مساعدة عااااجل: الرجاء شرح طريقة عمل أكلة المعصوب!!! أرجو عدم كتم العلم

عليكم السلام و رحمة الله و بركاته
إذا بتسويها بحاجات جاهزة , يعني خبز من المخبز , خذ قرص أو قرصين عيش حب
إذا ودك تسوي الخبز في البيت , خذ كوبين دقيق أسمر , و كوب دقيق أبيض ( مدري فينو ولا دقيق قمح ) <~ يفيدونك البنات
و اخلطهم مع بعض بالموية إلين يصيرون عجينة
و سوي منهم اقراص ( افردهم ) و حطهم وحدة وحدة عالصاج مع القليل من الزيت
و إذا استوت قطعها سواء بيدك إذا بردت ولا بفرامة إذا عندك
و أضف عليهم موز , على حسب الكمية اللي تبغاها , و اهرس الموز بالشوكة , أو بالفرامة إذا عندك فرامة
و سكر على حسب الرغبة , و عسل و قشطة بالكمية اللي تبغاها
و بالعافية

ههههههه والله عم جوجل ما خلا ولا بقى
كل أنواع المعصوب فيلوه
بس إذا تبغ تريح نفسك روح أقرب مطعم هندي أو تركي وخد الشباتي (الفطيرة المعمولة بدقيق الحب )
جيب موز يكون مستوي وحالي وحط الاإتنين على بعض في الخلاط وشوية سكر إذا حابب ... ( قشطة ..عسل )
وبعدين حطه على نار هادئة وقلب فيه الين ما يسخن ويتماسك قوامه وبالهنا والعافية
هادي طريقتي .. سهلة وسريعة وما تحتاج وقت
بالعافية وبالتوفيق للجميع ^_^

عندي لك الحل بس بشرط لي 20 في المية من القيمة و الوجبة


انت في هاميلتون يعني تورنتو مو بعيده عنك
وفي تورنتو في سوبرماركت اقبال الباكستاني
وعندهم فطيره مقطعه جاهزة والله ماتحتاج غير الموز والقشطة والعسل وكلها موجودة عندهم

حمي الفطيره عالنار والموز في الفرامة
واخلطهم عالنار مع القشطة ونزل الصحن على طول

بس امانه تدعيلي ماابغا ال20 في المية

واي واحد يستفيد يدعي لي وبس

الله يجزيكم خير يا الطيبين
ولايحرمكم من اللي تحبونه

يابعدي ادقلك على القرموشي يرسلك بالشحن معصووب بالقشطه ^_^ دوعابه

في فرامه بـــ20 دولار من كنيدينا تاير

-5 فطيرة صغير ..
- 5 موز
-1 قشطه
- عسل
- سمن... للكيف

-----------
حمي الفطير على السمن
افرم الموز وبعدين افرم الفطير وبعدها القشطه واخلطها زين وبالغافيه

تبغى معصوب ال بيت تفضل وهذي الطريقة
خذ لك دقيق اسمر وابيض بكمية متساوية واللي تكفيك وحط شوية ملح لاتكثر ومويه
واعجنها بحيث انها اتصير سايلة مرة ولاقاسية يعي وسط
وخذ صينية دائرية وحطها عالنار حتى تحمى وبدون زيت
وحط العجينة وافردعا بسرعة وبدون ماتحرق يدك انتبه
وشوية واقلبها ومتى استوت شيلها
في هذا الوقت تكون انت مقطع موز الكمية اللي تحبها واذا عندك فرامة حط عجينة وموز سوا
واذاماعندك حاول تحط العجينة بكيس نظيف او صحن كبير مع الموز واهرسها وافرمها بيدك حاول لأنو المعصوب مايطلع حلو بدون الهرس والفرم
واخيرا حضر المعصوب وحط عليه سمن بلدي او اي سمن وبالهنا والعافية
لاتنسى تدعيلنا

جربنا فطيرة التورتيا الموجودة في كل بقالة كندية و كانت النتيجة ممتازه