الشرح المصور لتجديد تصريح إقامة الطالب Study Permit خطوة بخطوة

أخوي أبو سارة السلام عليكم ورحمة الله وبركاته..
الله يجزاك خير على شرحك لتجديد الفيزا..بس عندي استفسارات اتمنى تفيدني فيها مشكوراً مأجوراً..

اولاً انا اتبعت الخطوات اعلاه لكن فيه مشكلة بالرابط اذا ضغطت عليه تطلع لي صفحة بيضاء مكتوب فيها (Error: <nobr>An unexpected error occured</nobr>
Return ) هل المشكله من الرابط او انه ماعندي الجافا الابليت اللي قلت عليها؟ كيف انزلها لو المشكلة منها؟

ثانياً انا ماعندي ماستر كارد فقط عندي وحدة مسبقة الدفع من الموجوده عند موني مارت هل تفي بالغرض؟

ثالثاً واخيراً ومعذرة منك على الاطالة انا عندي الفيزا وتصريح الدراسة كلها منتهية..هل اسوي كل وحدة بطلب مستقل؟

وجزاك ربي خير

هلا ابو سارة ..
راح اجاوب عن الاخ احمد .. وراح يمرك ويجاوبك كمانا ..
اولا .. المشكلة اما يكون في الخدمة نفسها .. فلازم تتحرى انك تقدم في اوقات مختلفة .. او موضوع الجافا .. ودا راح يفيدك فيه الاخ احمد اكثر مني ..
ثانيا .. نعم تفي بالغرض .. ولكن تأكد فقط انها مشحونة بالمبلغ كامل ..
ثالثا .. موضوع الاستدي بيرمنت مستقل تماما عن موضوع الفيزا .. تقدر ما تجدد الفيزا الين تنزل السعودية .. او تأجلها للشهر الجاي .. اهم شي موضوع الاستدي بيرمنت ..
وطريقة الفيزا وتجديدها تكون عن طريق ابليكشن معين تعبيه يدوي .. وترسله مع طلبات معينه للسفارة الكندية بامريكا .. والافضل مدينة ديترويت .. عن طريق البريد السريع ..
ودا الموضوع ممكن يفيدك :
http://www.mbt3th.us/vb/forum108/thread150164.html
.
.
وربي يسهلك الامور كلها ..

أرسل لهم على بريدهم الإلكتروني تنبيه على ذلك بأسرع وقت.

طريقة الإرسال مذكورة في أحد ردود هذا الموضوع

وعليكم السلام ورحمة الله وبركاته ، الله يبارك فيك على هذه الدعوات، أسأل الله أن يجيبها وجزاك الله خيراً
يكفي أخي الكريم ما أرسلته لك الملحقية، صورة من الأصل كافية.
والأوراق سو لها سكان ملون ما دامه متوفر، وفيه برامج لتصغير حجم الصور. وكذلك في نفس السكانر يمكنك تقليل دقة الصورة.
بالنسبة للمبلغ أنت لابد تدفعه من خلال الفيزا أو بطاقة الدفع الآجلة، أو من خلال الدفع في البنك. وحساب ابنك 75 وأنت وزوجتك 125 لكل شخص. وفي عملية تجديد تصريح الدراسة ستجد خيار يسالك إن كان أحد المرافقين مضاف في الجواز. أنت ابدأ بعملية التجديد، وبتشوفها سهلة إن شاء الله.

يعطيكم العافيه
والله يوفق الجميع

السلام عليكم
الله يعطيكم العافيه جميعا ما قصرتو والله وان شاء الله تكون في ميزان حسناتكم يارب
اشكر كل من ساهم في اعطاء المعلومات المفيده وبالاخص الاخ / احمد التويجري
شكرا جدا جدا على المعلومات المفيده وربي يعطيك على قد نيتك

يارب يوفقك ويوفقك المؤمنين والمؤمنات جميعا
ادعوي لي اخواني اخواتي بان اموري تتيسر فانا بحاجه الى الدعاء
ماتقصرو والله بالتوفيق جميعا
امين يارب العالمين

شكرا لكم على المعلومات

مشكور ابـــوي ..

انا رجالن تنقعت عشانها ولا لقيت احد يسويها لي و يوم بحثت في النت حصلت موضوعك اللي سااعدني و خلصت تقريبا كل الاجرائات و الاسئله ..

لكن عندي استفسار باقي و ابيك تجااوبني عليه ضــــــروري .. اذا ما عليك امرر ..

انا توني ادرس لغه ، و خطاب اللغه الدرااسي اللي اررفقه هذا ، اجيبه من المعهد ؟
او اني اعطيهم قبول الجاامعه حقي و يكفيهم ؟
او اكلم المعهد عشاان يعطوني الورقه هذي ، بس لو كلمتهم ماعتقد راح يعطوني مده طويـــله ..

و اكرر شكرري لك ابووي ..

تعطيهم قبول المعهد والجامعة، وتأخذ ورقة إضافية من المعهد أنك تدرس حالياً.

مشكور ابووووي ، الف شكر