بشرى ساره أبا الخيل طااااااااااار

ع

شكرا أخوي.. بالنسبه لاجابته على الأسأله أكيد كل ملحق راح يجاوب ولكن هل حل مشاكل... وبعدين أخوي بودي أعرف الايجابيات بعهده مثل ايقاف الصرف والا الساعه اللي زودها على حقين اللغه.. والا المساكين اللي وقف عليهم بسبب التجسير.. لا تقولي هو اللي سوا البوابه لأن البوابه طال عمرك من الوزاره مو منه الله لا يوفقه

بالعكس ياخساره ابالخيل...

الحين عقب هالكلمه اللي كتبتها بيجيني خمس ميه واحد مطفي نور ويقول يقرب لك ومضبطك ... الخ كلام المبزره

ياحبيبي .. ابالخيل اللي ماعجبك هذا ضبط كل (الطلاب المتلاعبين )
ابالخيل... اول من طبق نظام الاستدعاء... يعني لو مارد عليك المشرف خلال يومين او ثلاثه... تقييمه ينزل.

طبق تقييم المشرفين والمعاهد ... الخ من قبل الطلاب.

ابالخيل اول ملحق ثقافي ينشاء صفحه على الفيس بوك ويتواصل مع الطلاب شخصياً

ابالخيل من فتره لفتره يزور مراكز سعوديه داخل كندا ويستمع للطلاب.. وتراه بيجي كاملوبس هالاسبوع يستمع للطلاب



رح طلع لي ملحق ثقافي في الدول الثانيه مثله...





وجاي انت وياه الحين تبربرون وطار ومدري ايش..


الحمدالله بس

رح شف ملحقيه امريكا كيف تعاملهم مع الطلاب وكيف قطع الرواتب عليهم... عشان تحمد ربك

والله شخصيا كان الدكتور متساعد معي نوعا ما ويقدم النصيحة . والله يوفقه في بريطانيا ويوفق كل ملحق في ارضاء رغبات المبتعثين...

السلام عليكم ورحمة الله وبركاته
السالفه مو تطبيل لكن نقول ان ابا الخيل افضل السيء والدليل راح يجي البشري وبتشوفون الفرق ولا انا متضرر من ادارة ابا الخيل لكن المثل يقول اختكي مثلكي

 المشاركة الأصلية كتبت بواسطة ولد طمووووح

بالعكس ياخساره ابالخيل...

الحين عقب هالكلمه اللي كتبتها بيجيني خمس ميه واحد مطفي نور ويقول يقرب لك ومضبطك ... الخ كلام المبزره

ياحبيبي .. ابالخيل اللي ماعجبك هذا ضبط كل (الطلاب المتلاعبين )

كيف تم ضبطهم ؟؟ بمسألة وقف الصرف ؟؟؟ هل هذا هو الحل " بنظرك " في وقف التلاعب ؟؟؟؟

ابالخيل... اول من طبق نظام الاستدعاء... يعني لو مارد عليك المشرف خلال يومين او ثلاثه... تقييمه ينزل.

نظام الاستدعاء .. أنا من الاشخاص اللي استخدموه .. و لم يكن هناك اي تجاوب .. وش استفدت من النظام ؟؟؟

طبق تقييم المشرفين والمعاهد ... الخ من قبل الطلاب.

هل نتائج التقييم معروضة علناً للطلاب ؟؟ و هل لاحظت تغير ايجابي في تعامل المشرفين و الرد على استفسارات الطلاب بشكل سريع ؟؟؟ يا رجل يكفي انهم ما يردون عليك الا بعد 500 محاولة. هل تم حل مشاكل المعاهد التجارية و تلاعبها بمستويات الطلاب السعوديين ؟؟

