حتى لا نبوس جزمة الدكتور ........................................!!!!

أولياء أمور؟ طالب جامعي وأولياء أمور؟ ... لا تعليق...
ما تبغى كل جامعة تسوي اجتماع الآباء ويسألون الدكاترة عن ابنائهم؟

احنا ماخرب شبابنا إلا عدم المسؤولية من الصغروالإعتماد على نفسهم وانت جاي تقولي اولياء امور؟ يعني اشد حيلي وادرس عشان مايجي ابوي ويضربني وانا رجال وعمري فوق الـ21 سنة؟ لا ويمكن متزوج وعندي عيال! موب عشان مصلحتي ومستقبلي!
مافكرت ليه الكندي يشتغل في مطعم او يبيع فشار في السينما عشان يدرس ويعتمد على نفسه واحنا عيالنا يفلتون أول مايطلعون برة؟ بدل ما نحل المشكلة ويكونون ابناءنا ناس قد المسؤولية ويعتمد عليهم تبغى تزيد الطين بلة؟
خله يسافر وخله يخربها ويتفلت ويطيح على راسه مرة ومرتين... إذا ما تعلم الدرس فمع السلامة لأنه شخص عديم المسؤولية.... كل ما صارت له مشكلة كلم بابا كأنه طفل وقام يصيح عند ماما.

ياخي انا درست في 3 جامعات في كندا وما شفت الرابط اللي تتكلم عنه والمبدأ الكندي ضد هذا الشي! قدامي حصل موقف ان في ام جت مع ابنها الجديد وكانت تجاوب مسؤولة التسجيل في الجامعة نيابة عن ولدها وردت عليها المسؤولة وقالتها ممكن ابنك اللي يجاوب؟!

لاحظ الفرق بين ماتسعى إليه انت في موضوع وما يسعى إليه رئيس الجامعة.

هذا رابط لا يطلع فيه "أولياء الأمور" على درجات الطالب، إنما رسالة ودية لكي يساهم "الآباء" في مساعدة ابنائهم في الإنغماس والتأقلم مع الحياة الجامعية للمستجدين.

توفر جامعة تورونتو قدر غير عادي من الخدمات لطلابها ويمكن أن تكون تلك الخدمات مصدر حيوي للدعم في حال مواجهة الطلاب لأي صعوبات أثناء دراستهم – سواء كانت متعلقة بالأمور الأكاديمية أو المالية أو الصحية. كما يشكل العديد من مستشاري وأخصائي شؤون الطلاب لدينا والموجودين في كل مقر وفي مكاتب الأمناء ومكاتب الأقسام ومكاتب الخدمات الطلابية ومكاتب معيشة الطلاب مصادر رائعة للمشورة في الأمور الشخصية الكبيرة منها والصغيرة .

ما اتوقع موجود هذا الشيء بالجامعات وطلاب دراسات علياا بعد!
ممكن بالمدارس لكن بالجامعات ما أظن.

موفق خير

انا الوالد من قوة البزنس الي عنده مايفضى يحك راسة
عاد لو كلم مشرف الملحقية على الوالد,, صدقني بيقولي حول من البعثة لحسابك الخاص وفكنا من هالمشرف

لا تخلي بعض ردودك تعكس صورة سلبية عنك خصوصاً كثير من موااضيعك مميزة.

مودتي لك...