مصيبة في الملحقية بكندا خطيييرة

أخي الكريم..
لا اعلم شخصياً هل الملحقية تراسل برقم الهوية الوطنية أو لا..
لكن من المعروف وكما رأيت حين تسجيلي بالجامعات الكندية..تطلب رقم social no للكنديين وهو بمثابة رقم الهوية الوطنية لنا كسعوديين..
في حال لايوجد لديك فستكتب رقم الجواز والذي هو رقم توثيق خاص اكثر من رقم الهوية الوطنية!
رقم الجواز لابد أن يسجل بسجل الطالب بالمعهد أو الجامعة ولابد من نسخة من الجواز كذلك ..!

فأيـــــــــــن المصيبة الخطيرة أخي الفاضل ؟!

خوفتنا الله يهديك، ممكن توضح وش الضرر او وش اللي مخوفك بالظبط؟

بسم الله الرحمن الرحيم
السلام عليكم ورحمة الله و بركاتة
أضم صوتي مع صوت العضو ( زمورد ) و هذا حقيقة من المهازل التي تحدث في أزقة الملحقية و التعليم العالي. يعني بالعامي - يدرون أن أغلب مدراس اللغة في كندا - مشرفين الطلاب السعوديين مثلاً ( ماسكينها أبو عراب !!!! ) فبأي حق تروح أنت و تذكر رقم بطاقة الأحوال المدينة على أي معاملة لطالب سعودي مبتعث ؟ طيب يا أخي عندك رقم الجواز !
ولكن ما أقول إلا و تتخلف فنون
و دمتم بخير ...........

ع العموم انا ما فهمت ايش المغزى من الموضوع يا ريت احد يفهمني

مع اني اتوقع ان اكثر من واحد ماهو فاهم ايش الدعوه

ويش السالفه مافهمت يعني وين الضرر سواء رقم البطاقه او رقم الطلابي او رقم الجواز ؟؟

اخي من قال لك ان الملحقية يضعون رقم بطاقة الاحوال في الضمان المالي
انا طلبت صورة من الضمان المالي من الجامعة ولا يوجد به رقم بطاقة الاحوال فقط اسم الطالب وتاريخ الميلاد وكذلك الرقم الجامعي
ارجو التاكد قبل طرح الموضوع
نتمنى لك التوفقيق ولجميع المبتعثين

خخخ مين قالك ؟؟

انا عندي الان ضماني المالي المرسل للجامعة ومكتوب فيه رقم الطالب بالجامعة واسمي والتخصص حقي ..!!

فعلاً انا طلبت ضمان مالي عام وباخر الورقة مكتوب رقم السجل المدني

بس اتوقع هذا شي خاص بالملحقية لمراجعة ملف الطالب

طيب وين المشكله؟؟

ياناس حنآ اكبر من هالمواضيع يعني كاتب موضوع طويل عريض ومصيبه ومدري وش وفي النهايه رقم بطاقه احوال
يعني تتوقع بيروحون يقدمون على منحه ارض في كندا برقم بطاقتك؟ ولا بيشترون قصر برقم بطاقتك ويكتبونه باسمك؟
الناس وصلت القمر وهذولي يقولون رقم بطاقه احوالنا في الضمان المالي


احمد ربك واشكره ان عندك ملحقيه ثقافيه ترسل لها اي استفسار وممايكمل ٢٤ ساعه الا والرد جايك

غيرك يبي رد في شهرين والله شهرين ولاوصله

وانت جاي تحاسبهم ع رقم بطاقه احوال


الحمدالله بس