ابالخيل اول ملحق ثقافي ينشاء صفحه على الفيس بوك ويتواصل مع الطلاب شخصياً

كلامك صحيح، أنشأ صفحة علي الفيس بوك و تحولت الى صفحة بيروقراطية ، الكل يكتوبون فيها معاريض كأنهم واقفين على قصر أحد الامراء ليتم التفضل عليهم بحل مشاكلهم، إذن أين ذهب دور الملحقية ؟؟ .. هل هذا هو التعامل الراقي مع طلاب مبتعثين ؟؟

ابالخيل من فتره لفتره يزور مراكز سعوديه داخل كندا ويستمع للطلاب.. وتراه بيجي كاملوبس هالاسبوع يستمع للطلاب

صحيح يعمل زيارات ميدانية، هل استفاد منها الطلاب في وضعهم بالجامعات .. هل تم الضغط على الجامعات الكندية لتوفير قبولات لطلاب الماجستير ؟؟



رح طلع لي ملحق ثقافي في الدول الثانيه مثله...

أتمنى تجاوب على كل هذه التساؤلات و ما يكون كلامك عبارة عن " هرطقات بلا دليل "






وجاي انت وياه الحين تبربرون وطار ومدري ايش..

انت اللي كاتب كلام ماله اي تطبيق على أرض الواقع .. سوي موضوع عن الملحق و ضع فيه استطلاع و راح تتأكد بنفسك بمدى جدارة أبا الخيل


الحمدالله بس

رح شف ملحقيه امريكا كيف تعاملهم مع الطلاب وكيف قطع الرواتب عليهم... عشان تحمد ربك

لمن تجي تقارن نفسك بغيرك، لا تقارن بشخص اسوء منك ، كلنا طلاب مبتعثين و أبسط حقوقنا أن نجد خدمة راقية من قبل الملحقية، لا أن نقيس بمن هو اسوآ منا .. فقياسك في المقارنة باطل .. قيس بمن هو افضل منك

تحياتي

الله يوفق الجميع ان شاء الله

بالنسبة لرأيي المتواضع وهو وجهة نظري الخاصة ،، اشوف أن الملحقية في كندا بعهد ابالخيل افضل مليون مره من باقي الملحقيات سوا في امريكا وغيرها ،، سوا من حيث التنظيم او سرعة الرد في الايميل او سرعة القبول للبعثة .

يعني مو معقول تكون طالب مواظب على الدراسة ودرجاتك جيدة ويوقفون عليك الصرف بدون سبب ،، ماحد بيتبلى عليك وبيوقف الصرف عليك او بيطردك من البعثة عبث وبدون سبب .
فأنا صراحة شاهدت كثير طلاب وقفوا عليهم الصرف والاسباب ان درجاتهم سيئة او انهم خلصو المده القانونية لانهاء الدراسة فهذي بصراحة مو مشكلة الملحقية هذي مشكلة الطالب نفسه والطالب المتساهل المفروض يشيلونه ويحطون واحد بداله ،، وياكثر اللي يتمنون البعثة .

فأنا بصراحة أشوف انه طور الملحقية ونظمها واوافق الاخ ولد طمووح ،، لكن ايضا اتفق مع الاخوان انه ماوصلها للمرحلة اللي نطمح لها ،، لكن صدقوني انه افضل من روؤساء باقي الملحقيات وراح تندمون عليه ،، واتمنى من كل قلبي ان الجديد يكون افضل منه .

طبعا هذي وجهة نظري الخاصة المتواضعة .

بالتوفيق

اللهم إن كان البشري قدرنا فليوفقه الله
وإذا كنا قدره فليعنه الله على أن يتحمل قدره

بيني وبينكم كلمت واحد من الشباب كان في استراليا والحين في كندا انشده عن البشري قال لي انسان جدي بزيادة بس احسن من ابا الخيل

اللهم سخرهم لما فيه خير لنا ولأخواننا .

بس يا شباب أرجوكم لا تدخلوا في النيات ....... ترى الشيطان حريص ! وكل الناس تغلط !