كلفة المعاهد؟؟!!

اخوووي لا تدفع كامله

يمديك تدفع شهريا

اقصد

يعني تدفع حق شهر واحد فقط من السعودية

وبعد هالشي تدفع وانت في كندا

بالنسبة للتكلفة

الاغلب انه من 1000 الى 1700 دولار في الشهر للمعاهد

ومن 600 الى 900 دولار للسكن في شهر مع عائلة

السلام عليكم
السعر هذا مبالغ فية كثير على 8 أسابيع
ال8 أسابيع معهد وعائلة وتأمين طبي وأستقبال مطار بحوالي 15000 ريال
أتصل بمكتب ال ib او ارسلهم أيميل ترى أسعارهم مرة كويسة وعندهم أكثر من 10 معاهد يتعاملوا معها وكلها معاهد قويه ,ومكتب ملتزم جدآ في التعامل وأيميلهم ib.e.s AT hotmail.com
وشكرآ

مشكورين على الرد ..
أخوي الحيران ممكن تعطيني أسماء معاهد معقولة الأسعار ؟؟
أختي مشغولة والله شكل المكتب كويس ممكن تعطيني وصفه مع العلم اني عايش بالرياض .. هل له فرع بالرياض ؟ واذا ممكن ابغى رقم تليفون المكتب ؟ وهل لازم ادفع 15000 ريال كلها وقت المراسله أو أدفع أول شهر والباقي أكمله بعدين ؟؟

بانتظار ردكم
تحياتي

والله ما أدري هل لو فرع في الرياض ولا ولكن في طلاب أتعاملوا معاه عن طريق النت ولا زاروه حتى
وألتزم معاهم جدآ عندي رقم جوال لهم 0505540604 معايا طالبين بالعهد طلعوا عن طريقهم
بالتوفيق

بفيدك بكلمه واحده اول شي .. اللي بتدفع عليه لا زم تعرف الوقت من الى . يعني بعضهم ياخذون من 9 الى 4 .. وهو اصلا يبي من 9 الى 2 مثلا يبي كلاسين < فاذا جيت تلغي قال مانرجع لك الفلوس الخ ..
يعني قبل ما تتدفع اعرف وش تبي . .ويختلف المبلغ على الوقت فل تايم . .. جزئي مدري وشو . .
يعني كم كلاس تاخذ الخ ..

وبرضه لا تتدفع عن طريق المكتب جب القبول بس من المكتب قله كذا واي شي يقولك قله بس ابي القبول .. بيقولك ماتقدر الخ < تراه نصاب ولا يهمك .. لانه وده يزرفك شوي يعني بياخذ 1000 ريال زود على اللي خذه منك للمعلوميه . . ويمكن تحصل مشاكل وتتاخر التحويل الخ .. يعني اذ رحت ادفع لهم .. على رحتك كل شهر .. حتى تجرب تتدرس عندهم ما اعجبك تقول فمان الله .. وبرضه نفس الشي العائله تتدفعه اذا وصلت للمعهد < والعائله خذه من المعهد نفسه قل للمكتب ابي العائله من المعهد نفسه .. لان المكاتب يتعملون مع شركات

واما عن المعهد وقوته وهو كويس مدري عنه والله .. بس حط هالشي بين قوسين عارف انك سامعه مليون مره بس بعيدها المعهد مايفيد واجد .. هي تعتمد على نفسك اول شي يعني لاتحسك بتتكلم وانت تتدوام وتحل واجبتهم < يبغى لك مجهود شخصي . .

الشي الثاني المعهد واسمه ماله دخل .. المدرسين اللي فيه هي اللي تحسب لهم .. وكل معهد فيه مدرس شين ومدرس زين بس الاغلب ان نشاء انهم مختارين بشكل ممتاز وهذا طبيعي يعني كويسين بس اقصد فيذا اللكويس العالمي انا التوب اللي يفتح مخك ويحط المعلومه وهذا نادر يعني انس السؤال هل المعهد الفلاني حلو ولا شين الخ ..

