أي سؤال يخص السفارة والفيزا<<<<< هنا

السلام عليكم
صباح الخير اخوي

اخوي انا ابغي منك مسااعده
انا قدمت على الفيزه الكنديه

وتم رفضي

بسبب اني ما زلت على رأس الدراسه

انا اضفت سجلي الاكاديمي من ضمن الاورااق اللي ارسلتها
وهذي اللي اخطأت فيه

واوراقي كلها راحت علي

اقدر اعيد الطلب و استبعد قبول الجامعي
يعني بس اضيف قبول المعهد اقدر امشي كذا او لا

وبخصوص الشيك المدفوع للسفاره و الكشف الطبي
لازم اطلعهم من اول و جديد
لان مثل ما انت عارف الكشف الطبي بألف ريال و الرسوم ٥٠٠ ريال صعبه ادفع من جديد
ياليت لو تقدر تساعدني اذا تقدر لاني مبتلش بالحيل

هلا اخوي ALjooker

المشكلة ان اخوي بيطلع كندا يدرس لغة وتوه مقدم قبل امس على الفيزة واليوم جاه الفحص الطبي

وهو نفس طريقتك تقريبا

متخرج من الثانوي من عام 2007

وهو يدرس في جامعة الامام

فقدم مع اوراقه السجل الاكاديمي

حتى يثبت انه من وقت تخرجه الا وقت تقديم الفيزة كان يدرس

فا السؤال موجه لك اخوي الماسترو

هل بيمشون واراقه

وبيصدرون له الفيزة ولا بيرفضون لانه يدرس

مع العلم انه معطيهم قبول لغة فقط ومدة الدراسة 9 شهور

هلا اخوي
الله يكون في عوننا

ااخوك مقدم مع اوراقه القبول الجامعي او الا

لاني انا قدمت القبول الجامعي وقالو لي كيف بتدرس وانت مازلت تدرس

ياليت لو اخوي الماسترو يساعدنا بخصوص الشي هذا انا تم رفضي

وابغى ارجع اقدم من جديد لهم الاوراق بس من غير قبول جامعي بس قبول معهد

بس ما ادري راح تمشي الامور او لا

أختي مثل ما قلت لك

ارسلي الاصل عن طريق ارامكس






ألف مبروك أختي

بالنسبة لقرار الابتعاث وطلباته

١- صوره من السجل الاكاديمي
٢- صوره من الوثيقه
٣- صور من الجوازات لك وللمرافق
٤- صور الفيزا لك وللمرافق
٥- صوره من قبولك
٦- صوره الوكاله في حال مرافقك هو غير الوالد او الزوج
٧- صوره لكرت العائله
٨- صوره من بطاقه المرافق
٩- صوره من بطاقه الملتقى


وأمر الاركاب

١- الجوازات الاصليه وصور لها
٢- صوره من قرار الابتعاث
٣-صوره من كرت العائله
٤- صوره بطاقه المرافق

يعني أمر الاركاب ما يصدر الا بقرار الابتعاث
وقرار الابتعاث ما يصدر الا بالفيزا

وبعد استلام قرار الابتعاث فيه موجود مكتب للطيار في الوزاره تعطوه امر الاركاب وهو يقص التذاكر

ما يقدر احد يروح الا انتي او المرافق

نصيحه اخيره/
ما دامك ما حجزتي الى الآن راح تلقي في أمر الاركاب عبارة خط السير

تكتبي فيه (مثلا انتي ساكنه في جده وقبولك في فانكوفر)

تكتبي في خط السير ( جده - فانكوفر ) علشان تعطي لموظف الطيار ولك حريه في اختيار اي مسار واي خطوط

لكن لو كتبتي مثلا ( جده - فرانكفورت - فانكوفر ) راح تقيدين نفسك بهذا المسار

بالتوفيق




أخوي اتمنى تطرح مشكلة الرفض في موضوعي الخاص في ملتقى كندا العام باسم (رفض الفيزا من السفاره الكنديه ... الاسباب والحلول )

اما بالنسبه للقانون والنظام فيقول بأن الرسوم غير مستردة بغض النظر عن القرار المتخذ بشأن التأشيرة

