انا مو فارقة معاي عادي بسوي لها جواز كندي بس ابغى اسويه بكندا لان لو بنتظر هنا بتاخر و عشان كذا ابغئ حل سريع لمشكلتي<?xml:namespace prefix = o ns = "urn:schemas-microsoft-comfficeffice" /><o></o>
اخ afshan6 مشكور اعلى تعليماتك بس اليوم لما اتصلت على السفارة قالوا هذا النوع من الفيزا مانعطيها الا للمضطرين كالمرضى او في حالة الوفاة شكلها هللبنانية الي ردة مو عارفه الدعوة بس تتفلسف علينا
عالعموم الجميع مشكورين لاهتمامهم بالموضوع و لا تنسونا من الدعاء