زوجي متوهق بي :(

و عليكم السلام و الرحمة

انا مو من النوع الخبير بالاجراءات القانونية بالنسبة للتأمين
و سمعت عن التأمين الدولي
بس مثل ما قالوا لزوجك التامين ما يغطي الحمل
الا اذا حملتي و انتي معاك التأمين .. مو قبل يعني

ما بفيدك معذرة
بس انا لأني حامل و عندي مشاكل بالحمل
و التكاليف شي مو بسيط

و حتى الحمل بدون مشاكل
مراجعاته و بالولادة يكلف شي مو قليل

عموماً
ان شا الله يفيدونك الاعضاء بالنسبة للتأميم الشامل

و الله ييسرها لك بإذنه

على حسب نوع الفيزا الكندية الي راح تحصلي عليها
لو صار عندك فيزا مدتها فوق السنة وانتي كنتي في ولاية برتش كولومبيا ,, بالامكان الحصول على تامين طبي من الولاية ووقتها راح تتم المراجعة بشكل عادي بعد اختيار دكتور عائلة

انا عارفه لأني كنت مسافره سياحه قبل فترة وكنت حامل ونزل الجنين وتمرمط بالمستشفيات يعني دخلت طوارئ مره وحده ب8 الاف ريال سعودي من دون تنويم بس كشف ودواء واحد ويالله روحي البيت
أنا فيزتي multiple visitor
مدتها سنه كامله
ياريت أحد يسأل لي عن التأمين الطبي الدولي لان كل اللي حولي مايعرفوا

الامر سهل جدا ومايحتاج تامين دولي تفتحون ملف باي عياده تختارونها وتعالجون ويعطونكم فواتير والملحقيه تسدد كل شئ حسب مااسمعه من الزملاء الذين عندهم نفس الحاله .

وإذا تريدين ايميل احد الاخوان اعطيك ويفيدك لان زوجته كانت حامل وانجبت في كندا وهو عنده خبره في الشغله وخدوم لكل السعوديين .

أخويي انا زوجي يدرس على حسابه لسى مانظم للبعثه
تأكد لي اذا الملحقيه تسدد عنا ؟؟ أو عطنا أيميله أو جواله بخلي زوجي يكلمه أويراسله أذا ممكن

اختي في شركات تأمين كثيره تشمل الحمل يعني زوجك ماعليه الا يشوف شركة تأمين وياخذ منها تامين لك وله وفي مثل التامين العائلي وبعدها يرسل الفاتوره للملحقيه واتعوضه عن اللي دفعه.
ولوو يبغى يعرف الشركات اللي تعترف فيها الملحقيه يكلم الملحقيه ويقولون له كل شي بالتفصيل وعن الشركات اللي اتغطي الحمل والشركات اللي ماتغطي

وبالتوفيق

مدري وش الهدف انك بتجين هنا للولادة ( لو تفكرون المولد ياخذ الجنسيه طبعا خطاء ما يعطونه الجنسيه )

اما لو فقط بتجي على شان زوجك خليكى الينتولدى بجد بتتعبي هنا اللي ما عندك مشكله بالفلوس لانك بتدفعى

فلوس كثير واعتقد ملف متابعة حمل وولادة بيكلفك اقل شي 2000 دولار حتى لو معك تامين

والايام الجاية بيكون البرد فيها قوي وايام الشتاء ايام كابه يعنى الجو مو مناسب تولدين هنا بالفتره الجايه

نفسيا بتتعبي يكفي الاكتئاب بعد الولادة بتزيدين عليه اكتئاب الشتاء ..

وجهة نظري

توي دخلت الموضوع اشوف وش صار
و كنت بنصحك نفس ما قال الاخ يس

بس للتصحيح .. ياخذ المولود الجنسية


ولدي في السعودية احسن لك
ما في اي تأمين يغطي تكاليف الحمل
الا في الحالة اللي ذكرتها لك سابقاً

و ترى الثمان الاف ريال اللي دفعتوها
هذي نقطة من بحر في تكاليف متابعة
الحمل و الولادة
صاحبتي ولدت و لا عندها اي مشكلة بالحمل
دفعت للعيادة الف و نص دولار بس متابعة
و بولادتها بالمستشفى حول ثمان الالاف دولار و زيادة
و غير التحاليل و الادوية و المتابعة بالتصوير
مبالغ مو بسيطة

بس احنا طبعاً لأن مبتعثات
فالدولة تتكفل بالاشيا هذي

و لو الطفل ما ياخذ الجنسية
و يعطونه هيلث كارد
و الا كان المبالغ علوم

و مثل ما قالت اخوي اللي قبلي
الجو ما ينفع لولادة
و حتى لو الجو تمام
ما في احسن من ولادتك و انت عند امك

انا لو بكيفي و لولا حالتي الصحية
كنت بسافر لاهلي و ارجع بعد الولادة

اسمعي نصيحتي و انا اختك
و تعالي لزوجك بعد ما تولدين

و الله يفتح عليك

أنا ياجماعه مو قصة جنسيه بالعكس انا افتخر بجنسيتي لا انا ابغى اروح لزوجي
انا استقلت من شغلي عشان ابقى مع زوجي وخلصنا كل اوراقنا اخر اسبوعين لي بالسعوديه طلعت حامل ورحت لاكثر من دكتوره منعوني اسافر
هو راح وانا بقيت على اساس بس ينضم للبعثه اطلع له بس الوضع هنا مو أوكي نفسيتي تعبانه جدا
خلااااص قصت حياتي والله ياعالم مورايحه اتمشى
ابغى شركة تأمين طبي دولي بدفع لها بالشهر او 3 شهور الى ان تتسهل أمور زوجي وينضم للبعثه