خمس نفرات متوهقين .. محتاجين معاهد باخر رمضان او بالعيد

August 3rd, 2009, 02:56 PM

السلام عليكم شباب وشابات

الله يسعد لي ايامكم ..

المهم بدخل عرض بالسالفه

اعرف مالكم بالطويله

انا موظف بقطاع حكومي .. وعندنا بالقسم نظام ابتعاث ماجستير .. طبعاً رشحوني اطلع السنه هذي ! بس اخوكم يعرف نفسه .. انجليزيته ماتمشيه بأشياء اكاديميه ..

المهم حالياً تم ترشيحنا للسنه الجايه .. وطبعاً ابتعاثنا بيكون فقط لبريطانيا .. واهناك يحتاجون الايلتس .. ويعطونا بريسشنل كحد اقصى ستة شهور ..

وحنا الان قروب من خمس اشخاص .. وعندنا بكرى اجتماع مع المدير .. وراح نطرح لهم اقتراح ناخذ اجازات بدون راتب ونطلع انجليزي لمدة اربع شهور .. من اخر رمضان ..

اعرف بعضكم يقول حنا وش دخلنا في حياة امكم بس لزوم اوضح لكم الفسقه الي حنا فيها

<< اها بس

المهم الحين محتارين ودنا بديرتين الي هي كندا .. او نيوزلندا ..

بس ابي منكم خدمه تساعدوني فيها ..

ابي معاهد زي الناس مايهم معاهد تابعه لجامعه او معاهد مستغلة .. لاننا في الاخير راح نكمل ببريطانيا .. بس نبي شي نستفسيد منه لغه

ونبي ديره ماحولها عرب كثير .. والتدريس فيها احترافي وبأسلوب حديث << تراك مب بالسعوديه يالاسلوب المغبر

طبعاً ماييهم برد حر .. عاد ترانا برمائيين نتأقلم حتى لو بالمريخ .. اهم شي نبي بشرية الابتسامة ماتفارق خششها وندخل معهم بالراحه ..

ياليت ياشباب وهذا اهم شي تعطوني تاريخ البدء في هالمعاهد .. الاسعار .. وكيف مستواها سواء من تجربة او اذا سمعت عنها

واذا لهم مواقع او مكتب بالسعودية يتعامل معهم ... ياليت تسدحونها اهنا ..

انتظر ردودكم .. وراح انقل اضع نسخه للموضوع عند الجيران بالقسم الكندي .. يمدحون جوهم

• نشر عبر تويتر
• نشر عبر فيسبوك
• نشر عبر جوجل