بعض المعلومات التي تهم المعيدين و المحاضر

السلام عليكم
انا حبيت استفسر انا الحين مقدمه علي وظيفة معيده ويمكن يتاخر القبول لبداية السنه ولاكني قدمت علي البعثه ها الايام يعني لو باشرت بالاعادة وش السوات مع البعثه ؟؟

حياك أختي joud ..

أختي الكريمة لو باشرت بالإعادة قبل صدور نتائج البعثات خلاص أطلعي بعثة عن طريق الجامعة في التخصص الذي تم تعيينك عليه.. ولا أرى أي مشكلة ..

ما دام جاتك الإعادة وانت مقتنعة بها وش لك ببرنامج البعثات...

تحياتي

شكرا اخوي خيالي
مشكلة انو نتايج البعثه بتطلع قبل نتائج الجامعه ولاكان
وهل يمكن اجل الابتعاث لين تطلع النتايج علي الاقل

هلا أختي joud

ممكن تطلع نتايج البعثة قبل الإعادة بس ماراح يكون السفر مباشرة يعني فيه إجراءات كثيرة لازم تسوينها إذا جاء القبول حق البعثات وخلال هالفترة ممكن يتبين لك قبولك للإعادة من عدمه...
وإذا كنت متأكدة من القبول للإعادة ...خلاص توكلي على الله واتركي برنامج البعثات بس إذا مومتأكدة خليك على الاثنين....
أنا كنت زيك كنت مقدم على الإعادة والبعثات في نفس الوقت... بس لما تبين لي قبولي للإعادة تركت البعثات..لأني راح اطلع بعثة عن طريق الجامعة...

تحياتي

شكرا اخوي خيالي موفق ان شالله

اسأل الله التوفيق للجميع

كم رقم إدارة الابتعاث بجامعة الإمام ؟؟

وكل الشكر لكم والله يوفقنتا ويوفقكم

 المشاركة الأصلية كتبت بواسطة joud

السلام عليكم

الصراحة اختي

الاعادة افضل من البعثه

من ناحيه
1- الاعادة تحسب لك خدمه من اول يوم تداومي فيه بالجامعه وحتي لو طلعتي بعثه على حساب الجامعه محسوبه خدمتك
2- وظيفتك مسجله باسمك بعد ماتجيبي الدكتوراه على العكس البعثات
3- الجامعه تصرف نصف راتيك الاساسي في حسابك الشخصي في السعوديه وانت مسافره في البعثة غير مكافئة البعثه

واذا ماحصلت الاعادة فالابتعاث افضل
حيث وزارة التعليم العالي تمنح لك القبول في الجامعات بعكس الاعادة الموظف هو اللي يجيب القبول الدراسة.

أحب أضيف إنه في جامعة الملك عبدالعزيز بجدة ونظراً لصعوبة الحصول على قبول في معظم الجامعات القوية ، فقد أصدر قرار بإمكانية الحصول على البعثة للمعيدين والمحاضرين بقبول معهد اللغة على أن يتم إحضار القبول من الجامعة خلال فترة دراسة اللغة

السلام عليكم ..

انا معيد بجامعة الملك عبد العزيز وحاليا مبتعث لأسبانيا .. بس حبيت اوضح انه اعتقد اسهل جامعة حاليا من ناحية الابتعاث هي جامعة الملك عبد العزيز .. ليس مدحا في جامعتي ولكن :

اذا جبت قبول من الجامعه اللي بتدرس فيها تعرضه على مجلس القسم واللجنة الثلاثية بالكلية اللي هي وكيل الكلية وعميد الكلية ورئيس قسمك وهذي يمكن في يوم واحد حسب مواعيد مجلس القسم .. بس تخلص من مجلس القسم واللجنة الثلاثية نقدم على المعاملة الكترونيا عن طريق يوزر شخصي لكل معيد او بالاصح كل موظف بالجامعه له يوزر (زي الحساب ) يقدر يدخل من موقع الجامعه في اي مكان في العالم ويطلب افادة ويطلب اجازه ويطلب اشياء كثيره وكلها تصير موافقتها الكترونيا وتنطبع مختومه وموقعه الكترونيا .. ونفس الشي للبعثة كل معيد يدخل على يوزره يكون عنده قائمه خاصة بالبعثة يقدم على طلب بعثه ويرفق الاوراق المطلوبه صورة رقمية ( ديجتل ) على صيغة PDF ومن ثم يضغط ارسال لرئيس القسم ورئيس القسم يضغط موافقه ومنها لوكيل الكلية وتمشي حسب التسلسل المعتمد .. الى موافقة مدير الجامعه الكترونيا وبعدها تقدر تطبع قرار الابتعاث .. بنفسك عن طريق يوزرك ..

وبدون مبالغه انا خلصت اوراقي من يوم جبت القبول الين قرار الابتعاث اسبوع واحد وعشان انا قدمتها الاثنين والسبت هي مخلصة ..

وبصراحة انا افتخر اني انتسب لها الجامعه ليس كبرياء ولا حاجه ولكن لما هو ميسر لنا من قبل ادارة الجامعه في اغلب المواضيع ..

ويحسب لهم قرارهم الجديد اللي ذكره الاخ افياء الربيع انهم سمحو للمعيد الابتعاث على لغه وهو يجيب قبول من هناك ..

تحياتي واي استفسار عن جامعة الملك عبد العزيز او عن اسبانيا انا حاضر ..

وارجووووووكم ادعولي وانا في بلاد الغربه

تحياتي