فيه جامعات تعادل شهادة الدبلوم بكندا ؟

حياك الله يا ذيبان , ممكن اخي الكريم تقولي ايش تخصصك في كلية الجبيل الصناعية ؟؟
ومتى كان تخرجك ومتى التحقت بالجامعة ؟؟

لأني انا متخرج من كلية ينبع الصناعية قسم كهرباء , تخصص آلات دقيقة .

وانا يا زعيم , ابحث عن معادلة المواد في نفس الجامعة اللي انت بتدرس فيها , وان ربي كتب ان شاء الله راح
اكمل في الجامعة هندسة كهرباء .


تحياتي لك ..

الله يحييك أخوي

تخصصي في الجبيل الصناعية هو تقنية الصيانة الميكانيكية ... ومتخرج مع دفعة 292 (يعني توني متخرج جديد)
وراح أدرس هندسة ميكانيكية في دال إن شاء الله.

إذا تدور على معادلة أكبر عدد من الساعات فأظن كندا ما راح تخدمك من هل الناحية ...
لكن تقدر تسوي زي معظم زملائي في الدراسة والبعثة، وتشوف لك جامعة في امريكا ... لأن إلي سألتهم أقل واحد فيهم عادلوا له 35 على ما اذكر، وهذا قبل ما يروح لهم ... وفي منهم من عادلوا له 72 ساعة

لكن إذا معادلت الساعات مهمة كثير لك فنصيحتي لك إنك تراسل الجامعات إلي في الكندا وفي امريكا حتى تعرف كم ساعة ممكن يعادلون لك.

أنا كان ودي يعادلون لي ساعات اكثر ... لكن في نفس الوقت كنت خايف يعادلون لي ساعات اكثر وأتوهق وقت الدراسة لأن ممكن الدروس او حتى طريقة التدريس تختلف علي كثير وما أقدر أستوعب المواد الجديدة علي.

لكن إن شاء الله يكون في عدم معادلتهم لساعات كثيرة خير لي ... واقدر اجيب في المواد إلي درستها من قبل درجات اعلى ونتخرج بمعدل حلو. ينفعني حتى لو بغيت اكمل افلماجستير في كندا او اي دولة ثانية في العالم طالما إن كندا هي أصعب دولة في المعادلة

والله يوفقك

أكيد لازم ترسل للجامعة أوراق توضح فيها سجلك الأكاديمي (Transcript) وكذلك وصف للمواد (Course Descriptions) إلي درستها وتطمح لمعادلتها

وهذا بالضبط إلي سويته مع دال.
أرسلت لهم وصف لكل المواد إلي درستها وجبت فيها درجة C واعلى.
طبعاً وصف كل مادة إخذته من إدارة القسم إلي يدرس المادة في الكلية ، مع ختم القسم على كل ورقة من أوراق وصف المواد.
بعد كذا اخذت ملف من مكتب مُسَجِل الكلية وحطيت فيه الأوراق وهو سَكر الملف وختم عليه بختم الكلية.
بعدين أرسلته للجامعة عن طريق Aramex او DHL.