أي سؤال يخص السفارة والفيزا<<<<< هنا

السلام عليكم أرجو الرد على استفساري
انا دراستي تبدا يوم 10 مايو ومررره متورطه الين اليوم الفيزا
حقت المرافق ماطلعت اما فيزتي طلعت بـ20 يوم
لان المافق يشتغل بالوزارة ويسافر كثير معهم وتعبوني كل مره يرسلون لي رد
وكل مره يرسلون لي استفسار بالاسبوع تقريبا مرتين
الى الان اكثر من ثمانية مرات رجعوها
سؤالي تتوفعون بعد كل هالاسئلة يوافقون يعني هو ماعنده خرابيط بس غصب يسافر
كمرافق ويروحون دول مثل الجزائر والمغرب وكازاخستان
يعني متى اقصى مده انتظرهم عشان اعرف اذا ااجل دراستي اولا
لان المفروض على الاقل 15 يوم واسافر
وبسال اذا مستحيل اسافر لحالي على الاقل اول اسبوعين الحق على الدراسه الين يخلص المرافق اوراقه
واسفه على الاطاله شكرا..

جاني رفض يمشي الف
you have not satisfied me that have adequate funds available to you to pay for your tuition and living expenses while in canada and to return to your country of residence

الثاني

your application was incomplete and Lor you have not submitted the requested documentaion as requestedby section 16(1) of IRPA


وش السوات ..

السلام عليكم

لدي بعض الأسئلة التي ابحث عن إجابات لها :


1/ الفحص الطبي بالنسبة للمبتعث والمرافق ، في حالتي أنا المرافق اعمل في مدينة الرياض والمبتعثة في مكة المكرمة بعد اكتمال المتطلبات وارسالها؛ هل بالإمكان أن أقوم بإجراء فحوصاتي في مدينة الرياض والمبتعثة في مدينة جدة ؟
2/ من خلال بحثي في بعض المنتديات وجدت أن من متطلبات إرفاق الجواز أن نقوم بالتوقيع في جواز السفر؛ هل يتم التوقيع عليه من قبلنا ؟
3/ في حال اكتمال المتطلبات لإصدار الفيزا ، هل بإمكاني تقديم المتطلبات إلى السفارة في الرياض ؟

شكراً لكم .

وش رايك انا دراستي بشهر 5 أأجل الدراسه ولا لا

مقاطعة بريتش كولومبيا- مدينة فانكوفر

1- نعم ضروري احضار كشف حساب لآخر 6 أشهر وليس ضمان مالي
الضمان المالي فقط مطلوب للمعهد لاستخراج قبول نهائي
ومادام قبولك لمدة 4 شهور فالغالب حتى المعهد لن يطلب منك ضمان مالي
ولو كشف حساب فبمجرد ما تستخرجه تقدر تسحب الفلوس

2-التأمين الصحي عن طريق المعهد في كندا، ولو راح تأمن من هنا عن طريق التعاونية
تأمن على حسب مدة بقاءك في كندا

3- لا لن يسمح لك العمل اطلاقا

4- نعم يسمحون

5- في الغالب القنصليات الامريكية في كندا تطلب قبول جامعة

أما لو تأشيرتك زيارة .. اعتقد تستطيع وبإمكانك زيارة موقع القنصلية الأمريكية في فانكوفر للتعرف أكثر على الطلبات ومراسلتهم

6- لا ليس مطلوب منك كشف طبي

بالتوفيق



أختي ما تقدرين تسافرين بدون مرافق .. لأنهم ماراح يفتحولك ملف الا بوجود المرافق

مرافقك أتمنى تنتظريها وأنا والله ما فهمت كلامك ولا أعرف شيء

لو ممكن تشرحين لي وضعه بالتفصيل

هنا أو على الخاص



أجل دراستك

واكتب موضوعك هذا وارفق لي ورقة الرفض في موضوع اللي في قسم كندا العام

المتعلق باسباب الرفض والحلول


اخوي بالنسبة للفحص الطبي ما يختلف في أي مكان

وهذا ماتعمله إلى أن ترسل لك السفارة ورقة للمستشفيات المعتمدة أي أنه سوف يكون بعد تسليم أوراقك للسفارة عن طريق أرامكس أو الفيفا


