زوجتي والبعثه والعمل والغربة والتاجيل والالحاق وووو,,,

ان شالله ياسمي قولي كم اجازتك الاستثنائية بدون مرتب سنه او اكثر وكيف امورك مع الملحقية يعني لو رجعت زوجتي بعد 6 شهور او 8 شهور راح يدوروا عليها ويسالوا عنها ولا عادي امشي اموري هناك حتى لو اقولهم مالقت قبول او مريضه الين ازبط وضعي هناك لاهنت يامرافق اذا مافي كلفه توضح شي هنا على الاقل الواحد ياخذ خبره في الاجراءات ويقدر يخلي النظام لصالحه وزي مايقولون من يمتلك الحيله فليحتال تحياتي اخي الكريم موفق ان شالله ,,,

مع ان موضوعك مو مره واضح بس بتكلم حسب مافهمت
اصلا الدوام المفروض يعطيك اجازة استثنائية يعني كذا كذا اتوقع راح يعطونك خاصة انو قطاع حكومي اما سالفة تستقيل صراحه اشوفها صعبه لانه لازم تحسب للظروف حساب فرضنا جيت ولا سمح الله مامشت الامور مثل ماتبي تلاقي وظيفتك موجوده على الاقل لو فكرت ترجع فحاول معهم وان شاء الله يوافقون يعطونك اجازة
اما سالفة ان زوجتك ترجع وانت تكمل ماراح يرضون هذا الي اعرفه الا اذا حولت مبتعث لكن مرافق لا لان بعثة المرافق مرتبطة بالمبتعثة الا اذا جاب قبول وصار مبتعث اما انك تحط امل على انها هي تأجل وترجع وتكمل انت وانت مرافق بصراحه الي شفته وحصل لوحدها اعرفها رجعو مرافقها لانه يتوقف الصرف عنهم الاثنين اما بالنسبة لقبولات كندا ماستر غثيثه وطلبات ماتخلص وتنتظر شهور عشان يردون يعني مو مضمونه كمان بس ماهي مستحيله اذا سعيت من البدايه وسجلت
بس في النهاية استخيرو واحسبو الموضوع من جميع الاتجاهات والله يكتب لكم الي فيه الخير
بالتوفيق

اخــي الفاضل استخـــر الله واسال وشاور

هذا انا عندكـ لو يرجع بي الزمن سنة فقط والله ماطلع من السعوديه

كل شئ له ميزه وكل شخص له وضعه .....انا مثلكـ ضغطت عليها علشان تجي وتدرس واني انا ادرس

بالاول والاخير الحمد لله اني موظف ححكومي والوظيفه موجوده ثانيا لم اجد قبول بكندا كلها واغلبهم لم يعادلوا شهادتي

هذا وانا تخصصي اشعه وموظف بالوزارة 5 سنوات خبره ....

فاسال وشاور واستخر الله اهم شئ الاستخاره ولاتتعجل علي البعثه اجلها حتي ترتاح لها

ممكن تكون الــ 1000 كيلوا الي تمشيها يومين اهون من هنا

الله ييسر اموركم

والله يا صاحبي الموضوع يحتاج تضحيه

اول شي تضغط علها او تجبرها على البعثه غلط

دامها مرتاحه وماشيه في دراستها خليها زي ما هي تكمل لانه الغربه صعبه يعني دراسه ولغه وفقدان اهل وبعد مسافه وتقديم وقبول واختبارات افلام هنديه بس حلوة يعني مع الصبر وو يمشي الحال وزي مانت عارف خلق الانسان في كبد يعني الراحه غير موجوده الي هنا يصيح والي هناك يصيح فمالك الا انك تحسبها صح من جميع النواحي لا تجبرها او تغضغط عليها لانه اذا ما كان في رغبه قوووويه ما راح تصمد قدام الغربه واللغه والاختبارات والتقديم يعني كلها ضغوطات الي يصبر هو الي يكسب اما الي يطيح راح يرجع السعوديه

انت طلب تاجيل بعثه ولا تطلب من اي احد اطلب من الوزارة طبعا بس لا تروح لاي واحد روح للدكتور ماجد الحربي مثلا او العطيه او شي زي كذا اكتب خطاب واطلب تاجيل وشوف الرد

ولا تجيب لي سبب اي كلام والله مافي محرم جيب سبب قووووي يعني يقنع الي قدامك انك محتاج
الاسباب القويه يا مرض لا سمح الله او وفاه لا قدر الله او ظروف اخرى بس تطون قويه مقنعه


اما انك تطلع كم شهر وترجع غلط واكبر غلط

اولا ما تضمن ضمك للبعثه وما تدري متى تنظم

ثانيا انت وزوجتك راح تخسروا البعثه كلها لا انت ولا زوجتك انا عندي اقدم اعتذار عن البعثه كلها واقدم بعدين احسن من اني اطلع كم شهر عشان لغه وارجع

ثالثا خلي طموحك عالي ايش الي لغه وترجع لو انك وصلت هناك لا ترجع الا بكبير دكاترةو وزاراء محللين الطاقه النوويه الذريه

