_____المرحلة الخامسه______

اعذروني على الغيبه الطويله
راح ابدا اجاوب على الاسئله اللي اعرفها لانه في مواضيع طرحت مالي خبره فيها خصوصا للماستر
بالنسبة للقبول الجامعي الوزارة مسؤوله عنها وراح تجيب لك قبول
لكن بعض الدول ومن ضمنهم كندا يكون القبول صعب فانت ياراح تجيب قبول بنفسك او انك تحول دوله اخرى
ورقم الجواز مهم في التسجيل ما تقدر تسجل اللي ورقم الجواز معك واذا كان جوزاك منتهي تروح تجدد لانه الجواز من اهم الاشياء اللي تطلبها الوزاره
بالنسبه لختم الشهاده المترجمه هذه تقدر تسويه في اي وقت قبل مرحلة التدقيق لانه في مرحلة التدقيق يطلبوا الصورة مختومه ومترجمه عشان مراسلة الجامعات
واخوي اللي سال عن جامعات امريكا انا اقول لك انه القبول في امريكا سهل في اغلب التخصصات وراح الوزاره تجيب لك القبول جاهز ما يحتاج تتعب نفسك وراح تجيب لك قبول معهد يعني انت راح تدرس هناك وتاخذ التوفل

بالنسبة للاخوي اللي عنده قبول جامعه وقبول معهد والفيزه اساسا مجرد ما يطلع اسمك النهائي تقدر تروح تصدر القرار
وتروح تسافر بالسلامه وبالنسبة للتاخير الله اعلم
حاول تكلم الوزاره وتشوف

ابي اقولكم شيئ لاتقلق نفسك وتقعد تفكر في هذا وذاك
كله راح يمشي مثل اول يوم لك في المدرسه او مثل اول يوم لك في الجامعه>>>> فقط مثال بسيط
والمده لمى تسجل واعلان الاسماء المبدئية مده بسيطه ممكن اسبوعين او ثلاثه وامكن اقل
لكن المده بين مرحلة التدقيق واعلان الاسماء النهائية مده جدا طويله قرابة الشهرين
بالنسبة لسكان جده ترجمة الشهاده للاولاد ما اعرف والله عن البنات ممكن في نفس المكان
في مركز اختبارات الثانويه العامه في شارع التوبه وبعدين تختم من ادارة التربيه والتعليم بجده في شارع حائل بعدين وزارة الخارجيه تكون قريبه من شارع حائل تسال عنها وخلاص ونصيحه حاولوا تخلصوها بدري
وسلامتكم والعذر على التاخير

استمارة الترشيح راح تطلع لك بعد ما تنتهي من التسجيل في الموقع راح يظهر لك
وتقدر تطبعه وتوقع

ببساطه كل اللي تسوه
انكم تجيبوا الجواز معكم والشهاده المترجمه افضل في وقت مبكر قبل التدقيق
وتسجلوا وتنتهوا
وتنتظروا الى ان تعلن الاسماء المبدئيه
وراح يعطوك الموعد في رسالة جوال ورسالة ايميل
تروح وتقدم الاوراق كامله
وتناااااااااااااااااااام شهرين( ونصيحه ترى اذا طلع اسمك مبدئي مو معناته راح يطلع نهائي)
وتطلع الاسامي النهائيه بعد شهرين وكل شيئ راح يوضح لك

صباح الخير ...
يعطيك العافية اخوي ....الاوراق الاصلية يطلبها المعهد والجامعة ولا يكتفي
بنسخ المختومة من الخارجية الي تكون طبق الاصل ؟
وبنسبة للمحرم يكمل دراسته على حساب الوزارة ؟
اخوي انت ذكرت انه نجهز شهادة مترجمة مع انه ماراح يطلبونها الا في التدقيق
ماهي مطلوبه في التسجيل !!

هلا اختي
ماراح تسلمي اي نسخة اصلية للوزارة في مرحلة التدقيق فقط. لكن لما تطلع الاسماء النهائية راح تسلمي الشهاده الاصلية للوزارة اذا كنت من طلبة الثانويه العامه وراح يجيك كل التفاصيل والنسخ لازم تكون مختومه وراح تسلميهم النسخ المختومه
ترجمة الشهادة ماراح يطلوبها منك الا في مرحلة التدقيق مثل ما قلتي
لكن انا افضل انك تسويها بدري تجنبا للزحمة ولانه مجرد ما تنتهي فترة التسجيل راح تعلن الاسماء المبدئية بفترة قصيره
وانت في اجازه تقدري تسويها في اي وقت
وفي واحد صديق لي راح يترجم الشهاده اخذت ترجمة الشهاده اربع ايام لانه كان فيه ضغط عندهم
وللعلم لما تروحي ترجمي الشهاده حاولي تاخذي معك الشهاده الاصلية العربيه واذا ما كنت تقدري تجيبيها جيبي صوره منها على الاقل
ولما ترجمي الشهاده تروحي اقرب مكتبه وتصوري منها كم صوره عشان تختميها
والمحرم طبعا راح يكمل على حساب الوزارة وله مكافاءه
وانت لك مكافاءه

الله يعافيك
في الاول تترجميها من مركز اختبارات الثانويه العامه وبعدين تروحي تصوريها من اي مكتبه على اساس تكون عندك صور مختومه
وبعدين تروحي ادارة التربيه والتعليم بجده في شارع حائل وتختمي الشهاده الاصليه المترجمه مع الصور وتروحي وزارة الخارجيه تختمي نفس الشهاده المترجمه ونفس الصور الاولى
اعرف مشوار طويل بس عادي من يوم ما تقرري بعثه لازم تقرري تتعبي
والله يوفقك
واي سؤال انا حاضر

السلام عليكم ....
يسلمو اخوي كفيت ووفيت
انا من الرياض وخريجة بكالوريوس يعني بمشي على نفس الخطوات الي قلتها في الرياض
واهم شي في الموضوع انه مانحتاج ختم من الكليه بعد الترجمة صح ؟..
يسعدك ربي ,,,

يا اخوان لو سمحتم انا ناوي انشالله اطلع لاستراليا

بس كيف اختار المدن والمعاهد اللي راح تجيب لي الوزارة القبول منها وشكرا جزيلا

السلام عليكم..لدي استفسار بشأن التخصصات المطروحة...
ناوية بإذن الله أقدم على الدكتوراه بس تخصصي مو نازل من ضمن التخصصات المطروحة..
فسؤالي هل من الممكن أقدم على أي تخصص مطروح كالتسويق مثلا...وإذا ربي كتب لي وطلع اسمي وسافرت أقدر أغير التخصص؟؟