اسأل عن تورونتو ونحن نجيب

معلومات قيمة جدا جدا من مجرب , استفدنا منها كثير , والله يوفقك ويبارك فيك ..
ولا زلنا ننتظر المزيد...

بنوك المشهوره في كندا
TD CANADA TRUST
CIBC
Bank of Montreal
Scotiabank
وفيه بنوك كثيره

وإذا سئلت ايهـا افضل فكل شخص سيجيبك حسب تجربته الشخصيه ، قد يكون البنك الاول هو اقـل بنك سمعت تذمـر منه.
الذي سيحدد اي بنك افضل لك ربما هو ايهـا اقرب إلى سكنك او جامعتك ، طبعا الجامعه ماهب حقتك ، بس تبي تدرس فيهـا فتجاوزا قلنا جامعتك.
كيف تفتح الحساب؟
بعد ما يتضح اين مكان السكن وتحدد البنك تذهب إليه ويكون معك قبول الجامعه وجواز سفرك وتصريح الدراسه ، اللي يبون يعطونك بالمطـار، بالاضافه إلى عنوانك ورقم تلفونك او تلفون العائله إن كنت عند عائله ، وإن كنت مبتعث فلا بأس ان تحمـل صوره من الضمان المالي معك في كل وقت إلى ان تستقر

أحسنت , وأبدعت...

-الاشياء المهمه لاحضارها معك

الــــقـــــران الكريم .
كتيب حصن المسلم او اي كتيب للذكار .

- سجاده صلاه وملحق معاها البوصله(غلطتي الكبيره) رح دورها

انا والله افضل لو تجيب معاك تقويم والله مو شينه لانه تعرف فيها التاريخ الهجري والميلادي مع الايام او الاشهر المهم في حياه المسلم كارمصان او غيره ..

- اذا انت تلبس نظارات طبيه نصيحه اخويه جيب معاك نسخه اونسختيين من العدسات لاني والله بغيب اصيح لما انكسرت وحده من العدسات .. صلحتها بـــ 60 $ واستلمتها بعد اربع ايام.. العدسه الوحده طلعت اغلي من الاطار .. لاتنسى هالامر والله مهم اذا انكسرت نظاراتك او ضاعت ..

- اذا تقدر تشتري voice recorder مسجل الصوت ممكن تحتاجه في تسجيل المحاضرات او بعض حصص المحادثات اذا كنت بتتعلم اللغه.


- اذا بتطلع جوال انصحك تجيب جهاز الجوال معاك لانك تقدر تستخدمه هنا.
- الملابس لاتنساها والله مهمه حيل حيل وانا متورط الى الان ما جبت معاي الا كم قطعه على بالي بحصل بكندا ملابس روعه وسعر معقول وبالاخير تفاجاة ملابس صينيه وغاليه حيل حيل ..

- هذي بصراحه انت ومزاجك .. اذا انت جاي تتعلم اللغه الانجليزيه وبتسكن مع عائله انصحك تجيب لهم هديه من السعوديه ماتكون غاليه بل رخيصه ويفضل تكون شي تراثي .. لانه بصراحه شعب يقدر الهدايا وتعني له شي كبير ... النساء هنا يحبون scarf يعني الوشاح وتراه الظاهر بالسعوديه قيمته 20 ريال

- اذا انت تشرب التتن .. يعني تدخنن . غصب عنك بتتركه بكندا لانه اول شي غالي .. ارخص بكت بـــ 23 ريال وكل انواع الدخان صناعه كنديه وكانك تدخن قراطيس وكل يوم جايك التهاب بالحلق .. جب معاك كرزين وهذا المسموح لك تجيبه معاك ولاتنساني بليز بكم بكت ترا اسمي احمد وساكن في تورنتو .....
الأمور الماليه :
لا تشيل معك كاش كثير وخلها قاعده عندك خل معك كاش إحتياطي للمصاريف الطارئه ومن واقع تجربتي خل معك حق ليلتين في فندق تحسبا للضياع أول يومين (600 إلى 1000 دولار معقول)
باقي المبالغ الي راح تحتاجها طلع لك بطاقه فيزا وحط فيها باقي فلوسك أريح لك
إذا أنت تقول لا بأشيل معي كاش أضمن علشان ما أتورط أوكي بس أول شي تسويه في كندا تروح تفتح لك حساب في البنك وتاخذ عليه بطاقه صراف آلي
ممكن تاخد درافت ولكن يطول علشان يكون في حسابك 3 اسابيع

لاتنسى تطلب من والديك الدعاء لك

المعيشه والله تعتبر غاليه بالنسبه للسعوديه غاليه جدا

للمسافر على الخطوط الكنديه انتبه مالك الا حقيبتين وزن كل وحده لا يتعدى 23 كيلو في حاله معاك حقيبه ثالته لا بد ان تدفع مقابلها حتى لو شحنت الحقائب حاتدفع في الترانزيت انا دفعت 33 جنيه استرليني في لندن ولو كنت طال من تورنتو تدفع 250 دولار

أخونا نمنم ...

تعليقك ؟؟؟

ترى أخونا عزيز كأنه يقول وش يجيبكم هنا...

ابو الياس وش دعوى بالعكس كندا افضل مليون مره من امريكا من ناحيه الفيزا المعامله بالمطار ومعامله اهل البلد ...........البلد رائعه بمناطقها السياحيه والاماكن الطبيعيه ولو انها شوي برد ولكن بردهم وش حليله ..........انا اشجع جميع الطلبه للدراسه في كندا
المعيشه غاليه ولكن المكافأه فيها الخير والبركه ولو ان لك عليها مع ارتفاع الدولار الكندي امام الامريكي تقبلوا تحياتي واتمنى لكم كل الخير

مشكور اخوي على حرصك على منفعه اخوانك المبتعثين
وارفق لكم رابط مهم فيه بعض النقاط المهمه للمسافرين الى كندا

ولاتنسونا من دعائكم http://www.mbt3th.us/vb/showthread.php?t=32701