استفسار عن الفيزا و استقبال الملحقية لنا..والتعويض..

إن شاء الله أحد يرد .... يا جماعة الخير الأسئلة مهمة ...إلا يعرف يرد ؟
وبالتوفيق ^_^

وينكم يا اهل الخبره مافيه حد رد على الموضوع

سؤالي مهم جدا ارجو الإجابة عليييييييييييييييييييييه...


سؤال المرافق جدا مهم ...

أطلعله فيزا زائر مؤقتة 75$
ولا فيزا 150$

في اختلاف في مكتب فيفا..

بالله جاوبوني

أخواني الأعزاء

فيزا الزائر تكون قيمتها 75 دولار كندي "للدخول مرة واحدة فقط"

و 150 دولار كندي "لعدة مرات"

بالنسبة لزيارة الملحقية هذا لا ينفعك أبدا ولن تقابلي أحد فيهم ولا يهمك اطلاقا

لأن كل الملفات اللي راح تفتحيها عن طريق موقعهم مثل ملف المرافق وملف المبتعث

بالنسبة للتعويض والاستقبال

الاستقبال راح يكون في أوتاوا فقط .. ولو خبرتيهم قبلها بشهر

وممكن تنسقين هذا الأمر مع الأندية السعودية

لأن الملحقية ما تستقبل الطلاب أبدا

وتعويض السكن لا تعوضه الملحقية ابدا وليس هناك بند لهذا الأمر

أنصحك

تنسقي مع عائلة عن طريق المكتب وتسكنوا عندهم وهم راح يتكفلوا بالاستقبال



وفقكم الله

الله يعين عن جد موضوع صعب...
الشكر لكاتبة الموضوع...

اول شهر راح تصرفي على نفسك من جيبك الخاص

لا تعويض لاول شهر (طبعا الشهر هذا هو الفتره من فتح ملفك في الملحقيه لان الملحقيه تبدا الصرف بعد شهر من فتح الملف) يعني لو ما فتحتي ملفك على طوول شوفي عاد كم تزيد الفتره

احسبي حسابك يكون عندك مبلغ كافي لمصاريف اول اسبوعين على الاقل من سكن واكل وشرب
والملحقية ماتعوضك غير على رسوم الفيزا والكشف الطبي بعد ماينفتح ملفك وترسليلهم الفواتير الاصلية عن طريق البريد مرفقة مع ابلكيشن التعويض

بالنسبة للاستقبال ماعتقد تحتاجي احد يستقبلك
احجزي فندق عن طريق الانترنت وفي موافق زي الاكسبيديا تقدري تحجزي وتدفعي بالكريدت كارد
بس اكتبي عنوان الفندق عندك ولما توصلي بالسلامة اول ماتخرجي من المطار حتلاقي سيارات التكسي واقفة وفي شخص منظم لحكاية التكاسي تكلميه وتقوليله تبغي سيارة كبيرة ولاصغيرة حسب عفشك وبعد كدة اعطي السواق عنوان الفندق وهو راح يوصلك لحد باب الفندق

بس تأكدي انك مرتبة امور سكنك من قبل ماتوصلي عشان لا تتورطي بعد كدة وماتلاقي سكن لا سمح الله بسهولة وتضطري تقعدي في الفندق مدة طويلة وطبعا كلها حتكون على حسابك !!

1 - يبدأ صرف مكافأة المبتعث عند فتح الملف فى الملحقية (اون لاين) و عادة تنزل المكافأة كل يوم 20 او 21 من الشهر الهجري.

2 - تصرف المكافأة من تاريخ وصول المبتعث لبلد الابتعاث على الا يكون تاريخ الوصول اكتر من شهر من تاريخ بداية الدراسة.

3 - يكون صرف مكافأة المدة من تاريخ وصول المبتعث بأثر رجعى بعد فتح الملف مع مكافأة الشهر التالي.

4 - يجب على المبتعث المسارعة عند الوصول الى بلد الابتعاث المسارعة فى زيارة المعهد او الجامعة لاكمال عملية التسجيل و الحصول على كرت الطالب و كرت التأمين الصحي و فتح حساب (يفضل حساب طالب) في أقرب بنك لمقر سكنك الدائم و اخذ منهم إما شيك ملغي فيه رقم الحساب او الأفضل خطاب يوضح رقم الحساب عشان ترسله للملحقية عشان تحويل المكافأة.

5 - اعملوا حسابكم انه مصاريف اول شهر اللين تنزل المكافأة حتكون من جيوبكم.

6 - فيزا المرافق متعددة ومدتها تقريبا طول مدة الدراسة (الغالي ثمنه فيه) بينما فيزا الزائر لمرة واحدة فقط و لمدة شهرين او تلاتة (مانى فاكر بالزبط).

7 - الملحقية فى اوتاوا و مافى لا استقبال و لا يحزنون.

8 - احجزوا فندق (حيكون جدا غالى) او شقة مفروشة او سكن المعهد/الجامعة اللين تلاقوا سكن مناسب.

9 - الفترة هادى اللى هيا تجهيز الاوراق و الفيزا و السفر محتاجة الاتكال على الله وهدوء اعصاب و تركيز.


معليش ما أقدر أطول عشان ما عندي كيبورد عربي.


موفقين للخير يا رب..

هلا اختى digital mind
هل صحيح اختى الملحقية تعوض المرافقين رسوم الفيزا والكشف الطبي هل اقدر ارسلهم على البريد ولا الايميل الملحقيه بفانكوفر؟ طيب الابلكيتشن وش اكتب فيه
ولا بس ارسلهم الصور الاصليه من الكشف الطبي والفيزا