أي سؤال يخص السفارة والفيزا<<<<< هنا

حبيت اسآل انا ارسلت اوراقي من تاريخ 3 جون2010 الى السفارة الكندية بسياتل لطلب تجديد الفيزة
والان لي اكثر من شهر وماجاني شيء
وتعبت كل يوم اشيك على رقم الارساليه من شركة فدكس ومافي شيء جديد
ابي اعرف ايش الحل
هل يوجد اميل للسفارة الكندية بسياتل او رقم تلفون للاستفسار عن جوازي
لاني ودي اروح لسعوديه برمضان
وشكرآ

هلا اخوي المايسترو

انا عندي مشكله

كلموني السفاره امس ويقولون اوراقك كشف الحساب بالعربي ونبي انجليزي قلت طيب راح ارسل لكم الاوراق المطلوبه

جا اليوم ارسلو جوازي ع المكتب الي مسوي عنده الاوراق وحاطين ان كشف الحساب مايغطي تكاليف الدراسه

وانا متآكد الكشف يغطي وزياده

بس حاب اسال اقدر ارجع ارسل اوراقي من جديد بس الي يتغير قبول الجامعه والمعهد

لاني عطيتهم قبول جامعه قبل موقوفه من الوزاره وراح يجيني قبول غير قبول الاول

راح يركزون ع هالنقطه ليه مغير المعهد والجامعه

ولا لا

وشي ثاني

انا بدرس ع حساب شركه خالي لاني موظف فيها

وهل فيه خطاب او كلام معين ارسله من الشركه للسفاره مع اوراقي

يفيد ان الشركه متكفله بكل شي

ياليت تعطيني رد سريع عشان اشوف وضعي

ملاحضات عامة :
1- بالنسبة لأمور القبولات والتقديم على الفيزة انا متعاقد مع مكتب ومريح بالي .
2-بالنسبة للي صار لي لا تحسب انة بيصير لك والله تعرفت على شاب خلص امورة في يوم واحد .
3- انا اقول هذا الكلام للفائدة العامة.

أي سؤال انا حاضر اخوكم / علي

السلام عليكم
اخوي انا ناوي اطلع لكندا على حسابي السفارة تطلب كشف حساب ولا شهادة بنكيه
مع العلم اني ماني موظف هل هذا ياثر ولا لا

السلام عليكم ورحمه الله
أخوي لوسمحت أن قدمت على فيزا زياره ومكتب الفيفا ماراح يوصل الأوراق إلا يوم الأثنين القادم هل من الممكن أنها تطلع قبل رمضان ؟؟؟

اخوي المايستروا انا بقدم ع الفيزا بس محتاره مدري اكتب انو اخوي قدسافر اليمن او لا اخاف يرفضون الفيزا تبع اخوي باالعلم انه مجدد جوازه ومافي اي سفريه سفرياته باالاول وغير كذا هو لما بقدم عاالفيزا ارسل السجل الاكاديمي والا الوثيقه بس وكمان بسالك اخوي عنده قبول هل اقدم له فيزه طالب والا فيزه زياره متعدد وانا واخوي بعد التخرج مااشتغلنا ولا درسنا اخاف يسالون اش كنا نسوي في هاالسنين ويرفضون الفيزا وربي حايسه
ارجوك رد علي باقرب وقت سوى انت او اي احد تكفون

اخوي المايسترو كم سوال ولا عليك امر انا خلصت الفحص الطبي والشحنه وصلت لندن 15-7-2010

سؤالي لما شيكت على المستقبل في لندن
Overseas Health management services
هل معناته ان التحاليل الي سويناها في السعوديه غير كافيه ولا وش مضمون هذا

طيب السؤال الثاني الأوراق لما توصل لندن هل تم إرسال العينات الي اخذوها مني لكي يقومو * بأعادة التحليل

طيب السؤال الثالث انا المعهد والجامعه راسلين لي لازم ترسل نسخه من صورة الفيزة وتكمل المدفوعات قبل تاريخ 3 اوقست
وتوقعاتكم كم تاخذ لها في لندن وترجع على السفارة في الرياض ولا ترجع على الأرمكس على طول او الفيفا طبعا انا مقدم من الفيفا

زي ما انت خابر ودي ادفع بس لما توصل الفيزة او بيأجلون الدراسه إلى 2011

والله محتار صراحه في واحد من الأخوان انرفضت فيزته وتقريبا زي مؤهلاتي انا متخرج من 2005
وكشف الحساب فية 135 الف مع ان الشخص الي في المنتدى المبلغ الي موجود في حسابه اكثر
طبعا قدمت الطلب في تاريخ 7-7-2010 وجاتني اوراق الفحص بعد 5 ايام وعلى طول سويت الفحص وقالي الدكتور سليم
وعطاني رقم الشحنه ودي اوريك نسخه من الفاتورة بس كيف ارفقها هذا رقم الشحنه خش وشف 3243626293

وهل لو وصلت الأوراق عندهم يرسلون لي رساله ان الاوراق في لندن وصلت

هل لما ترجع الأوراق من لندن بتكون نفس رقم الشحنه ولا غير
شي ثاني اخوي المايسترو مخوفني انا الدكتور سئلني عن الخمس سنوات الأخير شنو سويت يقصد بعد التخرج من الثانوي طبعا انا قضيت 3 سنوات في الكليه التقنيه وسنتين في وظيفة وإلى الان على رأس العمل بس انا قلت له دراسه وشغل
الي مخوفني اني ما جبت شي يثبت كلامي بخصوص الدراسه والشغل هل ارسل لهم إيميل وارفق السجل الأكاديمي وصورة من بطاقه العمل او كشف من التأمينات لاني بصراحه ما ودي العمل يدرون اني ابي بستقيل وفي نفس الوقت متخوف ان الفيزة تنرفض والسبب هاذا طبعا انا عطيتهم الشاهاده حقت الثانوي ومترجمه بس الكليه ما عطيتهم

