أكثر من ((عشــــــرة أسابيع)) بعد وصول الكشف الطبي لندن ولم تصدر التأشيرة الكندية !!!

وعليكم السلام ورحمة الله وبركاته . .

تبي نصحيتي . . ؟

شيكـ على المكتب اللى رفعت منه الفيزا سواء مكتب فيفا او ارامكس . .

اذا اوراقك كاملة ماتاخذ معك الفيزا مدة 15 يوم . .

انا وصلت اوراقي لندن بتاريخ 1-9-2009

ودقيت على المكتب بتاريخ 15-9-2009 وطلعت فيزتي عنده صارلها يومين انا وخويي لان هنا اثنين طالعين لكندا ورفعنا اوراقنا من مكتب الفيفا اللى بالرياض . .

ويوم كلمته قالي توني بدق عليك انت وصاحبك والحمدلله وصلت فيزتي وفيزة خويي لمدة سنه ونص . .

خذ بنصحيتي اذا اوراقك كاملة جوازك بيوصلك هالاسبوع ويمكن واصل وانت ماتدري ., .,

شيك على المكتب اللى انت رافع منه واذا من ارامكس كلمهم ..

لحد يخاف ولا شي بالعكس اذا اوراقك كاملة فيزتك بتوصل بفترة قياسية مثل اللى صار معي ومع خويي ومع ناس كثير اعرفهم . .

الله يوفقك يارب وعطنا علومك اذا وصلت ان شاءالله . .

في البداية أسأل الله العلي العظيم بأن يسهل جميع اموركم
وبصراحة افتكرت المعاناه اللى عانيتها مع الفيزا ودخلت الموضوع عشان اطمنكم
ياجماعه ترى الفيزا تختلف من شخص الى شخص اخر يعني ترى المدة مو محدودة
انا افتكر لما قدمت عليها كنت انا اول واحد اقدم عليها من الشباب ولكن والله ماكذب عليكم اني الاخير اللى استلم الفيزا وبمدة طويلة شوي فاللى بحب اوصله لكم لاتشيلون هم بخصوص الفيزا وان شاء الله كلكم بتصلكم جوازاتكم مع فيزكم
وعشان تطمنون شوي شوف المدة اللى اخذتها فيزتي من يوم ارسل الجواز الى يوم تحصلي على الفيزا وهي كالتالي :-

تسليم الاوراق لمكتب ارمكس اللى في المدينة كان يوم 12/13/2008
ووصلت لفرع ارامكس اللى في جدة يوم 12/14/2008
ووصلت لفرع ارامكس اللى في الرياض بيوم 12/15/2008
الكشف الطبي وصل لي في المدينة بيوم 12/22/2008
عملت الكشف الطبي يوم 12/23/2008
وصل الكشف الطبي لارمكس بيوم 12/25/2008
وصل الكشف الطبي لدبي بيوم 12/26/2008
وصل الكشف للندن بتاريخ 12/28/2008
استلمت الفيزا من فرع ارمكس اللى بالمدينة بيوم 1/28/2009

وربي ياشباب اني الان اضحك على نفسي لما كنت اقلق وقالب الدنيا على الفيزا , الخلاصة خليكم هاديين وربي يوفقكم جميع وتوصل فيزكم بأقرب فرصة


لو وجدتوا اي شيئ فيد في ردي , ترى دعوة بظهر الغيب تكفيني

طمنتونى الله يوفقكم وانا احسب انها تاخرت

الله يوفقنا وياكم
انا اوراقي وصلت لندن بـ 13-10
الله يكتب الي فيه الخير يارب

. . انتظر شوي ,, 6 ايام اقل شي ,, لا تستعجل ,,
روق المنقى ,,
المكتب هو المسؤال
يعني مدري اذا طلعت فيزا بتتطير لكندا < جهز اغراضك من الحين وخل كلها شتويه نصيحه ( جكيتات + اوفرات حقت المطر + بجايم البيضاء السعوديه الرخيصه موب فيذا ,, + الجزم ترى فيه جزم للثلوج < وقرب الثلج , لان الليل براد , ,

انا اقولك لاني حسيبت باني غلطان جايب شوي صيفي وشوي شتوي .واعتبر نفسي غطلت .. وصراحه كنت ادور الشتوي بس ما القا شي نازل في الممكله يعني ميب غلطه غلطه ..

وادع لنا بالتوفيق والصلاح ,,

يا شباب انا ارسلت اوراقى للسفارة لها الان حوالى ثلاثة اسابع ولحد الان ماوصلني الكشف الطبي وش اسوي



وفقنا الله واياكم

غريبه انا وصلنى الكشف بعد 12 يوم بالضبط

بس للان ما وصل جوازى

4 أيام ووصل الكشف الطبي

معناه الله يعين على السفارة وتاخيرها