[ استفسارات وتجارب الجميع للتأشيره .. فيد واستفيد ]

اهلين يا اختى ..
والله انا ما عندي علم عن المرافقين
اتمنى انو وحده من البنات تدخل وترد على الاستفسارات للرافقين
بس انا من وجهة نظري انه يطلع تأشيرة طالب
والطلبات تقريباً نفس الطلبات اللهم الضمان المالى للمرافق
فالحل انك لما بتطلعي الضمان المالى لنفسك خليه يسأل عن الضمان حقو
ولو مافي .. !! عادي كشف حساب من الوالد وخطاب تكفل الدراسه وعادي تطلع التأشيره
وإذا مرره زنقت .. خليه يطبع تأشيرة زائر ومن هناك عاد يظبط امور الدراسه
وامور الثانويه .. إللى سمعتو انو الثانويه هناك ايام الاختبارات يختبر في اوتاوا
وتتسهل ان شاء الله ويكون ضرب عصفورين بحجر اتقن اللغه وتحصل على الثانويه يارب
وبالتوفيق لك وان شاء الله تجي وحده توضح امور المرافق

الله يعافيكي اختى ..

ارامكس منتشر في جده بشكل بشع
لكن الفرع الرئيسي إللى قالك هوا اخوي قصي في طريق المدينه بعد كبري قريش ..
لكن فيه فرع بالتحليه"بعد بيتزا هت وكوفي هارلي" وفيه فرع بشارع فلسطين"بعد البيك على ما اعتقد" ..
انا من مكه وارسلت اوراقي من جده الفرع الرئيسي ووصل الكشف الطبي
لفرع مكه المكرمه ... يعني ممكن لو اتصل عليكي تقوليلي يرسلها لأقرب فرع لكي
وكمان ممكن يوصلها لكي للبيت لو تبغي ...
واول ما يوصل لك الكشف اتصلى على العياده إللى بتروحيلها وبتلاقي الارقام مرفقه
مع الكشف الطبي .. العياده الاولى دكتور عبدالرحمن عداس في شارع فلسطين
والعياده التانيه دكتوره ناديه .. في المركز الدولى الطبي .. واظن انهم يقصدو مركز فتيحي
وبالتوفيق

الله يسلمك اختى ...
ايوا بالضبط حتى لما اتصلت على العياده قالتلى الممرضه جيب معاك 700 ريال كاش
التكاليف كانت كالتالى
1)الكشف الطبي لعيادة الدكتور عبد الرحمن عداس + ارسالية ارامكس =350 ريال
2)التحاليل الطبيه بمختبر الرواد في نفس الدور التابع للدكتور عبر الرحمن عداس = 250 ريال
"التحاليل بول الله يكرمكم + عينة دم "يفحصو HIV و VDRL "
3)الاشعه التشخيصيه بمركز ناجيه خيري القنيفذي في الدور السادس اظن في نفس عمارة نوره = 100

هذا بالنسبة لعيادة الدكتور عبدالرحمن عداس ما ادري باقي العيادات كيف ؟
على ما اعتقد انى سمعت الاشخاص إللى في الشرقيه تختلف الرسوم
وبالنسبة لكي في المدنيه للأسف
بس في ثلاثه مناطق .. منطقة جده ومنطقة الرياض ومنطقة الشرقيه
فأنتى احتمال تجي جده وإلى يريحك .. وبالتوفيق يارب

موضوع مميز وخاصه للمتقدمين لطلب الفيزا

السلام عليكم

عندي سؤال بخصوص صندوق البريد (الفقرة 2 في أول ورقة من نموذج الفيزا) , أكتب البريد الخاص بأرامكس , ولا أكتب بريدي أنا؟؟ يعني حتى لو كتبت بريدي برضو رح يرسلو أوراق الكشف الطبي لأرامكس صح؟؟

الله يخليكي يارب ..
يعطيكي الف عافيه ..

وعليكم السلام ورحمة الله وبركاته

لا اختى صندوق بريدك انتى ...
ولا راح يتعاملو معاكي عن طريق البريد ابدا
مجرد عنوان يعني ..
تتراسل السفاره معاكي يا بأرامكس او الفيفا ...
وسلامتك
وبالتوفيق

الله يوفقكم يا رب ..

أنا أوراقي رجعت من السفاره الأربعاء الماضي طلبوا مني الترانسكريبت و الوثيقه للمرافق (زوجتي) و طلبوا مني خطاب أو ضمان مالي للمرافق !!
ممكن أحد يفيدني في الملتقى حيوزعوا الضمان المالي و لا لازم أطلع الرياض ؟

ممكن مدينه عن مدينه تفرق...