April 11th, 2009, 02:36 PM
السلام عليكم ورحمه الله وبركاته ..
راح يكون لي عبارات قويه شوي ولكن نحتاج هذا النوع من ( المواضيع )
ولازم نستفيد منه كلنا لان كلنا سعودديين
وارجو من المشرفين والاداريين على هذا الموقع ياخذون الموضوع هذا بعين الاعتبار
الفتره الاخيره صارت مشاكل كثيره جدا بين السعووديين وغالبيه الناس صارت تتكلم علينا كاننا ( اغبياء بكل ماتحمله من كلمه )
لاننا صرنا ومع الاسف جايين مبتعثين كانها اجازه مجانيه مدفوعه التكاليف .
من البدايه راح اقولها وراح احط عليها قوسين للي يقول انا ماسوي كذا ( مايقارب 75% من الطلاب المبتعثين العزاب) صاروا ماشاء الله دالين اسوار النايت كلوب
لا وياليتهم كبار كلهم ماتعدوا سن المراهقه وماشاء الله تلقا ماخلى شي الا سواه
الكل صار يشتكي علينا من عسكري الى التاكسي لما يقولك من وين وتقوله ( سعودي ) يقول اولا اوووه .. الي مشاكلهم كثيره
وثانيا : اوووه .. هم الي بعد فلوسهم كثيره
لننا ماشاء الله صرنا نهايط على البشريه لدرجه جتني وحده مكسيكيه تقولي صدق حكومتكم تعطيكم 7000 دولار مكافئه ؟؟
قلتلها من قالك تقول واحد من بلدكم ...
يعني بالله هذا وش تقول عنه
بعض المبتعثين ( العزاب ) يشتكون ان المكأفاه ما تكفيه ابدا تدرون ليش لانه يروح يستاجر سياره مرسيديس ب 500 دولار باليوم يهايط بها كم من يوم كذا ويرجعها
واخر 10 ايام تلقاه المسكين مطفر ماعنده دولار واحد وتلقاه ياكل عند العائله وصاير شاطر وبعدها يشتكي يقول المكافاه ماتكفي ابدا
صرنا نسمع قصص بالاونه الاخيره لبعض شبابنا انهم يتضاربون داخل النايت كلوب عشان كم شغله حتى ماالواحد يصلح يقولها هنا على هاذا الموقع لانه اعلى بدرجات ان نذكر اشياء ( منحطه ) زي هاذي
لا وياليت نقول اننا نكون بيد وحده على اعداء السعوديين
لا ابدا صرنا حنا اعداء بعض في بلد الغرب
لا وصارو المبتعثين يرددون على السنتهم سالفه الي تطاق مع ولد عمه داخل النايت كلوب عشان شغله ( حقيره )
بس تصدقون ؟؟
انا مالومهم ،، في بعض اللوم على وزاره التعليم العالي لان لازم يكون هناك توجيه وتعليم للطلاب المرهقين لبعض الاخلاقيات ويكونون على وجه صادق مع الطلاب وتحذير وتنذير لمن يخالف القوانين
_بعض الشباب السعووديين هداهم ربي يكون قاعد 6 شهور على لفيل واحد ماقدر يتطور يعني من يوم مايجي الى الان اتحداه يكتب how are you
طيب ليه حنا جايين نتعلم ولا نلعب ؟؟
نقطه ثانيه _ بعض الشباب اذا قبل مايروحون للدوله الي يبي يبتعث فيها يشغل ام ام العالم بالمواضيع حقت كيف اسوي الاوراق وكيف اعمل وكيف اكتب وكيف اسوي الشيك وكم تقعد الفيزا ويصير يسهر على الموقع
وبس يسافر هناك ويوصل ويسوي اوراقه ويطلع له قرار ابتعاث يسحب على ام ام الموقع ولا كانه عارفه واذا نقص من مكأفاته شي
تلقاه اول واحد محضر عند الموقع
حتى الرساله تتغير بدال ماتطلع لك وحشه تتغير ينكتب وينك مغبر
واسرع واحد يكتب موضوع مكافاتي وما مكافاتي هو وباقي شوي يطلع من الشاشه لا والمشكله انه عازب طيب مافكر المتزوج وش بيسوي ؟
ياجماعه والله ثم والله انا كتبت ذا الموضوع من قهر فيني لان هاذي الاشياء قاعده تحصل ياليت نكون بيد وحده يالعالم
انا سعودي قبل كل شي وماسمح احد يقول عن عيال ديرتي اي شي ( ياليت يكون عندكم ذا المبدأ بعد )
LinkBack URL
About LinkBacks
April 11th, 2009, 02:36 PM
السلام عليكم ورحمه الله وبركاته ..راح يكون لي عبارات قويه شوي ولكن نحتاج هذا النوع من ( المواضيع )
ولازم نستفيد منه كلنا لان كلنا سعودديين
وارجو من المشرفين والاداريين على هذا الموقع ياخذون الموضوع هذا بعين الاعتبار
الفتره الاخيره صارت مشاكل كثيره جدا بين السعووديين وغالبيه الناس صارت تتكلم علينا كاننا ( اغبياء بكل ماتحمله من كلمه )
لاننا صرنا ومع الاسف جايين مبتعثين كانها اجازه مجانيه مدفوعه التكاليف .
