هل يوجد قبول مشروط في جامعة the university of western ontario ؟

هلا اخوي..

اللي أعرفه ان معظم جامعات كندا ماتعطي قبول مشروط للدراسات العليا.

بس فيه جامعة واترلوو waterloo
تعطي قبول مشروط للماجستير

وهي جامعة مميزة جدا وقوية في الحاسب والهندسة.

قدم عليهم والله يسهل امورك.

عزيزتي ..شكرا على الرد
و لكن هل جامعة واترلوا تقدم قبول ماجستير في التخصصات الطبية؟و ماهي هذه التخصصات؟ وبأي مدينة تقع الجامعة؟
المعذرة منك أخي في السقوط على موضوعك....آسفة..

ألف شكر algamr1 ما قصرتي...

طيب تقدري تعطيني نبذة عن الجامعة لو تعرفيها ؟؟

لأني ما أبحث عن الجامعات المعقدة مرررة

أبغى جامعة تكون معقولة و فيه منطقة هادئة << يتشرط

فإذا فيه أي نصيحة ممكن أستفيد منها لا تقصري معاي و شاكر و مقدر مرورك على الموضوع...

A++ لا تتأسفي كلنا لهدف واحد هنا ... و شكرا على المرور ...

و الله يوفقك ...

أهم شيء..أدعوا لي الله يسهل اموري واموركم..

اختي ++A.. بالنسبة للتخصصات الطبية.. والله ماعندي أي فكرة عنها... افضل انك تدخلي الموقع وتشوفي بنفسك.

اخوي عبداللطيف...حسب معلوماتي فأن جامعة واترلوو جامعة جدا مميزة في الحاسب والهندسة وترغب اصحاب المعدلات العالية..
جامعة واترلوو في مدينة واترلوو.. تبعد ساعة ونص تقريبا بالسيارة عن تورنتو..>>> والله ناسية بالضبط.. بس أفتكر انها قريبة.
تعتبر مدينة هادئة وصغيرة..
بالنسبة للدراسة فيها.. فأعتقد بكل مكان في العالم الدراسة يبي لها جهد وتعب.. وجامعة زي واترلوو ما اتوقع دراستها سهلة .
أنا اشوف اخوي انك تقدم لهم اون لاين.. وترسل اوراقك كاملة لهم.. من ضمنها صورة من الضمان المالي .. او اي شيء يبين انك مبتعث من الحكومة السعودية >>> احيان هالنقطة تخليهم يوافقون... وترسل برضو توصيات علمية لك بس لازم تكون على نفس فورمة جامعة واترلوو.. اذا جيت تقدم راح تعرف كل الاشياء المطلوبة.
وكمان في نصيحة.. حاول تتواصل مع الدكاترة بنفسك.. ارسل ايميلات للدكاترة اللي تكون اهتماماتهم العلمية مناسبة لك.. واذا احد رد عليك.. فممكن يساعدك في القبول..
ولو ما احد رد.. ان شاء الله الجامعة نفسها ترد عليك وتعطيك القبول المشروط..
نصيحة عامة.. بالنسبة لشرط جهة عملك انهم مايبتعثوك الا بقبول جامعة .. فوالله على رغم التعب اللي تتعبه الان.. راح تكون مرتاح في الاخير لانك راح تكون عارف وين بتكون بعد اللغة وكم مدة الدراسة وكل التفاصيل المتعلقة بدراستك.
من واقع تجربة شخصية .. كل اللي اعرفهم من مبتعثي ومبتعثات المرحلة الثالثة اللي طلعوا للدراسات العليا بقبولات لغة من سنة تقريبا.. للحين مافي احد قدر يحصل على قبول على الرغم من ان بعضهم مستوفي كل الشروط اللي تطلبها الجامعات.. وعذر الجامعات ان المقاعد محدودة والجامعة مرة تنافسية!!
فمو مشكلة تتعب من الان .. اهون لك من القلق اللي كثير مساكين عايشينه الان.
نقطة اخيرة.. فكر ببريطانيا.. قبولاتهم سهلة وفي جامعات كثير قوية ومميزة..وتعطي قبول مشروط وغير كذا مدة الدراسة للماجستير فقط سنة واحدة
هنا في كندا من سنة و8 اشهر الى سنتين.
غير كذا.. ممكن تاخذ في بريطانيا نظام الام فل.. اللي هو ماجستير ودكتوراه في 3 سنوات فقط..
فكر فيها واستخير وشاور..
الله يوفقكم ويكتب لكم ولي الخير يارب..

اخي في الاخ المملكة ممكن يساعدك في موضوع القبول وهذا رابط بملفه الشخصي http://www.mbt3th.us/vb/members/34217.html
ويمكن مراسلته على الايمايل nader1984s(@)yahoo.com
مع ازالة الأقواس علما ان هنالك مقابل مادي.
انا اتعاملت معه وماشاء الله انسان جدي و ملتزم بعمله.
تمنياتي لك بالتوفيق

وعليكم السلام ورحمة الله وبركاته
انا تخصصي تمريض (ماجستير) وحصلت على قبول مشروط من The University of Western Ontario-London,الجامعه تعطي قبول مشروط للما جستير بس ما اعرف اذا كان كل الاقسام تعطي قبول مشروط او لا .
وبالتوفيق