طلب تجديد الستدي بيرمت بالاوراق وليس اون لاين

شكرا لمن رد علي وطمن الله قلوبكم يارب
حقيقه انا جدا مرتبكه من هالموضوع وما اقصد والله اربكم معي ابد بقد ما اثق في ردودكم ويعلم الله انه من اول ما جات البعثه لي وانا اعتمد على الله ثم على الردود العقلانيه والنصائح والتوجيهات اللي مروا فيها اللي قبلي في منتدى مبتعث الحبيب

اما اذا سألتني عن فيزه ولدي فما ادري كيف اعرف انها متعددة الدخول يعني اذا كان مكتوب عليها multiple ؟ نعم فيزة ولدي مكتوب عليها ملتيبل .

اذا انا فهمتك صح فالمشكله اني ارسلت اوراقه ما يمديني ارجعها ولكن بدون الجواز لانهم ما طلبوني الجواز طلبوا فقط صورة منه


اذا انا لحد الان فاهمتك صح رد مني

نسيت اقولك .. انا اساسا ما دريت اني راح اطلع في رمضان ولا رتبت لهالشي لاني توقعت المعهد الجديد اللي انا فيه الان واللي بديت فيه من هالشهر توقعت انهم ما عندهم اجازه في رمضان ولكن اتضح لي انهم يأجزون في رمضان لمدة شهر كاااااااااااامل فعلى طول حجزت تذكره على وطني الحبيب ولا انا انسانه احب اجهز اموري اول بأول وما احب الخبط نفسي


الله يسعدك صراحه طمنتني حيل الله يسهل امورك يارب ويفرج همك ويوفقك في حياتك ويجعلك ترفع راس امك وابوك

ياعمري الله ينور قلبك بالايمان صدقيني ردك طمني ... واذا على الستدي بيرمت ياااارب ما يطول بحكم انه اون لاين نقول ان شاء الله ما يطول

حياك الله وناخوك ،، ونا والله كل اللي اقصدهـ انك تهدين بس وتتعوذين من الشيطان لان الارتباك والقلق مبين عليك حتى بعنوان موضوعك ،، وبهدوء وبعقلانية وبالشورى صدقيني راح تنحل كل المشاكل واللي مقدرهـ الله راضين فيه .

بالنسبة لموضوع الاستدي بيرمت تبعك انت وزوجك مثل ماقلت لك دامك رسلتيها خلاص ، خليها وان شاء الله تجيكم قبل اوقست ،، لكن لاتشغلين نفسك ولاتخلين هالموضوع يؤثر على دراستك وتفكيرك ،، حطي براسك ان جات قبل اوقست هذا اللي ابيه ،، وان ماجات فالحمدلله على كل حال .

بالنسبة لولدك دام معه تأشيرة دخول متعددة multiple فماعليه مشكلة ان شاء الله يطلع ويدخل لكندا ،، اهم شي يدخل لكندا قبل ماتنتهي فيزة دخوله اللي هي ( نوفمبر ) مثل ماقلتي .

أنا فقط ابيك تسوين الشي التالي ،، دقي على رقمهم وقولي لهم ، أنك رسلتي لهم فيزا سياحية لتجديدها بالتاريخ الفلاني وانه جاتك ظروف الان وودك ترجعين للسعودية قبل شهر اوقست ، هل من الممكن اسافر للسعودية واذا عودت الاقيكم مخلصين منها واستلمها ؟؟ ( أهم شي تعلمينهم ان الفيزا متعددة ) ،،، ام لايمكنني عمل ذلك ؟

أذا قالولك مايمديك تسافرين واوراقك معانا وهناك مشكلة عليك ،، فقولي لهم طيب اذا ابي اسحب الاوراق الان واجددها اذا رجعت عقب اوقست هل بأمكاني او لا ؟؟ وكم يوم تستغرق عشان ترجع لي ؟

الخلاصة / اذا قالو لك وناخوك انه بامكانك تسافرين للسعودية واوراقك عندهم وتستلمينها اذا رجعتي كندا خير وبركه ( اقصد الفيزة السياحية ) ،، فقط انتظري اوراقك انتي وزوجك وثمن روحوا للسعودية أول ماتطلع ،، أما اذا قالولك ماتقدرين تسافرين واوراق التجديد عندهم وممكن يسون لك مشكلة ولكن بأمكانك سحب الاوراق خلال كم يوم ،، فانا اشوف انك تخلينها عندهم لحد ماتطلع اوراقك انتي وزوجك ،، واذا ماطلعت الفيزا اسحبيها ،، الواحد مايضمن يمكن تخلص فيزته قبلكم .

ولو اني أشوف ان مافيه مشكلة لو سافرتي واوراق تجديد الفيزا عندهم دام صلاحيتها مازالت فعالة ،، لكن بمثل هالدول الواحد يحتاط ويعمل حساباته ويسأل قبل مايسوي اي شي افضل .

اتمنى انك فهمتي مقصدي ،، واذا مافهمتي علميني .

بالتوفيق

فعلا كلامك عين العقل
اليوم راح اتصل عليهم واسألم
وراح اخبركم بالرد ان شاء الله