التوقيع يكون في الصفحة الثالثة من الجواز ... توقيع صاحب الجواز

ونفس التوقيع يكون في الابليكيشن الصفحة الثانية السؤال رقم 14

وترسل أوراقك بعد اكتمالها وكامل الطلبات عن طريق أي فرع لأرامكس او الفيفا

إلى السفارة الكندية في الرياض



بالتوفيق

اخووي المايسترو انا ماني فاهم الوزاره
اللحين انا اجلت ووافقو على التأجيل بس شرطو اني اعمل قرار الابتعاث في شهر مايو
لو قلنا مثلا اصدرت قرار الابتعاث نهاية شهر مايو وقرار الابتعاث مدته 3 شهور يعني لازم اسافر نهاية اغسطس(قبل لا ينتهي قرار الابتعاث)
طيب لو تأجيلي لـ شهر سبتمبر ؟؟؟؟؟؟؟؟؟؟؟؟؟؟ ايش راح اعمل ؟؟ (قرار الابتعاث حتنتهي مدتو)

السلام عليكم ورحمة الله

عندي كم استفسار بخصوص مرافقي

حاليا هو طالب في الصف الثالث ثانوي مواليد 7 ديسمبر 1992
يعني عمره تقريبا 17 سنة وأربع شهور

-هل يحتاج خطاب موافقة الوالدين عالسفر؟ راح نوصل هناك وعمره 17 سنة و8 شهور ان شاء الله.
-اذا كان يحتاج خطاب موافقة كيف صيغته بالضبط هل فيه نموذج معين أو نكتب اي شي
-كذلك شرط وجود وصي في كندا لمن هم أقل 18 سنة كيف يعني يكفي أنا مثلا أقول اني وصية؟

بناأنه طالب وباقي ماتخرج هل الأوراق اللي تحتاجها السفارة
-شهادة ثاني ثانوي
-شهادة الفصل الدراسي الأول
-اثبات تسجيل في المدرسة

آخر سؤالين
-في الصفحة الأولى فيه سؤال
Will accompany you to canada?
صح أحط الخيار لا لأنه بس أخي هو مرافقي وماراح أدرج اسمه في الجدول هذا؟

-في بينات السفر في جزء معلومات الجواز
Last entry date in KSA
اتركه فاضي لأني ماسبق وطلعت خارج المملكة؟

شاكرة لكم تجاوبكم
جزيتم خيرا جميعا

معليش يا اخي

بس انا الاوراق اللي قدمتها للوزارة يوم تقديم الأوراق على اساس انه يكون المرافق الوالد

فهل يكفي اكلم المكتب بس, انه يتغير المحرم ويصير أخي

واكمل الاجراءات من تقديم للفيزا وغيره أخي

وجزاك الله الف خير

اخوي المايسترو
عندي استفسار بخصوص الشيك
انا كنت بقدم على الفيزا من اسبوع واصدرت الشيك وكل شي
بس بأخر التقديم لان جواز المرافق مو معي الفتره هذي..~
فسؤالي بخصوص الشيك هل لازم يكون بتاريخ معين
او عادي مايأثر ؟؟

شاكره لك..~

اخوي معتصم لا تخاف .. لو كان التأجيل رسمي

وكلموك شفهيا أنك تصدر القرار قبل مايو

يعني لو أجلت بصفه رسمية وخطاب والموافقة خطية .. وقالوا لك شفهيا لازم تصدر القرار قبل مايو

ما عليك فيهم .. هذا الكلام يقلونه لأغلب الطلاب علشان تخويف لهم ويصدرون قراراتهم بسرعة




نعم ضروري من الخطاب .. وهو باختصار من كتابة العدل

وهم عارفين شغلهم .. أنه والدك هو الوصي عليه (صك إعالة) وأنه يسمح له بالسفر إلى كندا

لغرض .......... (ايا كان ) ويجب أيضا ارفاق صورة من الوكالة .. وتتم ترجمته

- بالضبط يا اختي هذا اللي تحتاجه السفارة .. قبول من مدرسة وآخر شهاداته

- هو يعبي ابليكيشن خاص فيه وانتي ابليكيشن خاص فيه طبعا ماتكتبي اسمه في الصفحة الاولى ولا هو يكتب اسمك

ولا أي معلومات ولا تأشري على أي حاجه تخصه

فقط راح تكتبيه في الصفحة الثالثة الجدول الأول مع اهلك .. وتأشري على yes في اخر عمود

وهو نفس الطريقة ..

- هنا Last entry date in KSA وبما أنك ما سافرتي تتركيه فاضي


ملاحظه .. أختي احرصي على تعبئة الابليكيشن بدقة وأي سؤال لا تتردين

والضمان المالي لا تعطيهم الاصل فقط نسختين وحده مع اوراقك والثانية مع اوراق اخوك


بالتوفيق




قلت لك حاولي مع المكتب لو وافق أو جيبي لهم موافقة من الوزارة

الموضوع جدا سهل

بالتوفيق





الشيك عادي أهم شي يكون تاريخه قريب ومستحق الدفع


بالتوفيق