استفسار يا أهل تورنتو تكفووون ساعدوني

ايه بيكون منتهي .. الاجواء بارده
إشتراك المواصلات العامه فيه يوميا و اسبوعيا و شهريا.. سنويا ما فيه.. والبطاقة تشمل كل طرق المواصلات العامه اللي هي السب واي و الباصات و قطار السكه على الشوارع
سعر البطاقة شهريا ١٢٠ دولار.. اذا طالب اظنها بـ ٩٠ وشي

بتجي على الثلج ,,,, استعد كويس للبرد وخصوصا برد تورونتو ,,,,,,, البطاقة الشهرية ب 120 شاملة جميع المواصلات ,,,,, بالتوفيق

الله يخليكم لينا ولا يحرمنا منكم

بس سؤال بسيط الى كم يقعد البرد

وهل يمديني اطلع فيزا امريكيه سياحيه يعني اروح امريكا في الاجازه وارجع كندا اقدر ولا لا وايش تكون الاوراق


واسفين

أخوي أولا نرحب بك بيننا كمبتعث باذن الله
ثانيا تقريبا في الوقت الي بتجي فيه بتراوح درجات الحراره مابين -5 الى -20 والله اعلم ممكن تكون اكثر او اقل لذلك كن مستعد بالبجامات والجاكيتات ان اخذت معك واحد ولما تجي هنا خذ لك واحد بحيث الي هنا صناعتها مقاومه للبرد اكثر
ثالثا القطار الي هو الساب واي او المترو له كما قال الاخوان اشتراكات اسبوعيه وشهريه ويشمل الباصات وسيارة الطريق (الستريت كار)
الاسبوعي ب 36 دولار
الشهري ب 121 دولار
اليومي عباره عن توكنز او فيش قيمة الواحد ب 3 دولار
بالنسبه لاشتراك الطالب والي يبلغ سعره 99 دولار لابد تكون طالب جامعه علشان يقبلون انك تاخذ وحط في بالك لو اخذت ولا معك بطاقت طالب حتى لو انك طالب جامعه اقل شي ياخذون البطاقه وممكن والله العالم يسمكونك وهذا شي انا شفته بنفسي
الفيزا تقدر تطلعها من هنا بس ماادري كم تاخذ وقت بالضبط ولكن كما علمت انها نفس الاجراءات المعموله في السعوديه من ناحية المقابله الشخصيه مع السفاره الامريكيه
بالتوفيق لك وللجميع وتصل غانم سالم باذن الله

يمديك تطلع الفيزا الامريكيه من كندا لكن ما انصحك .. انا حاولت هناك لكنهم غير متساعدين ابد ولا يعرفون أوضاعنا.. تم رفضي بالمقابله على طول, لكن رجعت السعوديه في اجازتي و استخرجتها من هنا بيومين على طول الحمدلله.. اذا تبي الفيزا احسن لك حاول تضبط امورك من هنا ما راح تأخذ معك وقت كلها في اسبوع يمديك تعبي الأبلكيشن وتاخذ موعد مقابله وانت خالص بإذن الله

لا تشيل همها البطاقه ولا عليك اهم شي ان الامور بتتسهل لك باذن الله دامك بس جاي لغه فما يهمك