هل بإمكاني اطلب تصريح عمل مع الدراسة ^^

يا أخي انا ما ودي أخوفك لكن أحد الشباب من فانكوفر انتهى عليه الستدي بيرمت قبل ما يجدده ولما راح يجدده رفض الطلب واستدعوه الامن وسجن لانه خالف الانظمة وما فكه الا الملحقية لكن كيف؟ تم ترحيله مباشرة من السجن الى السعودية وفي يده الاغلال وترك سيارته عند بعض الاخوان في فكتوريا وشقته كانت مليانه اثاث خسر بعثته وفلوس واجد فقط لانه ما جدد الستدي بيرمت قبل ما ينتهي!!

الخلاصة لازم ويجب ومهم انك تجدد الستدي بيرمت قبل انتهائه لكن افيزا غير مهم تجديدها حتى لو انتهت فقط جددها وين تبغى تسافر عشان تقدر تدخل مرة ثانية.

الله يكون في عونك صراحة وان شاء الله ما تتكرر المأساة.

الملحقية تعوض عن الفيزا والستدي بيرمت ولا علم عندي عن الورك بيرمت

اذا مخلص الستدي بيرمت قبل تجديده وما زلت في كندا، لازم تسافر السعودية اليوم قبل بكرة.

التساهل في هالموضوع يعرض بعثتك للخطر.

بالنسبة لتصريح العمل تقدر تقدم عليه بعد 6 شهور من دراستك الأكاديمية، بس لا يدرون عنك الملحقية اهم شي.

بالنسبة للتعويض اذا دفعت عن طريق الفيزا اونلاين راح تطلع فاتورة للطبع، هذي اللي ترسلها للتعويض.

جوازك منتهي بعد؟ والله انك جريه

أو بإمكانك ترسل للملحقية صورة من كشف حساب الفيزا.. مؤشر على المبلغ المسحوب عن طريق الإمقريشن..

وأأكد على موضوع خطورة انتهاء الستدي بيرمت وإنت موجود بكندا.. على ما أذكر إن لك فرصة شهرين من انتهاء الستدي بيرمت مع دفع غرامة تأخير.. لكن لازم تكون أوراقك كاملة لأنه لو انرفض الطلب بيروح عليك الوقت وتتعرض للمسائلة القانونية..

هذا إذا كان عندك جواز صالح.. أما في حالتك أعتقد إن الحل الوحيد هو الحصول على تذكرة مرور وأقرب طيارة على السعودية.. تجدد الجواز.. وتقدم على الفيزا من جديد..

مع هذا أقترح عليك تكلم الملحقية بأسرع وقت عن طريق المشرف الدراسي أو بالاتصال على رقم الطوارئ وتبلغهم بوضعك الحالي..

أتمنى لك التوفيق..

وعليكم السلام ورحمة الله وبركاته

سؤالك المفروض يكون كيف تحل المشكلة غلي أنت واقع فيها الآن ... ربي ييسر لك امرك ويعينك!!!!!!!!!!!!!!!

روح حل هالمشكلة أول وأسأل خبير أو محامي ... أو أول رحلة للسعوديةّ!

صارت لواحد من الشباب ورحلوه للسعودية ... ولا عاد شاف فيزا بعد كذا !

الله يعينك يا بعدي


بالتوفيق

في المطار ما راح يشيكون عليك، انا متأكد، بس جوازك لازم تخاطب السفارة يعطونك مرور للسعودية . بالنسبة لحكومة كندا لا تدري ان الستدي بيرمت منتهي ترا بيحوسونك خذ مرور من السفارة وارجع السعودية سكّاتي وجدد جوازك والفيزا.

اذا كانت فيزتك ماهي منتهية من زمان ,, ماتوقع مثل ماقالوا الاخوان انهم راح يطردونك وماراح يعطوك فيزا

لان قبل شهرين اختي كان الستدي برمت حقها فوق الشهر ,, وجددناه لها والامور تمام بس المشكلة ان دفعنا 200 دولار رسوم تأخير

تجربة شخصية 100% ماحد قالي

بالتوفيق

المشكلة ما راح يجددون له لان جوازه منتهي، وراح يتعرض للمسائلة.

صحيح كلام الساحر ,, دام الجواز منتهي ,,تقريبا مالك حل غير السعودية