مرافقة مبتعث ~ وش اسوي :\

عموما احسن معاهد اللغه الي هي تبع الجامعه .. وطبعا المعهد مهما يكون قوي كل الي راح يعطونه للطالب مفاتيح تعلم اللغه والطالب عليه الاجتهاد الخارجي يعني لو بس بيحل واجباته بياخذ منه وقت طوووووووووووووويل علشان يخلص اللغه وممكن يخلص ولغته لسى يبيلها شغل علشان يقدر يستوعب الكلام الي بالجامعه والكتب الاكاديميه
اذا تبين تكملين دراستك بكالوريوس او ماستر نصيحتي لك انك ماتضيعين وقت وتبدئين دراسه من السعوديه وتحاولين تقدمين طلب التحاق بالبعثه باقرب وقت الي هو بعد ماتجيبين قبول بالجامعه .. لان اخر شي شفناه كان بشهر 2 ميلادي المرافق الي قدم طلب ابتعاث رفضوله هالشي بسبب ان مده دراسته اكثر من مده دراسه المبتعث الاساسي فاستغلي الوقت
الفيزا اذا جبتي قبول اللغه الي ماياخذ 3 دقايق تعبئه وارسال ممكن من السعوديه تقدمين على فيزا طالب بس تاخذ وقت اطول من فيزا السياحه
وفيزا السياحه القانون الكندي يسمح للطالب بانه يدرس فيها لمده لاتتجاوز ال6 شهور .. يعني جيبي معاك قبول المعهد وحاولي يكون لمده سنه علشان لما تدخلين كندا عند مكتب الامجريشن تقدمين القبول وهم بوقتها مباشره يعطونك فيزا طالب لمده سنه وانتي واقفه احيانا يكون زحمه او الموظف ماله خلق مايعطيك الفيزا على طول فاول ماتنزلين البلد تقدمين على الفيزا وتجيك ان شاءالله وانتي تدرسين بس لازم تسرعين بالاجارات وترسلينها اول ماتدخلين كندا لانه احيانا تطول واذا ماجات وانتي خلصتي اول سمستر ماتقدرين تدرسين السمستر الثاني
واذا طالعه مرافق نعم فيه فحص طبي

سؤالي كيف طالعه مع اخوك مرافق؟؟؟
معليش اعذري سؤالي بس لانه حاجه اول مره اسمع فيها واعتبريها افاده للاخوات الي يبون يطلعون مرافقين مع اخوانهم المبتعثين
وربي يوفقك ويسهل عليك امور دراستك

ايوهـ
نفس سؤال اخوي اللي فوق
اخوك مرافق لك
ولا انتي مرافقه لأخوك ؟!! :|

نفس الفكرة............................................ ............

مرحبا
سؤال
أخوي You and I هل تقصد عشان أستغل الوقت أجيب قبول جامعة لزوجتي وأخليها تقدم فيه على طلب إلحاق من الان، أثناء ماتدرس لغة، ولا كيف. سامحني لعلي ما أكون فهمتك بشكل واضح.

الله يوفقك لما يحب ويرضى

سؤال لازم تجاوبن علية من الطالب ومن المرافق فيكم

حيرتينا مين المرافق ... واول مرة تصير

شكلها البنت مو دارية بالدنيا وفعلاً حايسة >> مايصير وحدة ترافق اخوها نظامياً غير مسموح
..>> حتى لو اخوك بالرضاعة :P

الي اقصده باستغلال الوقت ان المرافق ماياخذ راحته بالدراسه بما انه مرافق ماعليه ضغوط من الملحقيه بانه يخلص بوقت معين واللغه يقدر يدرسها بسنتين ومحد بيتابع درجاته مدامه قاعد ينجح وحتى لو رسب مدامه رسب لانه مو فاهم او قدرات شخصيه يعني مارسب لانه يغيب الملحقيه ماعندها مشكله فالناس تستغل هالشي وبدال ماتخلص اللغه ب8 شهور تخليها تمتد لسنتين سميستر يسجل وسميستر ياجل
علشان اوضحها اكثر .. المرافق الي وده ينضم للبعثه من الي شفناه بشهر 2 رفضو انظمام المرافقين الي مده دراستهم اطول من مده دراسه المبتعث نفسه .. فالمرافق المفروض يشد على حليه ومايضيع وقت ولو يقدر يخطي مرحله اللغه ويكسب سنه زياده يكون افضل
اغلب المرافقين مو الكل الغالبيه يكون طالع بكالوريوس والمبتعث ماستر
الماستر مع اللغه ياخذ 3 سنوات تقريبا
اما البكالوريوس مع اللغه على حسب التخصص ممكن 4-5 سنوات
فالمرافق الي بيدرس بكالوريوس لو يقدر يخطي مرحله اللغه يعني مايدرس بالبعثه لغه يايجيب توفيل من السعوديه او يدرس انجليزي قد مايقدر بالسعوديه ولما ينزل البلد الي هو رايح لها يدرس ترم واحد او ترمين بالكثر بالمعهد ويختار قسم بالجامعه 3 سنوات ويطلع القبول قبل لايجي ومن يجي يقدم على طلب الالتحاق بهالطريقه باذن الله تطلع له بعثه لان مده دراسته مساويه لمده دراسه المبتعث

اما اذا كان المرافق والمبتعث كلهم ماستر
برضوا يحاول يعدي اللغه بالسعوديه ويختار جامعه دراستها اقل من جامعه المبتعث علشان يضمن مده دراسته تكون اقل من مده دراسه المبتعث

هذا الي كنت اقصده
والملحقيه اول مايجيب المرافق ورقه قبول بالجامعه حتى لو كان لسى يدرس لغه ترفع الطلب للتعليم العالي فاذا كان هالشي يساعدكم ويخليكم تكسبون وقت اطول يعتبر ايضا من استغلال الوقت

وياريت الي عنده معلومات عن قبول المرافقين بالبعثات بعد شهر 2 يعطينا اياها .. لان اخر الي شفناه كان زي ماذكرت رفض بعثات المرافقين الي مده دراستهم اطول من مده دراسه المبتعث (اعرف شخصيا 3 حالات جاهم الرفض بشهر 2 ولنفس السبب)
وحاله وحده الي اعرفها مده دراست المرافق اقل من المبتعث وافقو على انظمام المرافق لبعثه بس غير قابله للتمديد

ادري تكلمت كثير وفي ناس يتضايقون من اعطائي للتفاصيل بس ما احب اعطي معلومه ناقصه ودايما احط نفسي مكان السائل .. لو انا الي سائل ابي اجابه مفصله مو كلمتين واضطر ارجع اسحب الكلام تسحيب فاعذروني على طول الكلام خصوصا ان في ناس تشوفه تحطيم بس هذا الواقع الي شفته يعني مو كلام جايبه من راسي ويارب يكون في معلومات جديده افضل لاني انا ايضا بحاجه لها وراح يحصل دعوه بظهر الغيب لتفريجه بهالخبر كربه مسلم

بس اشوفهم في قسم العام حاطين خبر عن تغير الملحق لم اقراء الخبر الى الان بس ممكن مع هالتغير الامور تتغير

لاتنسونا من الدعاء

السلام عليكم ورحمة الله وبركاته

أخي You and I ما أقول الله يجزاك الجنة ويسهل دربك ويختار لك الخير دائما.

بالفعل أنا كنت محتاج جواب مفصل، وما قصرت الله يعطيك العافية
الدقائق التي قضيتها لتكتب الرد تعني لك الكثير، فجزاك الله خير

الله يوفقك لما يحب ويرضى