بعض المعلومات التي تهم المعيدين و المحاضر

الحمد لله وصلنا مدريد يوم الجمعة، بصراحة البلد مررررررررررة روعة وتهبل، لكن للأسف ماني قادر استلذ فيها، لأني تركت أغلى ما عندي زوجتي وولدي، ولكن الله يسهل وإن شاء الله أجيبهم بأقرب وقت..... أخوي أيمن، بجد ما أدري وش أسوي الحين؟؟؟؟ عندك خلفية؟؟؟ هل لازم أسجل السكن في البلدية؟؟؟ طيب عشان أطلع بطاقة الاقامة أروح لمكتب الأجانب Extranjería ولا مركز الشرطة ولا Comisaría. طبعاُ ما مداني أروح البنك لأننا في عطلة الأسبوع ولكن إن شاء الله السبت أفتح حساب في Caja Madrid وأرسل أوراقي للملحقية...
هل أرسل فقط: صورة الجواز وختم الدخول، ورقم حسابي في البنك وقرار الإبتعاث ورقم التلفون والسكن؟؟؟ ولا فيه شي بعد؟؟؟؟

داري طولت عليك بس تخبر ندور أهل الخبرة...

أبو فيصل

الأخوة والأخوات الأفاضل.. خصوصاً معيدي ومعيدات جامعة الملك عبدالعزيز..

عندما دخلت على الإدارة الالكترونيه لطلب ضمان مالي.. وجدت أنّ خيارات (الابتعاث) غير متاحة بالنسبة لي..
وعندما اتصلت بإدارة البعثات لتوضيح الأمر.. أخبرني أحد الموظفين أنّ ذلك "طبيعي" لأنني في إجازة ولست على رأس العمل!

بالله عليكم هذا كلام معقول؟ يعني تتعطّل أمور الابتعاث لمدة شهر كامل (September) لأن وضعي (مجاز ويستحق راتبه)؟

أجل وش الفايدة إنه الكتروني وأقدر أرسل الطلب من أي مكان وأتابع معاملتي؟

من لديه خبره في هذا الموضوع فليدلوا بدلوه.. جزاكم الله خيراً

يعطيك العافية اخوي على هالموضوع الجميل

شهركم مبارك شباب، والله يعين هذي أول مرة أقضي رمضان بعيد عن الأهل. أخوي أيمن، للأسف اليوم كلمني الملحق الثقافي شخصياً وقال لي بخصوص الزوجة غير السعودية، وإن كانت نضافة في دفتر العائلة، لا يمكن أن يصرف لها مكافأة مرافق وذلك هو النظام إلا أنها تستحق أمر إركاب وبدل علاج فقط...
صراحة حز الموضوع في خاطري شوي ولكن وش نسوي هذا حال الدنيا، إن شاء الله تاخذ الجنسية بدري وتتيسر...

ممكن سؤال بسيط بحكم إنك في إسبانيا قبلي، هل 2092 يورو تكفي لمعيشة عائلة هنا؟؟؟؟

طبعاً العيش على الكفاف وليس ببذخ.... عن جد مالي إلا كم يوم وأحس إن الأهل وحشوني....

السلام عليكم ..
أخي العزيز أبو فيصل .. انا اسف جدا على التأخر في الرد عليك .. ولكن لإنشغالي بالدراسه ورمضان .. وامور كثيره .. بس الله يكون في عوني و عونك ويوفقك ..
والحمدلله على سلامة الوصول ونورت اسبانيا .. :-)

والله شف يا عزيزي بالنسبه للمكافأة بإذن الله كافيه وخاصة انك في مدريد اللي تعتبر ارخص من برشلونه ..
بس اهم شي انك تلاقي شقه كويسه بسعر معقول .. واحذر كل الحذر من النصابين لأنهم كثير ...
الشي الثاني انا مالي خبره في مدريد واللي اعرفه في شباب من برنامج الملك عبد الله في مدريد تقدر تلاقيهم في موضوع ملتقى مبتعثين اسبانيا ...
وبالنسبه لموضوع البطاقه حقت الاقامه ترى تختلف من منطقه لمنطقه يعني الطلبات في برشلونه تختلف عن مدريد وعن فالنسيا ..
ورقمي 689002043
وايميلي ar_aai
آت هوتميل طبعا ..واذا ما عليك امر لو قدرت تضيفني عندك عشان انا ماصرت ادخل المنتدى كثير .. الدراسه والمشاغل يا كثرها .. بس ادعيلي الله يسهل عليك امورك يارب

تحياتي

السلام عليكم

عندي سؤال لو وافق مجلس القسم و الكلية على القبول

هل ممكن ينرفض من قبل ادارة البعثات او عميد الدراسات العليا

تحياتي

نفس سؤال الأخت معجزة..

أفيدونا يا أعضاء/عضوات هيئة التدريس !

جزاكم الله خيراً.

أولا بالنسبة للقبول لا يمكن أن يرفض مادام انه جاء من جامعة معتمدة من وزارة التعليم العالي

وإذا كان السؤال عن قبول ابتعاث الشخص نفسه :
بالنسبة لإدارة البعثات فهم راح يدققون في تاريخك لو كان عليك سوابق (لاقدر الله) ولا شي ولذلك تاخذ وقت أطول من غيرها فإذا ما كان فيه شي فلا تشيلون هم.

وبالنسبة لعمادة الدراسات العليا الغالب انهم مايرفضون إذا جات موافقة إدارة البعثات وكانت الأوراق سليمة

أرجو أن أكون أفدتكم
تحياتي

ألف شكر لك خيالي

أوراقي الآن عند عميد الدراسات العليا

فهل معنى هذا أنها خلصت من ادارة البعثات و الا ايش ؟؟؟

اعتذر عن كثرة الأسئلة و الازعاج

تحياتي

سؤال آخر يا أخ خيالي الله يعطيك العافيه..

وإذا كان التخصص اللي جبت فيه قبول مختلف عن التخصص المحدد في المجلس العلمي ( اللي عٌقد أول التعيين على وظيفة معيد).. ومديرتي والقسم وافقوا عليه.. هل ممكن يرفضونه إدارة البعثات أو عميد الدراسات العليا؟

شاكره لك حسن تعاونك والله يجزاك كل الخير.