نورني الله ينورها في دربك

مرحبا المايسترو .. الحمدلله تم رفض الفيزا للاسباب التقليدية والتي تكررت مع اكثر الأخوان هنا والي هي :
- السبب الاول المبالغ الموجوده في الحساب لاتغطي تكاليف الحياة والدراسة في كندا .
- السبب الثاني أن السفاره غير مقتنعه بأني سوف أعود في الموعد المحدد . بمعنى انهم يرون احتمالية اني اهاجر
الان انا بصدد محاولة ثانية والتقديم مرة اخرى . ولدي بعض الاستفسارات امل منك توضيحها لي :
الان بخصوص السبب الاول الي هو كشف الحساب راح اضاعف المبلغ واسحب كشف حساب ثاني
ولكن موظف الفيفا قالي ماينفع تحط مبلغ وبعدها تسحب كشف حساب , لان السفارة كذا راح تفكر انك مستلف هالمبلغ
وحاطه في الحساب بغرض التقديم بمعنى ان المبلغ مو ملك لك . فما ادري اشرايك كيف اقدر اتجاوز نقطة الحساب هاذي؟
علما بأن حطيت الوالد و والده كافليني بالمره الاول بس يمكن حساباتهم ماكان فيها مبالغ كبيره
فأنا قلت راح اضاعف المبالغ الي في حساباتهم واسحب كشف حساب مره ثانيه .. هل تعتبر السفاره هالحركه تلاعب مني ؟

السبب الثاني هو الي ماني عارف كيف اتجاوزه الي هو حكاية الهجره وانهم شاكين اني ماراح ارجع السعودية مره ثانيه
ياليت لو تعطيني حل لهاذي النقطة .

اخيرا المره الاولى قدمت بقبول معهد وماكان قبول الجامعه وصلني ..لكن الان عندي قبول جامعه هل ارفقه للاوراق
ولا مثل ماقالوا اكثر الشباب هنا انه في حالة ارسلت لهم قبول جامعة لازم يكون في حسابك مبلغ يغطي تكاليف دراسة
الجامعة . فالافضل اني ارسل لهم قبول المعهد فقط ! ولا وش رايك ؟

علما بان الوالد والوالده متقاعدين واحد منهم راتبه حوالي 13 الف والثاني حوالي 7 الاف .. وهم كفلائي

السلام عليكم
أخي المايسترو والله الحمد جاتني الفيزا ولكن يافرحه ماكملت قدمت انا وصديقي وعزيز علي كثير وانا جاتني ولكن صديقي رفضت الفيزا له مع ان الأوراق الذي قدمها لهم كامله ولكن الرفض بسبب انهم شاكين انه مهاجر والسبب الثاني بأن الرصيد غير كافي بالرغم كشف الحساب الي قدمه كان يوجد به مبالغ كبيرررة جداا والله شي يحرق الدم حسبي الله عليهم
وسؤالي لك اخي المايسترو هو بيقدم ثاني مرة بماذا تنصحني اخي المايسترو ماهي صيغه الخطاب الي يكتبه. او بماذا تنصحني ليفعل لكي لايتم رفضها مرة ثانيه,؟
الله يوفقك يارب وجعله في ميزان حسناتك اخي المايسترو
شكرا لك
اخووووووك

الحمدلله وصلت لي ورقة الفحص
وسويت الفحص عند الحبيب يوم الخميس الماضي
واليوم السبت لكن ماهي الاجرائات الي راح تصير بعد ذلك ؟
قالوا لي ممكن تجيك رساله برقم الارسالة او زي كذا ياليت توضح
وكم يوم ممكن وتوصل الفيزا ؟ وشكرا لك اخي الفاضل

السلام عليكم..
انا جاني قبول للدراسة في September وجهزت جميع اوراق الفيزا وبرسلها بكرا السبت عن طريق الارمكس
بس المشكلة اني مسافر لبنان يوم الثلاثاء القادم وراح اجلس 12 يوم.. وحطيت لهم خطاب اني راح اسافر ومعلومات السفرة واني راح اسلم لهم الجواز اول ما ارجع مثل ما هم طالبين..

بس انا خايف ما يرسلون لي اوراق الفحص الطبي قبل الثلاثاء.. هل في امكانية اني اسوي الفحص قبل ما يطلبونه مني عشان يكون جاهز؟
او اذا ما سويت الفحص الا بعد رجعتي من لبنان، هل راح يأخر عملية اصدار الفيزا؟

الرجاء مساعدتي اني القى لي حل في مشكلتي..

السلام عليكم و رحمة الله وبراكته تحيه طيبه و بعد

انا قدمت على الفيزا عن طريق ارامكس وا ارسلو لي ورقة الفحص بعده بيوم
و سويت الفحص وارسلوه وصل لندن يوم الاحد الموافق 1 /7 /1431هـ و اليوم
يوافق 6 /8 /1431هـ يعني لها شهر و شوي و ماجاني شي علماً اني لازم اكون في كندا 24 رمضان
و على فكره انا بعد مبتعث .
يعني وش اسوي ولله اني خاااايف مررررررره

fully sponsored by saudi cultural bureau in ottawa
وغير كذا تواريخ الميلاد حق اخواني هل اكتبها كامله والا بس السنه ومكان الميلاد يقصدون الوله والا المدينه لا الفراغ صغير مايكفي تكفوووووووووون ردوا باقرب وقت