_____المرحلة الخامسه______

الله يسلمك يا اخوي
كندا دولة جدا رائعه وبالنسبة لي الافضل
بس القبول فيها اصعب من اي دوله غيرها

بالنسبة للجواز اذا كان منتهي محا يقبلوه؟؟
ولي امري قال لي ما اجدد الجواز غير اذا جاتني البعثة قبل ما اقدم على الفيزا..لو وديت لهم الجواز و هو تاريخه منتهي ممكن مايقبلوني في الترشيح النهائي؟و سمعت انو رقم الجواز ما يتغير وقت التجديد
و ايش حكاية الشهادة المترجمة فين احطها مني فاهمة؟!
ممكن تعطيني الموقع الي اسجل فيه الشهادة المترجمة؟؟ماشفت شي يقول شهادة مترجمة
شي تاني..كيف اضمن انهم يقبلوني في الدولة الي انا ابغاها؟و لو قبلوني في دولة تانية اقدر اطلب تغيير للدولة في الاختيار الاول؟

بالنسبة للجواز ... انتبهي ترى يتغير رقمه لما تجدديه .. انا جددت جوازي الاسبوع اللي فات واتغير رقمه
ما يحتاج رقم الجواز دحين لما تسجلي ... بس وقت التدقيق احتمال كبير جداً انهم راح يطلبوه ( يعني بعد اسبوعين تلاتة تقريباً )
بس لا تكتبي رقم الجواز القديم

بالنسبة للشهادة ... اذا شهادتك بالعربي والانجليزي ما يحتاج تترجميها .. اما اذا بالعربي ف حتحتاجي تترجميها
بس ما اعرف من فين ... اذا كنتي مقدمة ع الماستر فحتحتاجي السجل الاكاديمي او كشف الدرجات يكون بالانجليزي
اذا كان كشف درجاتك عربي انجليزي ما يحتاج تترجميه اما اذا كان بالعربي فتترجميه

بالنسبة للقبول اللي اعرفه انه غالباً يحققوا الرغبة الاولى في الدول .. بس الله اعلم

سؤالي الثاني..
اذا حطوني في دولة..و انا جبت لهم قبول في الدولة الي انا ابغاها..اقصد الدولة الموجودة ضمن الدول المسموح بها
مثلا..جبت لهم قبول في دولة كندا(مسموحة في المرحلة الخامسة) و هم حطوني في امريكا..ممكن يقبلوني؟ولا لازم التزم بأمريكا
و لازم اخلي مكتب الوزارة يجيب لي القبول ولا ممكن اجيبه من مكتب ثاني انا ابغاه؟؟و على أي اساس يتم توزيع الطلاب في الدول؟؟على حسب القبول ولا عشوائي؟؟

اذا حطوكي في دولة لازم تلتزمي فيه وتجيبي قبول فيها .. الا اذا حولوكي على دولة تانية
انا كمان نفس الشي لازم اروح كندا عشان اخويا هناك .. فلو حطوني في دولة تانية حيحاول ابويا يروح للوزارة ويخليهم يحولوني على كندا وان شاء الله يرضوا
بالنسبة للقبول ماعندي فكرة

-----------
و بالنسبة للتخصصات..اقدر اطلب تخصص ثاني غير الي هم حاطينها؟بدي ادرس ديزاين..و وقت ما قدمت على المعيدية قدمت على جرافيك..بس للاسف ما نجحت في الاختبار..
اقدر دحين اطلب منهم اني ادرس جرافيك و اوريهم تصاميمي؟خاصة اني اتخرجت من كلية التربية قسم ديزاين..
و التخصص مرغوب و يخدم الدولة
لو غيرتي التخصص بعدين ما تقدري تختاري غير من التخصصات اللي محددة في البعثة ( ما تقدري تخرجي عنها ) والله اعلم

إخواني أخواتي ... جزاكم الله خير جميعا على هذا المجهود السوبر رائع ولكن عندي مجموعة من الاستفسارات أتمنى ممن يملك الإجابة الأكيدة عنها يتفضل ويجاوب مشكورًا

* أنا من خريجي السنة يعني شهادتي خلقة مترجمة فهل لازم أترجمها تاني ؟
لو لأ هل لازم أختمها من أي جهة حكومية مثلا وزارة الخارجية ؟؟
هل الموال السابق كله لازم يكون للنسخة الأصلية من الشهادة (والموجودة حاليا مع صديقاتها بمنتجع وحدة الملفات بجامعة طيبة - إن شالله تكون مبسوطة- ) ولا ممكن يكون على نسخة طبق الأصل مختومة من المدرسة؟؟؟؟


*جدي الله يرحمه ويغفرله اسمه محمدصالح (زي البطافة بدون مسافة) بالإنجلش في الشهادة M.Saleh وفي الجواز بس M أنا كتبت في الاسم MohammedSaleh (زي كدا كتبت في الجوازات لما جددت جوازي ولما أصدرته أول مرة ) فهل يضر ؟؟
أما اسم العائلة في الجواز مكتوب AlXXXX وفي الشهادة AL XXXX فماذا أفعل ؟؟!!؟؟!!؟؟

أعذروني على الإطالة بس ماعندي أحد أسأله