إعادة عضوية الإبتعاث

يحق لك إعادة العضوية طالما أنتي بتكملين على مرحله أعلى ,
وهذي تعتبر ترقية بعثه !
اذا كنتي لازلتي بالسعودية ,
جيبي القبول ,
واطلعي مباشره على مكتب البعثات بحي الغدير ,
وقولي لهم انك تبين إعادة عضويه بالبعثه , بمرحلة أعلى ..
وعطيهم القبول والاوراق اللي يطلبونها منك ..
وهم يخلصون لك امورك ..
ويرفعون الطلب للوزاره ..
وتنتظرين موافقة الوزاره !
وبإذن الله تجيك الموافقه ..
واول ماتجيك الموافقه .. تصدرين قرار ابتعاثك .. وتخلصين بقية الاجراءات !

أخوي محمد فهد الله يجزاك الف خير على الرد... أسعدت قلب أخت مسلمة الله يسعدك دنيا و آخرة..
أخوي عندي بس إستفسار واحد وهو كيف الطريقة و أنا موجودة بكندا.
أول مرة أحس الليل طويل و بس مستنية على نار الصبح علشان أكلم الملحقية.. و أعرف مصير تعب سنة كاملة.

امين وياك يارب ,
ماعرف الطريقه الصحيحه من الملحقيه ,

وبما ان ملفك مغلق .. يعني ماراح تكون كامل الخيارات موجوده في البوابه ,
لكن راح تلاقين شي متعلق بفتح ملفك من جديد .. وهذا شي المفروض تلاقينه !

اذا تقدرين تروحين للملحقيه عندكم في كندا , وتدخلين على الملحق الثقافي ,
بإذن الله ماتطلعين من عندهم الا وقرار ابتعاثك في يدك !

اهم مافي الموضوع لابد يكون معك قبول نهائي للدكتوراه ..
لان هذا هو النظام , حتى تقدرين ترقين بعثتك .. لابد تجيبين قبول نهائي لدرجة أعلى من الدرجه الحالية , ومباشرة تعاد بعثتك !

الله يعطيك الف عافية على ردك أخوي محمد فهد. بكرى أكلم الملحقية و إن شاء الله راح اكتب ردهم هنا. و الله يفرجها

الله ييسر امرك اختي ,
وبإنتظار النتايج المفرحه بإذن الله ..

الحمدلله كلمت الملحقية اليوم و كان ردهم أني أقدم بطلب إعادة العضوية و ثم ترقية البعثة. اللي حصل أني شرحت انو إعادة العضوية غير ممكنه بالنسبة لي.. المشرف الدراسي طلب أرسله إيميل و هو راح يرسل إيميلي لقسم IT و إن شاء الله ألقى الرد اللي يسر قريب. و راح أرجع أكتب النتيجة هنا علشان لو أحد مر بتجربتي يلقى حل.

الحمدلله ,..

تتيسر بإذن الله ..

بعد إنتظار حوالي اسبوعين عرفت الرد لمشكلتي... وزارة التعليم العالي أرسلت تعميم للIT بالملحقيات انهم يقفلوا ملفات الطللاب اللي انهوا دراستهم و ما جابوا خلال سنة قبول لدراسة مرحلة اعلى.. طبعا هالقرار ما يعرف فيه احد بالملحقية غير الIT و لأن الموضوع مبهم الملحقية حاولت تفهم من الوزارة ايش راح يعملوا مع الطلاب اللي بهالحالة و جايبين قبولات لمرحلة أعلى.. الرد كان ان الطالب يتقدم بطلب دراسة على حسابه و لما تتم الموافقة ممكن يتقدم بطلب إلحاق بالإبتعاث...
كنت اتمنى لو الملحقية أو الوزارة نشرت هالتعميم بالصحف و بموقعه علشان الواحد ما يتبهذل و يدبر نفسه.. و بدال سنة من عمري قضيتها بكندا كان رجعت السعودية و توظفت و طلعت عن طريق العمل..
الآن أنا راح أتقدم بطلب دراسة على حسابي و إن شاء الله الأمور تتسهل.. قبول الدكتوراه مو شيء سهل الواحد يلقاه و بالذات بتخصصي بكندا.. و هالفرصة المفروض ما اضيعها من يدي.. و ربنا ييسر أموري و أمور المسلمين إن شاء الله.

السلام عليكم ورحمة الله
انا عندي نفس المشكلة تم إلغاء بعثتي من الملحقية بسبب انقطاعي عن الدراسة اكثر من سميسترين بأمريكا ولكن قصتي مختلفة

بعثتي للزمالة الطبية بأمريكا
سبب الانقطاع فصل من البرنامج بسبب شكوى قانونية من مريض تم تبرئني منها وسقوط الشكوى قانونيا وأثبتت برائتي قطعيا

حصلت الان على قبول للزمالة الطبية وتقدمت بطلب اعادة لعضوية البعثة وتم رفضه من الوزارة مرتين
الملحقية تخولني على الوزارة
الوزارة ترفض اعادة البعثة مرتين مع العلم اني أرفقت جميع الأوراق التي تثبت سبب انقطاعي
وأرفقت القبول النهائي من المستشفى

والرد من الوزارة ( صعوبة الحصول على قبول) طيب انا حصلت على قبول بفضلا من الله وأرفقت القبول !!!!

أرجوكم أفيدوني فالوقت لا يسعفني
الله يكتب لكم مخرج ويفرج همكم وينور لكم طريق العلم والصراط المستقيم أفيدوني افادكم الله فقد ضااااااقت علي وكثر همي وديوني وفارقت امي وأبي للعلم وفارقت ابني الرضيع للعلم فهل من مستجيب؟



( تمت المشاركة باستخدام تطبيق مبتعث )