مساعدة ماستر تسويق-لكن أريد التغيير !!

هلا اختي ..
والله انتي زي تماما انا قدمت ماستر تسويق بس على امريكا والصراحة بعد البحث ماحبيت التسويق ابدا لانو مو مجالي ومالي فيه فقلت احول لتخصص ترجمة بما اني درست لغة انجليزية فحيكون امتداد له وفعلا راسلت المسؤول في الملحقية السعودية في امريكا عن امكانية التحويل لتخصص الترجمة فقالي ممكن التحويل خلال دراسة اللغة هناك مع كتابة الاسباب للتحويل من التخصص واعطاني اسماء الجامعات المعتمدة في الترجمة.
بس انتي دحين فاجأتيني وخوفتيني بكلامك يعني بس التخصصات اللي طرحوها هيه المعتمدة وغيرها لا؟؟؟؟؟
طب انا رغبتي وطوحي ترجمة حتى لو كان التسويق مطلوب مااحبه
طيب اذا كان كده ليش مافي تنسيق ولا اتفاق بين الوزارة والملحقية؟؟؟ كده كل واحد له هرجه.. يبغالي اراسل الوزارة واشوف عسى كمان يقولولي مو معتمد
ممكن تديني الايميل اللي راسلتيهم عليه ؟
الله ييسر امورنا ويوفقنا يارب

السلام عليكم ورحمة الله
اي والله عندي نفس المشكلة بالضبط
انا عندي بكالوريس انجليزي واخترت تسويق بالرغم انه مو القسم المفضل عندي
بس قلت خليني اختاره وبعدين يوم اوصل أغيره
سألت موظفة ايام التدقيق قالتلي ممكن تغيري القسم يوم توصلي هناك وتذكر الاسباب
بس زي ما قلتي اختي شوشو .. أعتقد والغالب انه يمديك تغيري تخصصك من الاقسام اللي سمحتها الوزارة
بس ما ادري هل فعلا اقدر اغير غير التخصصات هذه ...؟؟
وربي هذه مشكلتي كلها ..لو انحلت ان شاء الله بإذن الله أقدر ألاقي قبول بكندا بتخصصات ثانية ..؟؟
انت حاولي هذه الايام تبحثيلك قبول في التسويق ويوم توصلي لكندا روحي للملحقية وحاولي تغييري
انا راح اعمل زي كذا... بس أن شاء الله ألاقي قبول

واتمنى من اصحاب الخبرة في تغيير التخصص يقولولنا الحل ..
بالتوفيق للجميع

بنات شكرا على المرور ... على الاقل حسيت انه فيه ناس زي حالتي .. الله يسهل علينا يارب

هذا الايميل اللي ارسلتهم عليه questions#mohe.gov.sa
بس طبعا (@) بدل (#) بس عشان المنتدى مايسمح بكتابه الايميل كامل ..
اختيlalabanj تنصحيني اكلم الملحقيه في كندا اسألهم عن تخصص اللغويات اذا معترف فيه أو لا وعن الجامعات؟ لانه الوزاره مادري شكلهم يقولون كلام اجرائي بس ... الشغل كله عند الملحقيات
ريجينا .. إحضار قبول في التسويق مو سهل .. بس بحاول ان شاءالله ... ويمكن اجيب قبولين .. تسويق ولغويات واشوف وقتها ايش الملحقيه يقولون في الموضوع...

الله يساعدنا يارب ويوفقنا

Good luck
Keep me updated !!!!

ايوة اختي الافضل تكلمي الملحقية وتتأكدي من موضوع التحويل وقولي لهم انك سألتي الوزارة وقالو لك مافي تغيير للتخصص
يعني الواحد يصدق مين بالله احترنا معاهم
الله ييسرلنا امورنا ويوفقنا ياااارب

طيب انا زيكم خريجة ادب انجليزي واخترت تسويق فهل هو فعلا صعب القبول والدراسه فيه في كندا بما انهم غيروا لي الدوله من ايرلندا لكندا؟؟

اللي يعرف ايميل الملحقية في كندا يقول لي لان ارسلت لهم وماردوا علي .

مشكور اخوي عالتوضيح

شكراااا لك اخوي عبد الرؤوف.