يعني يا شي يطلعك فووووووق صح ولا بس على اللغه اللغهم ما راح تفيدك بالشي الكثير ممكن تفتح لك ابواب نعم يعني فرص توظيفك ممكن تزيد لكن في النهايه مؤهلك هو نفسه يعني نفس الوظيفه ما حتفرق كثير


اخر شي اقوله لك قدم تاجيل او اعتذار عن البعثه اذا الاعتذار ما ياثر في قبولكم مستقبلا

حاول حاول تطلع على حسابك كم شهر وارجع افتح ملف وكل شي وارجع اعرف ناس سبحان الله قصص شفتها واعرف الشباب شخصيا
اعطيك كم قصه خفيفه

واحد من الشباب استقال وهو في الطيارة انضم للبعثه تخيل هو طلع على حسابه الخاص وانضم وهم في الطيارة القرار الملكي جاه وهو طاير نزل بلد الابتعاث كمل اوراقه وفتح ملفه وانضم سبحان الله ارزاق

وواحد جلس ٩ شهور ولا ضموة لما خلصت فلوسه رجع السعوديه انظم

انت ممكن تروح كم شهر على حسابك لو انضميت الحمد لله ما انضميت ارجع وراح يجيك الظم زي ما سار مع صاحبنا ابو ٩ شهور


بالتوفيق

ان شالله ,, ودام ان الوظيفه موجوده الواحد موخسران شي بس الي محيرني لو مااخذت اجازه هل اقدم استقاله وهذه كمان مو مضمونه ان التحق بالبعثه هناك لو كان في ضمان اني التحق بالبعثه كان ماشلت هم للوظيفه الله بيعوضني وزي ماتفضلتي ,, بالي تعرفيها ووقفوا الصرف عليهم هذي زادت الطينه مويه الله المستعان بس شكله مافي الا حل واحد اني اخليها تقدم اعتذار بحجة عدم وجود المرافق وناجلها الين ماتخلص درستها بس اخاف مايوافقوا بعد كذا نقدم من جديد

شكرا مسرات على المرور ,,تحياتي

اول شي باقول الله يوفقك ويعينك ويرجعك سالم غانم لاهلك وناسك وبلدك ,,

بس ياليت وضعي يكون ان زوجتي ماتدرس هنا كانت بسيطه اطلعها وهي ماتشوف دربها لكن شكلها مافيها حل الواحد يتقبل الامر الواقع ,,,

الله يوفق الجميع وويوفقنا وياكم لكل خير موفقين ان شالله

الحمد لله على كل حال زحلطن وهذه ارزاق في الاول والاخير وان شالله اننا كلنا مؤمنين بقضاء الله وقدره الحمدلله اولا واخيرا ,,

كلامك عين العقل وهذا الي مخوفني مسالة الاحتمالات وامكن وامكن وامكن عشان كذا انا كتبت الموضوع وكنت اتامل القى رد يقنعني او على الاقل يخليني ارضى بالوضع انه خلاص مو شرط الواحد يطلع بس انا قلت امكن في امل دام ان فيه احد طلع قبلي وجرب وعاش وسمع وواجه ,, يعني زي ماتفضلت بالقصص الي صار وسمعت فيها انتى لكن ماعليه الحمد لله على كل حال ,,

وانا اخوك اكثر شي مخوفني اني اجي بعد كم سنه واقول ياليت وياليت وياليت لو غامرت ولو طلعت كان وكان بس زي مانتم شايفين بني ادم طماع ومجبول على حب الخير وانا بين نارين الاحتفاض بوظيفتي ودراسة زوجتي او المخاطره على الاقل بدراستها الي اخاف بعد كذا تروح السنين وترجع بحلوها ومرها واشوفها تلومني وتقولي انت السبب انت الي ضيعتنا وانت وانت وانت لكن ارجع واقول حسبي الله على الوزارة الي انظمتها مي واضحه الا هذه فرصه الواحد مايفرط فيها ..

شكرا مره اخرى لكل من شارك في موضوعي والحمد لله انتم اصحاب التجارب اجبتم وافدتم ونصحتم عسى الله يوفقكم ويبلغكم مرادكم ,,,

يأخي الحل واضح جدا

ما دام هي ترغيب في دراسة الماجستير وهي اصلا تدرس ماجستير يعني معدلها قوي

خلاص تروح تدرس ماجستير في الخارج منها تستفيد لغة ودراسه قوية وانت تستفيد تحقق طموحك


اما لو خايفه زوجتك أنها تفشل في الخارج وما هي واثقه في نفسها انها تمشي هنا

تجلس هنا وتكمل ماجستير

وانت أجلس مع زوجتك ولا تروح أبتعاث لما تخلص زوجتك الماجستير تقدم دكتوراه ابتعاث وتروح معاها انت

بس الفكره الاولى أفضل صدقني

اذا وضيفتك ممتازة وميسور الحال لا تغلط غلطتي وتطلع على شان البعثة خليك في ارضك

مادري ايش اقوووول لكن شكرا على المرور وياليت يكون الحل بالسهوله الي تتكلم عنها تحياتي اخي ماجد ,,