50 وظيفة لغير السعوديين للملحقية الثقافية في كندا !!

السلام عليكم ورحمه الله وبركاته :
لماذا لايتم توظيف السعوديين في هذه الوظائف؟
لأن هذا ياخي نظام دبلوماسي عالمي والشي هذا مو على كيف سعاده الملحق ولا سعاده الوزير.
هل سيحرص الغير سعوديين على خدمة المبتعثين "السعوديين" اكثر من السعوديين انفسهم؟
الله اعلم وانا اخوك والغالب نعم لأنهم متابعين اول بأول، وهي مافرقت سعودي ولا غير سعودي اهم شي العمل يكون على وجه المطلوب.
هل سيقومو الغير سعوديين بأضافة شئ جديد او خطط تطويرية جديدة للملحقية في ظل مركزية وزارة التعليم العالي؟
اتمنى ذلك .
هل مؤهلاتهم الدراسية غير موجودة في السعوديين بمعني هل لديهم مؤهلات خارقة؟
ليس هناك انسان غبي ولا انسان لديه مواصفات خارقه ولكن، كيف يتصرف في ما لديه .
هل السعوديين في غنى عن هذه الوظائف في ظل وجود البطالة؟
سبق وان ذكرنا ان هذا نظام دبلوماسي
هل هؤلاء اقل تكلفة من السعوديين مع العلم ان نظام الاجور في كندا يحسب بالساعة؟
نعم اقل تكلفه بكثير.

اتمنى ان تكون اجوبتي مفيده

تصحيح لمعلوماتك الوظيفه الدبلوماسيه الوحيده بالملحق الثقافي هي مدير الملحقيه فقط وبالإمكان سحب موظفين من التعليم العالي وتعويضهم بموظفين جدد يتم تعيينهم بالمملكه العربية السعوديه وبالنسبه للتكلفه واحده لكن لا حول ولا قوة إلا بالله .

كلامك صحيح ياخي العزيز
ولكن
انا اقصد النظام الدبلوماسي للتوظيف فالبلدان المختلفه
لاتستطيع الملحقيه سعودة الموظفين لانها ليست في فالمملكه وهذا يعم كل العالم ،وايضا هذا الكلام مطبق فالسعوديه

بعد روحي اظم صوتي لصوتك

والله ياخوي وبدون زعل اجوبتك غير مفيدة نهائيا لانها غير مبنية على المنطق والعقل
بالنسبة للسؤال الاول: يعني ايش نظام دبلوماسي؟ وممكن تطلعنا على هالنظام الدبلوماسي العالمي ومصدره؟ يعني مثلا هل السفارة المصرية او السفارة اليمنية في الرياض موظفين عندهم سعوديين او حتى غير جنسية بلدانهم ؟ مااعتقد طبعا الظاهر اخوي هالنظام جايبه من راسك علما بأنها ملحقية ثقافية وليست سفارة
السؤال الثاني:كيف الغالب نعم؟ والسعوديين ماراح يتابعو او باول مثلا ؟ وكيف مافرقت ياخوي هذه ملحقية سعودية والاحسن انهم يوظفون سعوديين عيال بلدنا والا انت عاجبتك البطاله الموجودة عندنا الله لا يبلاك ولايبلانا ياخوي
السؤال الثالث: اجابتك "اتمنى ذلك" هذه مو اجابة مفيدة للسؤال
السؤال الرابع: ايضا اجابة غير واضحة يعني الحين تبي تفهمني ان الغير سعوديين يعرفون كيف يتصرفون والسعوديين مايعرفون؟ اي صدقتك والدليل شوف المشرفين والله مايدرون وين الله حاطهم
السؤال الخامس : نفسي اعرف هالنظام الدبلوماسي من وين جبته
السؤال السادس: ماشاء الله اقل وبكثير بعد ممكن تحسبها لي على اي اساس؟ وممكن تقولي كم رواتب المشرفين والموظفين الغير سعوديين عشان نقدر نقارن؟
مازلت انتظر الاجابة واتمنى فعلا ان تكون مفيدة ومنطقية

اهم شيء انه ما في واسطه .............

قال سعودة حلقات التحفيظ!!

غير سعوديين ؟؟!! لا تعليق .. والله صرنا مسخره للعالم ومضحكه ..

يعني في بلدنا ما نتوظ وفي الخارج ما نتوظف .. ما اقول الا الله يعوض علينا خير بس ..

والله ياخوي وبدون زعل اجوبتك غير مفيدة نهائيا لانها غير مبنية على المنطق والعقل
بالنسبة للسؤال الاول: يعني ايش نظام دبلوماسي؟ وممكن تطلعنا على هالنظام الدبلوماسي العالمي ومصدره؟ يعني مثلا هل السفارة المصرية او السفارة اليمنية في الرياض موظفين عندهم سعوديين او حتى غير جنسية بلدانهم ؟ مااعتقد طبعا الظاهر اخوي هالنظام جايبه من راسك علما بأنها ملحقية ثقافية وليست سفارة
والله وانا اخوك هذي مشكلتك اذا ماتعرف الانظمه ،وبخصوص السفارات فالسعوديه نعم عندهم سعودين ،وانا ماجبت شي من راسي ومافرقت الملحقيه عن السفاره
السؤال الثاني:كيف الغالب نعم؟ والسعوديين ماراح يتابعو او باول مثلا ؟ وكيف مافرقت ياخوي هذه ملحقية سعودية والاحسن انهم يوظفون سعوديين عيال بلدنا والا انت عاجبتك البطاله الموجودة عندنا الله لا يبلاك ولايبلانا ياخوي
انا معك فالشي هذا المفروض انه سعودين لكن موبيدي ولا عاجبني مشكله البطاله
السؤال الثالث: اجابتك "اتمنى ذلك" هذه مو اجابة مفيدة للسؤال
السؤال الرابع: ايضا اجابة غير واضحة يعني الحين تبي تفهمني ان الغير سعوديين يعرفون كيف يتصرفون والسعوديين مايعرفون؟ اي صدقتك والدليل شوف المشرفين والله مايدرون وين الله حاطهم
لكل قاعده شواذ وانا اخوك وانا ماازكي الاجانب عن السعودين وماقلت هالكلام ،ولكن كل واحد وقدرت تصرفه سواء سعودي ولاغيره
السؤال الخامس : نفسي اعرف هالنظام الدبلوماسي من وين جبته
اقرى وابحث وان شاءالله تلقاه
السؤال السادس: ماشاء الله اقل وبكثير بعد ممكن تحسبها لي على اي اساس؟ وممكن تقولي كم رواتب المشرفين والموظفين الغير سعوديين عشان نقدر نقارن؟
باخذ ملحقيه كندا كمثال: مااظن ان الدوله راح توفر تذاكر،وبدلات من سكن وغيره مثل السعودي صح ولالا؟
مازلت انتظر الاجابة واتمنى فعلا ان تكون مفيدة ومنطقية
مااتوقع ذكرت كلام غير منطقي على قولتك
تحياتي

ويش أخر أخبار التعين يا حلوين ...؟؟!!

الوضع نفسه نفسه بعد الخمسين .... وأعتقد أنه قبل الخمسين كان أفضل شوية ..!!!




تحياتي ,,