مساعدة لكل من لدية خلفية عن تورنتو أفيدوني مشكوريـــــــــــــــن

وعليكم السلآم ورحمة الله ..

أختي بالنسبه لسكن بجانب معهد جامعة يورك ما انصحك فيه ابدا لأن الامان في هذيك المنطقة مش ولا بد .. افضل لك تاخذين لك سكن في الداون تاون وتروحي للجامعه منها ..

صحيح ان المسافه بتكون بعيدة بس افضل لك بتكون من ناحية الراحة النفسيه والامنيه بنفس الوقت ..

ومن ناحية افضل نوع شقق طبيعي الغير مفروش ارخص بكثير من المفروش .. لأن المفروش راح ياخذ منك تأمين وحوسة مانتي ناقصتها ..

وبالنسبة للتأثيث ابدي حبه حبه لين تستقرين مو شرط تفرشين كل شي بوقت واحد ..

اما معهد pli ياليت تحددين ايهم ؟ لأن فيه فرع بالداون تاون وفيه فرع بعيد ..

بالنسبه لمعهد الـ pli بشكل عام ما انصحك فيه ابدا وانصحك تنقلين لمعهد جامعي افضل من انك تضيعين وقتك فيه من الاساس ..

وعليكم السلام والرحمه انا اؤيد كلام لحن مطر المنطقه اللي جنب يورك مرره ماهي امان ( valliage ) بس عندك العمائر اللي جنب محطه شبرد قريبه للجامعه ومنطقة راقيه وحلوة والتجمعات العربيه والسعوديه بصفه عامة كثيرة والخدمات ممتازة ومن عندها بس تاخذي باص يوديك للجامعه او للمعهد دايركت بس انها تعبتر شويه بعيدة عن المعهد وعن الدوان تاون بالنسبه للدوان تاون انا كنت ساكنه فيه وكنت عادي اروح للمعهد يورك تقريبا ساعه الا واوصل المعهد في البدايه الطريق كنت اشوفه طويل بس اتعودت عليه وتحسيه ولا شي بالذات لما يخاويك احد في الطريق وبالتوفيق

مشكورين الله يسعدكم دنيا وآخره ع الإفادة ويسهل أموركم يارب

طيب أختي أميره قلبها ايش الأفضل السكن بالداون تاون أو جانب محطة شبرد ؟

السلام عليكم ورحمة الله وبركاته

أختي بالنسبة للسكن ..

أفضل مناطق السكن هي محطة يونغ بلور .. وكذلك محطة كوليج ومحطة كوين ومحطة يونيون ..

الغلاء ..

بالنسبة للشقق في الداون تاون .. تتراوح بين 1300 - 1700 ( غرفة وصالة ودورة مياة ومطبخ ) غير مفروشة

وتتراوح بين 1500-1900 ( غرفة وصالة ودن ودورة مياه ومطبخ ) غير مفروشة

وتتراوح بين 1700 - 2200 ( غرفتين وصالة ودورتين مياه ومطبخ ) غير مفروشة

بالنسبة للأثاث على حسب والأفضل تشترين أثاث أحد بيسافر وبيرجع السعودية .. أو تأخذين من إيكيا الأغراض المهمة في البداية وبعدها تكملين أثاثكـ على رواقة


بالنسبة لمعهد pli أنصحك تغيرين وتشوفين أحد يجيب لكـ قبول في ilac أو كنج جورج .. أفضل لكـ في البداية لأني أشوف إنها أفضل المعاهد التجارية ..

لا تفكرين في المعاهد الأكاديمية في أول ست أشهر ..

هذا رأيي ورأي أغلب القدماء في كندا خصوصا إذا كانت لغتك الإنجليزية ضعيفة

بالنسبة للغلاء .. غالبا اللي بريال في السعودية بدولار هنا .. وليس في كل الحاجيات ..

يعني ممكن تشترين شيء بعشرة ريال في السعودية بتلاقينه هنا بعشرة دولار مع إن الدولار أربع ريال تقريبا ..

وممكن تلاقي إختلافات يعني مو قاعدة بس غالبا كذا ..

التجمعات السعودية .. فيه جمعية الطلبة السعوديين في تورنتو ( نادي تورنتو ) وهذا رابط الموقع الرسمي للنادي ..

النادي السعودي بتورنتو

المواصلات عن طريق قطارات مترو الأنفاق ( الصب واي ) توصلك لأي منطقة في تورنتو وممكن تحتاجين تستخدمين باص من أي محطة إذا كان المكان اللي رايحة له بعيد

أسعار المواصلات .. بطاقة شركة ttc

121 دولار شهريا .. وممكن تصير 99 للطلاب .. وهذي لها طريقة عشان تقدرين تأخذين التخفيض

وأي سؤال أختي تحت أمركـ ..

مشكور رماد الحرف الله يكتب أجرك ويفتحها بوجهك

طيب ياليت تفيدني كيف أحصل على بطاقات التخفيض للطلاب؟؟

الواحد افضل شي يروح يدرس في مدينه كبيرره مثلا تورنتو اهو تفكيره كله بالايجار ...... الواحد يفكر يروح في مدينه فاضيه يجلس يسوالف معه نفس ... اهي دراسه وسياحه في نفس الوقت .. الواحد يغير جو اما بالنسبه للايجار البيت المدينه الكبيرره فيها اجارات رخيصه وفيها غاليه .. بس الشعب كله يبي يسكن فوق المعهد ،، بالتوفيق للجميع ،،، انا بالنسبه لي اشوف تورنتو احلي مدينه ،،،

بالنسبة لبطاقة التخفيض الطالب

يأخذ خطاب أو بطاقة فيها صورته من المعهد اللي يدرس فيه

ويروح لمحطة Sherbourne اللي على الخط الأخضر شرق أول محطة بعد محطة bloor

وتعطيهم الخطاب اللي معاك وتطلب بطاقة تخفيض وتدفع 5 دولار ويعطونك بطاقة مدتها سنة ..

وتدفع لهم 99 دولار حق بطاقة شهر ..

وتصير كل شهر تشتري بطاقة الطالب بموجب البطاقة الي أخذتها ب5 دولار ..

والمهم إن البطاقتين يكونوا معاك لأنهم لما يشوفون البطاقة مخفضة يطلبون بطاقة الطالب اللي أخذتها من محطة Sherbourne

والله يوفق الجميع

رماد الحرف .....ألف شكــــــــــــــــــر لك

مررررررررررررررررررررررررررررررررررررررررررة حلوة نصيحتك
100000000000000000000000000000000 شكر لك
موفففففففففففففففففففففففففففففففففففففففففففففففف ففق دوم