ولو راح تقدم من جديد كل حاجه الا الفحص الطبي

بالتوفيق

السلام عليكم

اشكرك القائمين على هذا المنتدى

وكل من يرد ليساعد الناس

ربي يحببكم عند خلقو ويساعدكم دايما

وصلتني ورقة الكشف الطبي

بس انا والمرافق معاي كلنا مريضين حاليا ( زكام والتهاب حلق ولوز وسخونة واحتقان بالأنف )

هذي كلها جات وقت الكشف هههههه الحمدلله على كل حال

سؤالي ::: هل انتظر الى ان ينتهي المرض ونطيب؟

ولا نروح نسوي الكشف واحنا مريضين ؟؟

مررة محتاااااااااررة

الله يوفقك اللي يرد علينا

السلام عليكم ورحمة الله وبركاته

بروح شهر سياحه وادخل معهد لغه

استفسر عن نوع الفيزا
سياحيه او دراسيه
ولو اقدم على سياحيه هل مسموح لي ادخل معهد في تورنتو او لا

اخو المايسترو انا مرافق ويوم الاربعاء ارسلت اوراقي واوراق المبتعثة كاملة عن طريق ارمكس يوم الاحد وصلت هاذي رسالة على جوالي *Dear applicant,
Your application has been received and is under processing .The average processing time for a visitor whose application requires medical examination is 60 days ,your application is expected to be finalized and sent out via Aramex .FIFA two weeks after receiving your medical results from London .please note that no status inquires will be answered before receiving your medical results ,which normally takes three weeks from the date the Dr s office forwards them to London. For further inquiries you may contact our office
يوم الاثنين وصلت اوراق الكشف الطبي لي وللمبتعثة بس بدون الورقه الي يكون عليها التحاليل المطلوبة وارقام المستشفيات بدالها لقيت ورقة ثانية وبخط مو واضح للاوراق الناقصة مع ان كل الوراق كاملة

http://www.herosh.com/download/34368...fffff.pdf.html
يارت تقلي وش المطلوب لاني مو فاهم شي وفي اسرع وقت

السلام عليكم..

انا أجلت قبولي لجولاي...بعد ماكان جون..

لازم ..اخبر السفاره..( فيزتي عندهم ماطلعت لسى)

...ولو تيسرت سفرتي بوقت القبول الأول ...عادي اقدر امشي فيه واترك القبول الجديد؟؟

شكرا

أخوي المايسترو ...

لو تم رفض الفيزا ( لا سمح الله )
أكيد راح أقدم مره ثانيه .......وبدون كشف طبي !
لكن أخوي أنا خايف لأن الفواتير اللي أخذتها من الحبيب ضاعت !
وأخاف تنرفض وأبدأ من جديد !
وإلا مو لازم أرفق فواتير معهم..؟

هذي الامراض ما تؤثر على الكشف

لكن احتياطاً انتظري

الله يشفيكم





فيزا سياحية

وتقدر تدرس لمدة ٦ اشهر كحد اقصى بالفيزا السياحية




أخوي

الورقه مافيها اي شي ويمكن غلطه من السفاره

عموما رجعها لهم واذكر انها وصلت كذا وممكن انهم غلطانين

ربي يوفقك




[QUOTE=عالمة الرياضيات;1878090]السلام عليكم..

انا أجلت قبولي لجولاي...بعد ماكان جون..

لازم ..اخبر السفاره..( فيزتي عندهم ماطلعت لسى)

...ولو تيسرت سفرتي بوقت القبول الأول ...عادي اقدر امشي فيه واترك القبول الجديد؟؟

شكرا[/
QUOTE]

ايوه تقدرين

لا تقولين للسفاره الا اذا قرب وقت دراستك الاول

ارسلي لهم انك اجلتي وارسلي لهم القبول الجديد

بالتوفيق






الفحص واضح عندهم انك فحصت

الفواتير ما تحتاجها الا للتعويض عند السفاره

وتقدر تطلبها من المستشفى


تفاءل بالخير

بالتوفيق