الوصول إلى كندا

حياك الله يالاخت .

راح اجاوب عليك مثل ماجاوبت على الاخت شهرزاد ،، بامكانك تاخذين الشريحه السعودية لكن بتكلفك وما أشوف لها اهمية اساسا في كندا ،، يعني مثلا خذي لك شريحة سواء واشحنيها بمية ريال وأول ماتوصلين لكندا تدقين على الاهل وتطمينهم ،، لان الواحد أول مايحط رجلينه بالغربة أول مايفكر فيه أهله وشلون يطمنهم عليه ويشيل القلق عنهم ،،، وخليها معك منتي بخسرانه شي .

لكن أول ماتوصلين للعائلة كلميهم يودونك لمحل اتصالات وطلعي لك شريحة مفوترة كندية وليس مسبقة الدفع ،، وخلاص تعطين الرقم اهلك ويتواصلون معك من خلاله .

وشاهدي هالرابط وراح يفيدك ان شاء الله وتفهمين وش اقصد :
http://www.mbt3th.us/vb/forum108/thread282902.html


وتفضلي هالرابط لمعرفة اسعار التجوال الدولي لمسبق الدفع :
أسعار التجوال الدولي لمسبق الدفع

بالتوفيق

والله وناخوك الطريقة ابسط مما تتوقع ،، وموقع الملحقية مبسطها لأبعد درجة ،،، فقط اللي عليك سنع امورك من السعودية افضل وسوي سكانر لجميع اوراقك وضعها في جهازك بصيغة PDF واذا وصلت لكندا فيه مقاهي كثيرة تسوي لك سكان لختم الدخول والاستدي بيرمت وغيرهـ ،، ومباشرة ارفع اوراقك اونلاين ، ومايحتاج تتعب نفسك وتروح السفارة .

والامور سهالة ان شاء الله .

بالتوفيق

اذكر الستدي بيرمنت يعطونك اياه بالمطار او انت تطالب فيه وتخليه معك هل هذا كلامي صحيح ؟؟؟

طيب بالنسبة لاجهزة الجوال خصوصا الايفون
هل فيه تدقيق عليه او لا ؟

اي نعم اخوي استدي بيرمنت يعطونيك اياه في المطار

لازم اصلا ماتطلع من المطار الا هم معطيينك اياه

الله يسهل عليكم

بالنسبه لأجهزه الاتصال مافيه تفتيش

والكمبيوتر فيه تفتيش بس على حسب الموظف يمكن مايفتشه

الله يسهل عليك

جب معاك بن لووووووول
ماقصرو الشباب بس ذكرت البن واتذكرت

ترا القهوة تنباع في epay اسمها قهوة اثيوبيه ان ماخربطت وان شاءالله ماخرربط
وتختار الحمسه ايش درجه او اثنين او3

خفت تشتهيها وانت هناك قلت افيدك

^
^
مشكووورة ماقصرتي , طيب البن ماينبااع هناكـ, ؟!
ههههههـ ومسألة اشتهيها مافي أمل لاني ماشرب قهوه عربية

والله الشباب ماقصروا بلي قالوه بس اهم شي تكون مزبط لك سكن افضل عند عائله اذا انت بتتعلم لغه ولا تنسى التامين الطبي للسفر لان العلاج هنا مره غالي
الفيزا حلوه واشحنها بلي تقدر عليه راح تفك لك ازمات باذن الله الديره غاليه ملابس واكل وكل شي كثر الملابس الي معك ولا يغرك الصيف تراه عادي يجيك ايام برد خصوصا الصباح واخر الليل يعني جيب لك كذا جاكيت حلو
دعواتي لك توصل بالسلامه

^
^
مشكووور , اخوي ,
انا ظبط سكن مع المعهد , طيب التأمين الطبي مع المعهد ولا انا اسويه بنفسي ؟!
وبالنسبه للبطاقه او الأشتراك حق السب واي مدري الباصات طبعا الأفضل اشتركـ ! وين تكون اماكنهم ؟!