هام وضروري وعاجل!!؟؟

طيب لا تعلق نفسك على الفيزا ، كمل السمستر ومتى ما جتك الفيزا رتب سفرتك على نهاية السمستر ، والحمدلله ، لأن العجلة مب زينه وأنا أخوك,,

وعلشان تفهم ، سواء جتك الفيزا بأسبوع ولا شهرين ، خل سفرتك وحجوزاتك على نهاية السمستر ، وصلي اللهم على نبينا محمد ..

يعني هاذا رايك ياخوي لانه اخاف يفوتني نظام الاتحاق ولانه اخاف لو قدر الله وحملة ماده ماقدر اسمستر الجاي اوقفه مايقبل النظام

السلام عليكم
اخوي والله الصراحة سؤالك واجد صعب لأن هذا مستقبلك والله اعلم الفيزا بعض الاحيان تطول وبعض الاحيان لا يعني انا اعرف واحد من خوياي طلع له فيزا قبل 5 شهور كذا طلعت له في ثلاث اسابيع والحين اعرف واحد من خوياي قدم عليها من بداية رمضان لحد يومك ماطلعت انت سوي اللي تشوفه زين واتكل على رب العالمين واذا رزقك مكتوب انه تجيك بعثة ف بإذن الله جايتك

اذا كان هذا اخر سمستر لك .. فكمله وتعال

بس اذا هالسمستر بيعطلك وانت طالع تدرس برا طالع .. انصحك توقفه وتجي هنا ان انظميت ولا رجعت اذا لا سمح الله ما تيسرت امورك

خذها بالأولوية .. انت على ما فهمت من كلامك انك معزم تطلع بس ما تدري وش الوقت المناسب .. والفيزا تطلع في اقل من شهر المفروض .. ولا تنسى تطلع فيزا طالب لان الملحقية ما راح توافق على فيزا السائح اللي هي 6 شهور واقل .. كثيرين يغلطون وياخذون فيزا سائح.

وبالتوفيق ياخوي انا صوتت على اول تصويت اللي هو توقيف السمستر .. لان الوقت مو في صالحك من ناحية الانظمام .. اهم شي لا تخرب على نفسك في الجامعة في السعودية .. لازم تظمن شي.

الله يوفقك

اااااااااالله يعطيك العافيه ياخوي شاكرلك ولك مني الود والاحترام والاخلاص

شاكرلك يالغالي بصراحه انا فكرت فيها من ناحية انو الوقت مو من صالحي من ناحية الانضمام لانه كل تاخيره وتعقيد في الاتحاق يكثر ..وهاذا الي مخليني مستعجل بسفره لاكن انا يعني ابي امن المستقبل من ناحيه هنا بسعوديه وفي حالة مانقبلت في الابتعاث في الخارج
لاكن قلت انا يعني مابغى احد رجل على رجل وجالس موقف سمستر وتروح علي الشهور والفيزه ماطلعت قلت استقل فترت خروج الفيزه وخلصلي بعض المواد (سمستر)لان السمستر 3شهور
وفي حالة ثانيه قلت لو بدرس سمستر اخاف وانا ادرس تجيني الفيزه وتوهق والمشكله انو الاسبوع الي بيجي الاربعا ء الجاي هو اخر يوم اخر موعد لتوقيف السمستر تاخير الدراسه..يعني عندي فتره من اليوم الى الاربعا الجاي فترت اقدر فيها اوقف من بعدها مش مسموح فا مشكله يجب اني اخذ قرار صارم يا اوقف او اني ادرس هسمستر وقف السمستر الثاني واسافر والمشكله انا بعد مابي اتاخر عشان من ناحية الالتحاق في الابتعاث بدا يصعب اتمنى

اخوي منسي انا ارسلت لك رد على الخاص ..
بالتوفيق

الله يوووفقك .. ياالبى قلبك .. بس وانا اخووك .. كل تأخيره وفيها خير انشالله ... ولو تجري جري الوحوش غير رزقك ماتحوش ...

بس حاب انبهك .. نقطه صغيره .. والبعض يجهل عنها .. ترى الحين مو زي اول .. يعني الانضام الحين له شروط بس ممكن تروح كل الشروط اذا كان في بعد الله يساعدك يعني واااو .. والواحد دائما يحرص على مستقبله يعني يحاول مايضيع ولا سنه بعمره انت توكل على الله .. وادرس .. سمستر .. وصل استخاره .. وانشالله الله راح يكتبلك اللي فيه الخير .. والبنسبه للشروط راح انسخلك الرابط وانا ترى ماقلتلك .. ذا الكلآم الى خوفا على مصلحتك .. لان في نااس كثير يسمع العالم .. تعال شهر ولا شهرين على حسابك .. وتنضم .. << طبعا الكلآم هذا من زمان اما الحين زي ماقلتلك بشروط .. او اذا في واااو انشالله مافي ولا شرط راح تطبقه تمنياتي لك بالتوفيق والنجاح
انا نسختلك الشروط واذا تبي الرابط ادخل على وزاره التعليم العالي ,,,,,

• شروط الالحاق :

1. أن يحصل الراغب في الدراسة على موافقة الملحقية الثقافية في بلد الدراسة عند وصوله إليه.
2. أن يكون الطالب ملتحقاً بإحدى الجامعات أو المعاهد الموصى بها من قبل الوزارة .
3. أن تكون دراسة الطالب ضمن احد التخصصات التالية : -
   
   • الطب – العلوم الطبية – الهندسة الميكانيكية – الهندسة الكهربائية – تقنية الهندسة الكهربائية – تقنية الهندسة الميكانيكية – المحاسبة – القانون – هندسة وعلوم الحاسب الآلي – السياحة والفندقة.
4. أن يكون الطالب قد أنهى في مجال دراسته ( 30 ) وحدة دراسية حسب النظام الفصلي أو مايعادلها وبمعدل تراكمي لايقل عن ( 2.5 ) من أربع نقاط أو مايعادله .
5. أن تكون الدراسة تحت إشراف الملحق الثقافي سواء كان في البلد الذي توجد فيه الملحقية الثقافية أو في بلد يقع تحت نطاق إشرافه .
6. أن يكون الطالب مقيماً في بلد الدراسة ومتفرغاً لها .
7. أن يكون الطالب حسن السيرة والسلوك ولائقاً صحياً .
8. الا يكون الطالب قد سبق فصله من البعثة أو من إحدى الجامعات السعودية .
   والله يسعدك انشالله واي خدمه .. حنا في الخدمه ...

هلا والله اخوي
ما نبي تضيع بالطاسه على قولتهم وتخوض بالغويصه

كلام الشباب كله عين العقل
وكبريائي ما قصر جاب لك الشي بالشرح والتفصيل

انا فيزتي طلعت بـ 3 اسابيع
بعض الشباب في شهرين


اولا .. صل صلاه الاستخاره لان ربك اعلم بالصالح لك احتمال تتوفق بالقسم اللي انت فيه ..
ثانيا .. الالتحاق مره صعب وعندنا شباب صار لهم 6 شهور ما التحقوا ..
ثالثا .. اذا لك مده بالجامعه نصيحتي كمل ولا تضيع سنه درستها لان بإمكانك تكمل الماجستير في أي مكان ..

أخيرا

لاتنس الدعاء ورضا والديك قبل لا تمشي
واحنا بالخدمه متى ما تبي
^-^