للضرووووره

حياك الله أخوي .. وربي يسهل اموركم..


لكن أنت تسأل عن بعثات الوزارة أو تبي تطلع تدرس على حسابك؟؟؟

السلاام عليكم ..

من وجهه نظري يااخوي ااذاا عندك طموح مااشاء الله انا اقولك توكل على الله وتعال كمل ترا كل شي اوكي والكل بيتعاون معك وبيساعدك انا في البدايه كنت متردده لكن زوجي هو الي شجعني والحين لمن جيت كندا الحمد لله حسيت انوا لمن اكمل و زوجي برضوا يكمل..

أولاا .. بوفر لطفلي مستقبل افضل و ثانياا ...انا بتطوور وزوجي برضوابيتطور يعني البعثه فرصه كبيره لك و لزوجتك حتى زوجتك خليها برضوا تكمل معك وبيصير معها بكاالوريس من برا والله يوفقكم ويسهل اموركم ..

بالنسبه لطريقه التقديم ..
الحين بتفتح مرحله جديده للإبتعاث بعد اختبارات الثانويه اعتقد بفتره بسيطه فانصحك تتابع وتقدم عليها مع اني خايفه انوا شهادتك تعتبر قديمه اذا كانت قديمه ورفضوا خلي زوجتك هي الي تقدم وبتكون هي المبتعثه وانت بتكون طبعاا مرافقها وبيحق لك طبعا لكونك مرافق انك تدرس في المرحله الأولى الي هي مرحله اللغه راح تكون انت مرافق ويصرف لك راتب مرافق وهي راتب مبتعثه ولمن تحلص اللغه ان شاء الله بتنضم للبعثه و بتصبح انت المبتعث وهي المرافق واعتقد انوا بينصرف لكم اثنينكم راتب مبتعث

الله يوفقكم وييسر امووركم ..

سؤالي يامسك عن بعثات الوزاره .. ابي توضيح مختصر من بدايه التقديم حتى ركوب

سلم الطياره عشان تكون عندي خلفيه واعرف ابدى من وين .. يعطيك العافيه على

تواجدك والله ييسر لك امورك دنيا واخره ..

من ناحيه ان الشهاده قيمه فهي قديمه ياكيوت لكن مثل ماتفضلتي مالي الا اني اقدمها باسم زوجتي وانا اكون مرافق وربك ييسر الامور ويعطي كلن على قد نيته .. طيب بما انك ماشاء الله تدرسين هناك وش تنصحين فيه باي الجامعات وباي المناطق خاصه وانك انسانه متزوجه وابي اوضحلك اني ابي ابعد عن الازعاج ابي مدينه هاديه لاني على ماسمعت ان فانكوفر مدينه مزعجه وكثيره الحركه ..

1- أن يكون المتقدم سعودي الجنسية.

2- ألا يكون المتقدم يشغل وظيفة حكومية.

3- يجب أن تتم الدراسة بالتفرغ التام وأن ينتظم الطالب بالدراسة انتظاما كلياً.

4- ألا يزيد عمر المرشح على 22 سنة (اعتبارا من 1/1/1987م - 1/5/1407 هـ ) لحملة الشهادة الثانوية العامة و 27 سنة ( اعتبارا من 1/7/1981م - 29/8/1401 هـ ) لحملة البكالوريوس و 30 سنة (اعتبارا من 1/7/1978م - 26/7/1398 هـ ) لحملة الماجيستير

2- ألا يكون قد مضى على حصول المتقدم على شهادة البكالوريوس أكثر من خمس سنوات.

4- أن يكون المتقدم قد أنهى فترة الامتياز...

وأي أستفسار /

أنا أختكم بالخدمه

هذا مايختص بالتسجيل بالبعثات..وبأذن الله باقي امور كثير بعد القبول بالبعثه راح اشرحها لكم ..

لاخلا والله ولا عدم يامسك لاهنتي يابعدي ابتواصل معك ان

شاءالله اول باول وبالنسبه للشروط كلها مستوفيه

وان شاء الله تساهيل وشدي حيلتس بالدراسه .. الله يوفقس ..

اخوي ابي اعطيك الزبده والخطوات ...

اول شيء تسويه الحين هو بالترتيب علشان الوقت :

1 - تتأكد ان جواز سفرك باقي عليه اكثر من سنه اذا اقل تروح تجدده وتسدد المخالفات اذا فيه ! .

2 - تروح لوزاره التربيه والتعليم الي بالوشم جمب حقت الزراعه .. تاخذ معك 5 صور من الشهاده وحسن سيره وسلوك وجواز سفرك ! وتصدق الصور وتترجم الشهادات عندهم تطلع لكم بيوم واحد بس !( لا تنسى تاخذ اوراق زوجتك تضبطها بعد نفس اوراقك)

3 - تاخذ اوراقك واوراق زوجتك وتروح لـ أقرب مكتب حق خدمات تعليميه دائما تحصلهم في شارع الضباب , وتقول له جب لي قبول معهد وجامعه لي و لـ زوجتي .. طبعا قول له جب لي قبول بعد 4 شهور اقل شيء . وقبول جامعه مشروط بعد سنه .

4 - انتظر القبولات , وانتظر المرحله الخامسه علشان تقدمها لزوجتك ( هذا اذا تبي تدرس على حساب الحكومه , اما على حسابك الخاص لا تروح ولا تنتظر , رح للمكتب وخله يكمل لك اجراءات الفيزا وخلاص)

5 - انتظر قبول زوجتك للبتعاث , ومن بعدها انضم لها ..

6 - السالفه هاذي بتكلفك 6000 ريال لك ولـ زوجتك من رسوم الفيز وقبول المعهد والكشف الطبي الخ .. و اذا ضموكم راح تدفع لكم الحكومه كل شيء .. واذا تبيها على حسابك ! راح تكلفك السنه 110 الف تقريبا لك ولـ زوجتك .

اتمنى اني افدتك اخوي ,,,,

يابعد قلبي والله ruud 10 والله اني محتاس وخاصه للي يجهل بالامور هاذي ولا ادري من وين ابدى ومثلك عارف عامل الوقت مهم وخاصه ان زواجي معتمد على وقت السفر وابي ارتب اموري على 4_5 شهور بالكثير..
وتوضيحك للخطوات هون علي امور كثيره واذا ماعندك مانع اتراسل معك شخصيا تلفونيا او بالايميل واتشرف وانا اخوك ..
وخاصه ان دوامي كسكرتير تنفيذي يصعب علي الخروج المستمر وعلى هالاساس ابي اخذ اجازه لاجل اخلص فيها اموري ..