مساعدة سعدوني أم محتارة وخايفة

انا نفس نظام ولدك حفظه الله

والوالده بتطلع معي اول اسبوعين هناك (تقول مانيب مرتاحة وانا مدري وش وضعك)

انا عارف ان روحة الوالدة معي بتسبب لي تاخير وصرفيات زيادة بس ماودي اطلع من السعودية وهي ما ارتاحت

اذا كان عندك القدرة المالية اطلعي معه اسبوع او اسبوعين لين تشوفين سكنه ومعهده وكيف راح يدبر اموره

وبيني وبينك انت يالامهات تحسون الدعوة حوسة وهي سهلة جدا واي واحد يقدر يمشي نفسه

اللي يعينك وييسر امورك :")

الله يكون بعونك استودعيه الله وان شاءالله مايصير الا كل خير

والله مالومك يا اختي عندي الوالده كل يوم تسألني انت تعرف احد هناك تحسب اني بضيع هناك لحالي خخخخخخ
انا اشوف ان الافضل ان ابنك يروح لوحده وترى الموضوع جدآ بسيط الشباب ماقصروا في المنتدى
ومنها يتعلم كيف يتصرف خاصة اذا كان بلحاله راح تكون الفائدة اكبر ويحس بالمسؤلية بالمطار والحياة دروس وهذا اول درس
بس اهم شي لو يطلع في المنتدى على مواضيع الاخوان وراح يستفيد كثيرر
وربي يوفقة ان شاء الله ويبعد عنه كل مكروه
دعوااااتكم لي

أنا أتمنى يطلع معه أبوه لكن الفيزا تأخذ وقت وبتأخر ولدي صرت بين نارين
الله ييسرله ولكم ويحفظكم جميعآ ماقصرتوا
أنا أدعي في كل صلاة ربي يسخر له عباده ويحفظه لي ويحميه

استودعيه الله قبل لايسافر وماعليه خوف
اذا مره شايله هم اشوف ناس كثير هنا بالقسم يحطون موعد سفرهم وعلى اي خطوط ويسئلون مين معاهم علشان يكونون سوا .. بعد ماتاخذين رايه سوي كذا
او خليه هو الي يدور احد معاه على نفس الرحله او على نفس خط السير

عادي الدعوه سهالات مره

وانا بنت واول جيتي لكندا كان عمري 16

وعادي جيت لحالي وماضيعت

وما اني احسن من ولدك بشي

فهو كمان بيدبر اموره

والي يسئل مايضيع

اول مايوصل اي مطار يسئل عن بوابته وينها ويروح يجلس عندها وينتظر طيارته

وكذا السالفه سهالات

ورايي لا تكثري كلام على ولدك
بيقلل شوي من قيمته وانك ماتعرف تسوي شي ومو قدها
خلك من نوع تعطيه كلام اي حركات بتروح الحين وبيسافر
حتى لو كنتي خايفه لاتبيني له
اكيد هو كمان خايف
وانتي تزودي عليه

شجعيه والي قبله راحوا ماهم باحسن منه

ناس جات كندا وما تعرف خير شر تتكلم انجليزي.. اذا ما يعرف زين اكتبي له بعض الكلمات المهمه في ورقه عشان لو لاقدر الله نسي يصير يقراها عليهم او يوريهم هي..
بس صدقيني كثير ناس وصلت هنا وما تعرف شي او اول مره تسافر بره..
يعني تفائلي وان شاء الله يوصل ولدك
وبالتوفيق

الله يصبرك وويوفقه يارب ويرجعه لكم سالم

بس الحل يا اختي انك تخلينه يحفظ كم كلمه مهمه ماتتجاوز ٢٠ الى ٣٠ كلمه عن الاشيا اللي يبي يسآل عنها مثلا انا عندي رحله للكندا اي بوابه اروح زي كذا كلها كم سؤال والشعب مايقصرون موب مثل اللي عندنا في مطاراتنا يتكلمون من طرف خشمهم
لو فرضا شافو الولد مافهم ولا شي ابد ياخذونه ويوصلونه للمكان اللي يبي

يروح للاستعلامات ويقولهم اني ماعرف الانجليزي ولا اعرف وش اسوي

وما اعتقد انه يحتاج تسافرين معه جا الوقت اللي يعتمد ولدك فيه علي نفسه هو راح يتغرب اقل شي مده ٥ سنوات وطبيعي راح يواجه صعوبات في طريقه خليه يبدا يعتمد علي نفسه ويبني نفسه بنفسه

ربي يوفقه

في المطار بتلقون ناس سعوديين مسافرين على نفس الرحله وصوهم عليه
غير كذا الحين مطارات العالم ماشاء الله بعد الابتعاث كلها سعوديين يعني وين ماينزل بيلقى ناس يضبطونه
اهم شي لايستحي ويسال

اتمنى له التوفيق انشاء الله