إنسحابي من الترشح لرئاسة النادي السعودي في أوتاوا

اذاً أهل مكه ادرى بشعابها و الحكم عن الشئ فرع عن تصوره.



آميييين

أخوك أوبو أويس

أتمنى لك التوفيق يا أحمد ويكفيك آنك كسبت شرف المنافسه وحضرت بقووه ولكن يبدوا من كلامك أن فيه أيادي خفيه حريصه أنه ما يفوز الا المرشح اللي هم يبون،،،

أن شاء الله أن الموضوع فيه خيره لك ،،، واتمنى لك التوفيق في مشوارك الدراسي وأمور حياتك وأنا اقترح أنك تركز لنا على الروميت المنتظر لأننا متحمسين نشوف من بيقع اختيارك عليه

**** أتمني من كل مشرف وطالب وكل انسان مهتم ان يقرء هذا الرد ***
كعادتنا اتفقنا علي الا نتفق !! عمليه انتخابيه تنظمها نفس اللجنه السابقه !!! انا درست مع احمد المتوسط والثانوي ، وآخر مره شفت احمد تقريبا قبل 3 سنين او اكثر ، لكن بجد زعلت مو عشان ماترشح للمنصب ، لان احمد في النهايه مجرد مرشح زي بقيه المرشحين ، بس جلست افتكر من هوا احمد سلامه !! احمد كان من الطلاب الأوائل في مدرستنا وكان انسان جدا خدوم ومحبوب وتقريبا كان شبه ( عبقري ) واتوقع الكلمه هذي مهي صيغه مبالغه ، افتكر ان احمد كان يصمم برامج بلغه الفيجوال بيسك ( لاحظ انو اتكلم عن قبل 6 او 7 سنين ) ومادري فين وصلت يااحمد !! افتكر الكتاب اللي اخذتو منك ( تعلم لغه الفيجوال بيسك في 4 اسابيع ) كان كتاب طلاسم بالنسبه ليا *احمد كان مصمم ومشرف علي موقع المدرسه ، وكان يعرف في الحاسب اكتر من بعض المدرسين ، *غير طبعا انو فاز علي مستوي ينبع او منطقه المدينه بجائزه احسن عمل ، وأظن اعطوك لاب توب وطابعه اتش بي هديه *وبسبب تفوقو طلبو في نادي الموهوبين في المدينه وجلس عندهم 3 شهور ، وافتكر لمن كنت تقلي انا مارحت المدينه غير مرتين في حياتي عشان كنت عايش بره السعوديه ، وبعد فتره طلبوك و قلتلك جات من حظك . امكن كل هذا مايعني شي للنادي ، بس احمد انسان صبور جدا ومتفهم ومتعاون ومحبوب ، وعندو خبره في العمل الجماعي ، ولو تلاحظو كثره عليه الاسئله من الطلاب فسوي صفحه علي صيغه اسئله واجوبه ، كان عندو هدف واضح ، مقطع اليوتيوب الجرئ ، وماتوقع كل هذي الأشياء تطلع غير من انسان طموح ومهتم ، ولو جلست اتكلم عن الذكريات مح اخلص**** لكن *** لايفهم البعض أني ضد الرئيس الحالي ، لأني ماعرف مين هوا ، وحتي ترشيح احمد لايعنيلي شيئا ، لأني طالب في امريكا ، ولا ليا اخ او احد في اوتاو ، مجرد أني حفرح لإنسان طموح وناجح زي احمد ، ولايفهم البعض أني ابغي اعتراضات واحتجاجات ، لأني كما فهمت انو موضوع الانتخابات انتهي بالنسبه لأحمد، لكن متي نسير ناس ذكيه وراقيه ونعرف مصلحتنا ، انا لو مازعلت علي الناس اللي خسرو خدمات احمد ماكتبت الكومنت دا ، ووالله لو كنت طالب في اوتاو وعرفت انو في مرشح حيفيدني اكتر من احمد لانتخبتو ، لكن هذا اللي مضيعنا ، اش يعني لمن يفوز اخويا ولا صاحبي وهوا مايستحق !!! الهدف من كل دا الكومنت الطويل العريض اننا نصحي ونتعلم ونسيب المجاملات والكذب ،، انا مني ضد احد ، ولا اعني بكلامي اي شخص، انا ماعرف ليش اجلو الانتخابات ، ولا اعرف وجهات النظر بس اتكلم من تجربتي مع المجموعات السعوديه ككل، واعرف كيف نحب ان نسير الامور .. أتمني المرشح أيا كان ، ان يفيد إخوانه الطلاب ، ويكون قد المسئوليه *... ووالله أني ماكذبت في حرف قلتو ولا بالغت واحمد من اعز أصحابي وشهادتي فيه مجروحه ( اعذروني * علي الاطاله) والله يوفق الجميع *

ياعمي في النهاية يبغو واحد في النادي يعرف يزبط الشياب اللي في اوتاوا

احمد تقريبا يعرف 40% من مبتعثين كندا