من البدايه راح اقولها وراح احط عليها قوسين للي يقول انا ماسوي كذا ( مايقارب 75% من الطلاب المبتعثين العزاب) صاروا ماشاء الله دالين اسوار النايت كلوب
لا وياليتهم كبار كلهم ماتعدوا سن المراهقه وماشاء الله تلقا ماخلى شي الا سواه
الكل صار يشتكي علينا من عسكري الى التاكسي لما يقولك من وين وتقوله ( سعودي ) يقول اولا اوووه .. الي مشاكلهم كثيره
وثانيا : اوووه .. هم الي بعد فلوسهم كثيره
لننا ماشاء الله صرنا نهايط على البشريه لدرجه جتني وحده مكسيكيه تقولي صدق حكومتكم تعطيكم 7000 دولار مكافئه ؟؟
قلتلها من قالك تقول واحد من بلدكم ...
يعني بالله هذا وش تقول عنه
بعض المبتعثين ( العزاب ) يشتكون ان المكأفاه ما تكفيه ابدا تدرون ليش لانه يروح يستاجر سياره مرسيديس ب 500 دولار باليوم يهايط بها كم من يوم كذا ويرجعها
واخر 10 ايام تلقاه المسكين مطفر ماعنده دولار واحد وتلقاه ياكل عند العائله وصاير شاطر وبعدها يشتكي يقول المكافاه ماتكفي ابدا
صرنا نسمع قصص بالاونه الاخيره لبعض شبابنا انهم يتضاربون داخل النايت كلوب عشان كم شغله حتى ماالواحد يصلح يقولها هنا على هاذا الموقع لانه اعلى بدرجات ان نذكر اشياء ( منحطه ) زي هاذي
لا وياليت نقول اننا نكون بيد وحده على اعداء السعوديين
لا ابدا صرنا حنا اعداء بعض في بلد الغرب
لا وصارو المبتعثين يرددون على السنتهم سالفه الي تطاق مع ولد عمه داخل النايت كلوب عشان شغله ( حقيره )
بس تصدقون ؟؟
انا مالومهم ،، في بعض اللوم على وزاره التعليم العالي لان لازم يكون هناك توجيه وتعليم للطلاب المرهقين لبعض الاخلاقيات ويكونون على وجه صادق مع الطلاب وتحذير وتنذير لمن يخالف القوانين
_بعض الشباب السعووديين هداهم ربي يكون قاعد 6 شهور على لفيل واحد ماقدر يتطور يعني من يوم مايجي الى الان اتحداه يكتب how are you
طيب ليه حنا جايين نتعلم ولا نلعب ؟؟
نقطه ثانيه _ بعض الشباب اذا قبل مايروحون للدوله الي يبي يبتعث فيها يشغل ام ام العالم بالمواضيع حقت كيف اسوي الاوراق وكيف اعمل وكيف اكتب وكيف اسوي الشيك وكم تقعد الفيزا ويصير يسهر على الموقع
وبس يسافر هناك ويوصل ويسوي اوراقه ويطلع له قرار ابتعاث يسحب على ام ام الموقع ولا كانه عارفه واذا نقص من مكأفاته شي
تلقاه اول واحد محضر عند الموقع
حتى الرساله تتغير بدال ماتطلع لك وحشه تتغير ينكتب وينك مغبر
واسرع واحد يكتب موضوع مكافاتي وما مكافاتي هو وباقي شوي يطلع من الشاشه لا والمشكله انه عازب طيب مافكر المتزوج وش بيسوي ؟
ياجماعه والله ثم والله انا كتبت ذا الموضوع من قهر فيني لان هاذي الاشياء قاعده تحصل ياليت نكون بيد وحده يالعالم
انا سعودي قبل كل شي وماسمح احد يقول عن عيال ديرتي اي شي ( ياليت يكون عندكم ذا المبدأ بعد )