طلب تجديد الستدي بيرمت بالاوراق وليس اون لاين

ياريت الرد يا اخوان الله يعافيكم
معقوله للدرجه هذه موضوعي معقد وصعب لدرجه ماحد عنده خبره او تجربه او حتى كلام في هالموضوع

متى ارسلتها

لان البريد الكندي فيه مشكلة

مضربين سعادتهم

أختي عندك علم متى بالضبط رسلتي الاوراق ؟

حسب موقع الامقريشن ان الاوراق راح تاخد بالضبط ١٦٧ يوم

Processing times: Temporary Residence

والمشكلة انا كندا بوست عاملين اضراب هاليومين يعني راح يطول الموضوع شوي

الحل انك تسافري وتقدمي من السعودية ادا مضطرة

بالتوفيق

اختي مافهمت عليك بالعنوان مكتوب الستدي بيرمت وبالموضوع اقامه؟؟؟

فعلا الاخو صادق ،، انتي تتكلمين عن تجديد الاستدي بيرمت او الفيزا السياحية ؟؟؟؟


علعموم اذا كنتي تتكلمين عن تجديد الفيزا السياحية داخل كندا وبالاوراق مثل ماقالك اخونا أقصى حد لها 167 يوم .
وراء ماتقدمينها اونلاين ؟؟؟ بتأخذ عليك أقصى حد شهرين فقط .

وأن كنتي تتكلمين عن الاستدي بيرمت وتجديدها داخل كندا ،، فأن كانت بالاوراق راح تاخذ اقصى حد 96 يوم .
واذا التقديم أونلاين راح تأخذ اقصى حد شهرين .

واذا انتي مستعجلة بالرجعه للسعودية أرجعي للسعودية وقدمي من هنا وامورك سهالة ان شا ءالله .

بالتوفيق

انا اقصد اقامة زائر وليس ستدي بيرمت وهذا خطأ مني
مو معقوووووله يعني راح انتظر 167 يوم ؟؟؟
طيب وش اسوي في اوقست لازم اسافر السعوديه والتذاكر دفعت فلوسها
انا امس ارسلت الاوراق
اللي يقول اون لاين انا حاولت ارسل ابلكيشن منفرد لولدي لاني لما عبيت ابلكيشن لي اون لاين اضفت زوجي وما اضفت ولدي
لذلك انا متوهقه وارسلت اوراق ولدي في البريد
وشلون ارسلها من السعوديه وانا برجع من السعوديه الى كندا في 4 سبتمبر ؟ احس ما يمديها تجي الاوراق
بس انا اقول ان فيزة ولدي راح تنتهي في نوفمبر لذلك لما ارجع في سبتمبر ويشوفوا فيزته ما انتهت راح يدخلونه البلد من غير مشاكل صح ؟؟؟؟؟؟؟
بلييييييييييز اللي عنده خبره يطمن قلبي

انا جاني حل الا وهو : خلونا نتصور ان الستدي بيرمت حقي وحق زوجي جانا قبل لا نسافر السعوديه يعني قبل اوقست( يارب ) وفرضا اقامه ولدي كزائر ما جات باقي ( يارب تجي بسهوله). وجا موعد سفري واخذت نفسي وسافرت السعوديه مع اوراق ثبوتيه تثبت اني قدمت على اقامه زائر لولدي في البلد وانها ماوصلت باقي لان كندا بوست مضربين . وانا راجعه من السعوديه في سبتمبر راح اوريهم الستدي بيرمت الجديد حقي انا وزوجي واما ولدي راح اظهر لهم المستندات اللي تثبت مع ريسيت الدفع(75$)
في هذه الحاله ياااارب ما يكلموني ويدخلونا من غير مشاكل ...ولا وش رايكم هل انا تفكيري صحيح؟؟؟؟؟

علما بأن الفيزا ما انتهت باقي لها مده تخلينا نسافر ونرجع


اللي يعرف حل غير كذه رجااااء يتفضل ويسدحه هنا

السلام عليكم، ياحياتي لا تاخافي اذ فيزه ولدك بتخلص في نوفمبر خلاص تقدري تدخلي بدون اي مشكله، واذ رجعتي من السعوديه جدديها
ولو قدمتي عليها الحين ما تاخذ ،قت الفيزه اما اسندي بارمات تطوووووووول اقل شي ثلاث شهور

اتمني اني افتك،، بتوفيق

وعليكم السلام ورحمة الله ،، هلا بك يالاخت .

وناخوك اهدي الله يهديك وتعوذي من الشيطان أحسك مرتبكة شوي واربكتينا معك هههه ،، تعوذي من ابليس وركزي معي ،، انتي المفروض دامك مقررة من زمان انك تطلعين للسعودية في شهر اوقست ، كان دخلتي واستفسرتي عن الطرق والمدة اللي بتاخذها وغيرها من الاجراءات ، خاصة وان موقع الامجريشن والمواقع الحكومية الكندية موفرهـ كل الاجابات ،، وكان ريحتي نفسك من هالحوسة الحين ،، لكن ماعليه قدر الله وماشاء فعل ،، فاتمنى انك تركزين معي شوي بدون تصور وبدون خيال :

اللي فهمته منك أنك انتي وزوجك تدرسون هناك ومعاكم استدي بيرمت وقدمتي اوراقكم للتجديد ،، وولدك فيزته سياحية والبارحة قدمتي اوراقة فقط صح ؟

اذا كان فهمي صحيح ،، فأفضل ماسويتي انك قدمتي اوراقك انتي وزوجك لتجديدها من داخل كندا افضل لكم وأن شاء الله تجيكم قبل اوقست فخلاص دامك قدمتيها لاتقعدين تلومين نفسك على التاخير او تفكرين بسحبها ،، اتركيها والله بيفرجها ان شاء الله ،، وحتى لو وصل أوقست وماطلعت تحملي واصبري وكل لدغة بتعليمة .

بالنسبة لولدك وفيزته السياحية ياليت تعلمينا هل فيزته ( مفردة او متعددة الدخول ) اذا كانت متعددة الدخول مثل ماتقولين وبتنتهي في شهر نوفمبر فأسحبي اوراقه منهم ومتى مارجعتوا لكندا في المرهـ الثانية مباشرة جدديها .
اما لو كانت فيزته مفردة فأنتي امام خيارين بوجهة نظري ،، أما انك تنتظرين وممكن تتكنسل عليك رحلة اوقست للسعودية بسبب انتظارك وانتي وحظك ،، واما انك تسحبين الاوراق حقته وعقب ماتخلص اوراقك انتي وزوجك تعودون للسعودية ومباشرة ترفعون اوراق ولدكم للسفارة ،، وكما هو مكتوب بموقع الامجريشن الكندي فيزة السياحة الكندية خارج كندا تأخذ اقصى حد 21 يوم .

فأبني حساباتك وامورك على شي مضمون افضل لك من انك تبنينها على تمني او أفتراضات وتخمينات .

والله يصبرك ان شاء الله وتوكلي على الله وأموركم بتفرج ان شاء الله ،، أهم شي استخيري الله وشاوري زوجك واتخذي القرار مباشرة .

بالتوفيق