سؤال طاريء!!!!

شكرا اخي umar22 لكن عندي سؤال .. انت تقول لازم ادرس انجليزي صح؟ يعني لازم اراسل معاهد مع الجامعه ولا اراسل الجامعه بس والوزارة تجيب لي موافقه المعهد ؟؟

أخوي العزيز أنت رح لأي مكتب خدمات تعليمية وجب منه قبول جامعة وقبول لغة وبعدين جهز أوراق الفيزا بس تأكد أن الضمان المالي مطلوب ولا راح تطلع لك فيزا الا وهو موجود
بالنسبة للوزارة ماتجيب قبول لا لغةولا جامعةماتجيب الا للي أنقبلوا بالبرنامج
يعني انت سو كل شئ بنفسك واذا تبي مكتب خدمات ممكن أدلك عليه اذا انت من اهل الرياض

أخوي بالنسبة للضمان المالي أنا لي زميل بكندا هو اللي جاب اللي القبول بدون ضمان مالي بس فيه مكاتب تطلبه يمكن على حسب الجامعة اللي انت مختارها

ثانياً / الضمان المالي يعني بحدود 30000 دولار كندي يعني يمكن بحدود ثمانين الى تسعين الف ممكن تكون كافية

ثالثاً/ المكتب طريق خريص وأنت بإتجاه الغرب الى أن تجيك مدينة الملك فهد الطبية على اليمين أدخل المخرج واذا جتك الاشارة أطلع يمين
ابتل أذا جتك الاشارة اطلع يمين تلقاه على يدك اليسار وانا برسل لك رقمه بالخاص أذا حصلت كرته مكتب الجسر الازرق للخدمات التعليمية

مااسويت شئ يحتاج شكر وتبشر باللي أعرفه
والله أذكر مكتب ايجك يوم سألناه ماطلب ضمان مالي للجامعة
والطب بكندا صعب صعب صعب يعني لا يضحكون عليك المكاتب ويقولون لك بجيب لك بشهر
واذا تبي طب شف دول أوربية يعني هولندا أو ايرلندا

وهذا رد الاخ shadyrno في موضوع الاخ تركي
الطب في كندا وفقا لقانون الحكومة الكنديه مخصص فقط للكنديين والمقيمين...فقط جامعتين فكل كندا تسمح للأجانب بدراسة الطب وهي جامعة تورونتو وجامعة مكجل...وأيضا المسموح بهذي الجامعتين جدا جدا جدا محدود يعني 6مقاعد فجامعة تورونتو سنويا و7مقاعد بجامعة مكجل .. يعني الطلاب من جميع انحاء العالم الاجانب من فرنسا والصين وكوريا والهند وكل دول العالم يتنافسون على هذه المقاعد المحدوده سنويا يعني جدا جدا جدا جدا صعبة العمليه إذا مكانت مستحيله لانه مسألة دخول أجنبي الطب بكندا بصعوبة دخول الاجنبي لجامعة هارفارد بأمريكا حيث انه الطلاب فالعالم الي يبغو يفوزو بمقعد طب فكندا يدرسو بكالوريوس بتقدير متاز وبعضهم يحاول يحصل عالماستر ايضا قبل التقديم على بكالوريوس الطب كي يزيد فرصته فالقبول...
أما بالنسبة للشروط والمتطلبات بشكل عام فهي :
1_بكالوريوس من امريكا او من كندا (ولا يهم التخصص تبع البكالوريوس ) وتكون مخلص المتطلبات فمش ضروري يكون علوم طبيعيه ولكن الاغلب يفضلون انهم يدرسو بكالوريوس علوم طبيعيه عشان تصير عصفورين بحجر يعني يوفو شرط البكالوريوس ويكونوا انهو المتطلبات لانه المتطلبات بتدرس فكلية العلوم الطبيعيه ولكن مش ضروري يكون التخصص علوم طبيعيه .
2_ساعات من الاعمال التطوعيه
3_إختبار Mcatويكون درجة عاليه فالإختبار (نقطه جدا مهمه وصعبه)
4_آخر شي المعدل فالبكالوريوس بالنسبة لجامعة تورونتو تركز عالمعدل لا يكون اقل من 3ونص من 4
أما مكجل يركز عالاعمال التطوعيه والمقابله الشخصيه

اخوي مابي احبطك لكن طب في كندا بكالريوس للكندين الاصليين يعني اذا انت جيت وبغيت طب يبيلك تخلص 4 سنوات مواد علوم او شي كذا مااعرف بالضبط بعدها تدخل طب انصحك تستفسر عنها لاتجي وانت ماتدري لاتورط

شاكر لكما اخي umar22 واخي محمد 2
لكن عندي استفسار مكتب ايجك كم ساخذ علشان المراسله للمعهد والجامعه ؟؟
السؤال الثاني : جامعه اوتاوا هل تطلب ضمان مالي ؟؟
السؤال الثالث : ماهي التخصصات الموجوده بكندا غير الطب وتكون علمية ومقبوله للابتعاث؟؟
السؤال الرابع : هل المكتب ما طلب او الجامعه نفسها ما طلبت
السؤال الخامس : هل التخصصات الطبيه الاخرى مثل تقنية طبيه صعبه القبول ايضا ؟
السؤال السادس: هل انت منضم للبعثه بكالوريوس؟؟ واذا كنت فاني قد قرأت في موقع الوزاره وقالوا ان الابتعاث لتخصصات طبيه فقط للبكالوريوس هل هذا الكلام صحيح ؟؟ ام انك مبتعث لتخصص غير طبي؟؟

أعتذر على الاطاله .. وشاكر لك

خذ راحتك وماتواجدنا هنا الا للخدمة بالشئ اللي نعرف