((((( لاتتدفع الا اذا وصلت )))) اي كلام غير كذا نصب واحتيال .. لازم تسديد 3 شهور علشان الجمرك الخ < لايهمك يفقش عليك نصاب كبير

مشكورة أختي على الرد وماقصرت ..
ومشكور أخوي على الرد وعلى النصيحه , لكن عندي استفسار اللحين المكتب يقدر يجيب قبول بدون ما ادفع ؟
طيب اذا كان يقدر يجيب قبول بدون ما ادفع هل لازم أدفع وقت الفيزا ؟ أو يكفي كشف حساب البنك ؟ وهل لازم يكون كشف الحساب يغطي جميع نفقات الدراسة أقصد كشف الحساب وقت التقديم ووقت الفيزا ؟

تحياتي

يقدر يجب لك ورقه قبول بدون ما تتتدفع . . الفيزا تتطلع بدون دفع بورقه القبول
تقدر تسافر .. وتاصل وتتفاهم مع المعهد وتدفع لهم ..واي كلام غير كذا ( نصب واحتيال ) وودك تتدري انه نصب واحتيال .. انا دفعت 3 شهور وكنت اقدر اسافر بدون ادفع واسحب عليه بس لاني عطيته كلمه ان اخوي بيجيه ويدفع ..
وبعد مادفع للمعلوميه جلست شهر المعهد يطالبني باني ادفع !! وقلت دافع للمكتب وقال جب ايصال الخ وصاروا يتفاهمون معهم .. . لين سوا حركه المعهد كان عندهم دراهم من المكتب قبل كذا وسحبوا منها يوم جبت الايصال طبعا عن المعهد ( موظف مصري يقرا عربي وقرا الايصال ) يعني لاتسدد وابعد عن المشاكل . .

واما الفيزا ما تقدر تتطلع الا بكشف حساب فيه 80 الف يعني اودع في كشف حسابك او حساب ابوك او حساب (اللي بيكفلك ) المهم يكون فيه 80 الف لو تتدخلها ثم ترجعها بعد ماتخذ كشف . . (المكتب بيساعدك وبيعلمك وش تسوي من الاحتيالات لاتخاف *_^ ) بس جب ورق القبول ولا تسدد .. وعط راعي المكتب امال انك بتسدد قله موب وقته الحين الخ .. نبي بس القبول وبنشوف يمكن نغير المعهد بعد الفيزا .. الخ <
+ ترى تقدر تغير المعهد بعد ماتجيب الفيزا ولجامعه يعني تقدر تقدم على الفيزا بقبول جامعه .. اي كلام .. وتبي تاخذ شهر و15 يوم الفيزا وتقدر بذا الوقت تجيب قبول جامعه قويه .. بس بياخذون دراهم منك على كل قبول . .

تسديد( القبول ) يختلف عن تسديد على الدوره << .. يوصل حاليا 500 دولار بعض الجامعات بس بتحول لهم شيك الخ بيعلمك المكتب كلش بس رح لمكتب (فاهم )
والله يوفقك . . واستعجل .. لان لالتحاق ميسر ان شاء الله

السلام عليكم
بالعربي الأخ بيقولك العب بالحنجل والمنجل واشتغل نصاب شوية على المكاتب وشوية على المعهاهد وشوية على الجامعات على شوية كذب وأحتيال
وتعال كندا كمان ممكن تدرس بالمعاهد وتقلهم ترى جايتكم حوالة بالمبلغ ومطوحهم شهرين ثلاثة وبعدين حط رجلك على بلدك
يا أخواني ياريت نكتب بالموقع كلام جيد ونصائح مفيدة ولا بلاش
هذا الموقع وجد للفائدة مو لتعليم طريقة النصب والأحتيال
وإن كان أتنصب عليك من مكتب فهذا سوء إختيار منك ودورت مكتب تعبان ورخيص وفي الأخر أتوهقت والآن مسوي فيها مفتح وفاهم وأنت منجبها
الله يهدينا وإياكم
تحياتي

السلام عليكم
أخي AHMos بدل الكلام الكثير والشرح المسترسل فيه
ممكن ترتب لصديقنا الوضع وتجبلة قبول معهد مجاني وقبول جامعه مجاني وبعدين لما يوصل كندا ترتبله وضع العوائل وتشفلة معهد وجعلها الله في ميزان حسناتك
أنا شايفه أنك فهلوي جدآ ومقطع السمكة وذيلها ولا بس هوا حكي نت !!!!