استفسار فيزا الزوج المرافق لزوجته المبتعثة لكندا

هلا اختي لو اهو طالب يبي يدرس بامكانه تعبئه بنفس الابليكيشن


لو عنده قبول معهد

شكرا على ردك


بس هو ماهو طالب

مرافق فقط هل توجد فيزا مرافق للزوج ،

ارجوا من اصحاب الخبرة الرد .

كندا ما تعترف في فيزا مرافق يعني بالعربي ما عندهم الا فيزا طالب او فيزا سائح

والافضل انك تخلينه ياخذ فيزا طالب عشان يجلس معك مدة دراستك

او فيه حل ثاني يقدر ياخذ فيزا سائح ولما تروحون كندا يبحث عن قبول في معهد لغة ثم يغير فيزته الي طالب

طبعا الحل الافضل واللي انا مسويه وغيري مسويه انه ياخذ فيزا طالب بمجرد انه يجيب قبول في معهد لغه .. وهذي أفضل طريقة اختي وتفك زوجك من مشاكل الهجره الكنديه

وبالتوفيق ان شاء الله

طيب انا المحرم تبعي قدمت له فيزا سائح ورفضوها
وقالوا السبب مو مقنع للسفر
ويبغوا ضمان عودة للبلد
ايش الحل
ولو جبت قبول لغة مين يضمن الضمان المالي
ارجوكم ردوا علي عقلي بيوقف

في مشكلة كبيرة في هذي الحالة.. إذا كان المرافق ما يدرس..
كون الواحد عنده فيزت طالب وما يدرس تعرضه للمساءلة القانونية.. أقلها إذا انتهت فيزته وجا يجددها بيرفضوها على طول لأنهم يطلبوا كشف الدرجات في المعهد.. بل إنه بعض الأحيان تنرفض الفيزا بسبب تدني المستوى الدراسي.. غير كذا المرافق إذا جا كندا كطالب وبعدها بطل دراسة لازم يحول وضعه إلى زائر..

المهم.. إذا المرافق ماله نية يدرس أو بيدرس أقل من 6 شهور يطلب فيزة زائر.. (قانونا إلي عنده فيزة زائر ما يسمح له يجلس في كندا أكثر من 6 أشهر) لكن إذا وصل كندا.. إذا شاف موظف الإمقريشن إنه مرافق لطالب فيعطيه ورقة زي الستدي بيرمت اسمها Visitor Permit أو Visitor Record وعادة تكون مدة صلاحيتها بصلاحية الستدي بيرمت للطالب.. هذي الورقة تخول المرافق يجلس مع المبتعث طيلة مدة بقاؤه بكندا بفيزة سياحية..

بالتوفيق..

بارك الله فيك اخوي لاكن سؤالي
ماهي الاوراق المطلوبه لستخراج فيزا مرافق هل هي نفس اوراق المبتعث ام ماذا
ولكم جزيل الشكر

الموضوع قديم لكن تم الرد عليه حديثا من قبل الاعضاء ومن كذا بجاوب
ليستفيد اللي يدخل ع الموضوع...
بخصوص المرافق لو حاب يسوي فيزة طالب يقدر
لكن الاسهل يسوي فيزة سائح مدتها سنه مثل المبتعثه
المرافق لها لكن تختلف بشغله واحده
ان تاشيرة المرافق السائح مدتها سنه لكن مدتة الاقامه ست شهور
وبعد ست شهور يطلب تمديدها والاستفادة من الست الشهور الاخري
الموجودة بتاشيرته طبعا من مكتب الهجرة بكندا وكل هذا عن طريق
الانترنت وبيرسلون له تصريح اقامه علي بريدة
سعرها بيكون ٧٥ دولار ومن السعوديه بالتقديم الاول
١٥٠دولار تكون تاشيرة متعددة..
وكل هالمبالغ تعوضه الملحقيه بعد دفعها لابد ان يحتفظ
بايصال الدفع..
الموضوع سهل ولا فيه اي تعقيد
لكن من السعوديه لابد ان المبتعثه تحضر التعريف
ويكون اسم المرافق موجود معها بالتعريف الموجه للسفارة
الكنديه او اللي يسمونه ضمان مالي للسفارة..

مبتعثه لكندا و مرافقي ماهي الفيزا اللي راح يطلع بها علما انه سيدرس ونحتاج فيزا طالب ماهي الاجراءات لحصول المرافق على فيزة طالب