استفسار عن اخذ الخادمة لكندا

مدري عن الشغاله بس ثقتك نصيحه لا تجيبينها معك

ما انصح ابدا لكن اذا مره مصممه تجيبينها... اتفقي معاها على الراتب انه يكون نفس وهي بالسعوديه وخل توقع على تعهد انها مموافقه على كذا طبعا التعهد بالانقلش احتياط عشان لا تقلب عليك هناك وتطلب زيادة راتبها, لان اقل واحد يشتغل يستلم اقل شي من 7 الى 9 دولار فالساعه. وخل توقع على المده اللي تبي تشتغلها... خذي احتياطاتك بكل شي لانك بتواجهين انظمه وقوانين غير عن السعوديه.
وبالتووفيق

يا جماعة الخير الا نتعض من الاعلام

سبحان الله والحمدلله والله أكبر

حملات للمطالبة باطلاق حميدان الله يرجعه لاهله وكله بسبب الخدامه ومخالفة انظمة العمل

النظام هنا يختلف عن انظمة الاستعباد والاسترقاق الموجودة بالسعودية و لا يحتاج ان الخدامه تفهم النظام وتشتكيكم لا يكفي بس ان احد من الجيران يشتكيكم وتروحون في سين جيم وسجون

وما زال هناك من يريد اصطحاب خادمة

هل نحن شعب لا نقرأ أم نقرأ ولا نفهم أم نفهم و نستعبط

سوري اخ طلال بس انا ما اعرف الحميدان ولا ايش قصته وما استاهل كل هالتهزيء

اهلين دكتوره ..
انا رأيي لا تاخذينها و بأقولك الموضوع من ناحيه ثانيه ..
مره كنا نسولف مع استاذتنا بالجامعه و قلنا لها انا اشتقنا مره للسعوديه و جا طاري الاشياء اللي اكثر شي مفتقدينها بكندا ..
و قلت انا و الله احلى شي كان الشغاله و السواق ..
السواق يودينا كل مكان مو مضطرين ننتظر الباصات بالنص ساعه و الجو احيانا مو حلو برررررررد ..
و الشغاله كانت تساعدنا خاصه اننا امهات و ندرس او نشتغل كانت تساعدنا و ما نتعب لما نرجع من الدوام مو زي هنا نرجع من الدوام وواجباتنا وواجبات العيال و غداء و مسؤوليات ما تخلص..
اتخيلي اش قالت ..
قالت احنا الاستعباد انتهى عندنا من زمان ..
كان موقف محرج الصراحه و انصدمت من رد فعلها مع انها تحب الدلع و الراحه عندها بنت وحده و ما تطبخ لها ..
بس جلست افكر كثير في اختلاف الثقافات..
و الحين طرى على بالي هالموضوع..
هنا ممكن ما يتفهمون اننا احنا متعودين عليهم او مستأمنينهم ع العيال او كذا ممكن يشوفون انه استعباد او انك تحبين الشو ..
الله يعينك حبيبتي و يوفقك و استخيري قبل كل شي..