أي سؤال يخص السفارة والفيزا<<<<< هنا

ماشالله عليك المايسترو على هل المجهود والمثمن لك عند الله
وكثرالله من امثالك

صورة مثل ما قالك اخوي



عادي الموضوع للجميع وبعدين اي واحد عنده خبره ويقدر يفيد الاخوان اتشرف فيه



ويجزاك خير .. وعفوا






الله يوفقك ومشكور وأتشرف فيك

والله يكثر من امثالك وشرفتني بوجودك وكلماتك

شوف مشكلتك بسيطة إن شاء الله

علشان ما أكذب عليك وأنا من عادتي أي شي ما أعرف أجاوبه بأقولك ما أعرف

لكن فيه أشياء متأكد منها وأشياء لو تسويها بإذن الله إنك في الـ safe side

وفيه أسئلة أتمنى تجاوبني عليها

قبولك في الجامعة المحترمة (سايمون فريزر) متى يبدا؟؟

لو كان ما بدأت الدراسة .. تعطيهم هذا القبول وعلى انك رايح جامعة سايمون فريزر

لو راح موعد الدراسة .. ترسل لهم وتقول انك تبغى تجدد القبول

أو الأفضل انك ترسل الضمان المالي للمعهد الجديد وتاخذ القبول النهائي LoA

طيب ليه تسوي هذا الاجراء ولازم ؟

لأن دائرة الهجرة تعرف انك ما بتطلع الا بقبول نهائي ويعرفون ان عندك قبول ثاني استخرجت به الفيزا وراح يسألونك عنه

وبيقولون ليه تكذب علينا ؟

فلذلك لازم انك تدخل كندا بقبول نهائي وأكثر من 6 أشهر ويكون جديد يعني موعد دراستك ما بدأ



فيه سؤال ثاني .... كم مدة القبول الجديد ؟؟؟


بالنسبة للفيزا وهل تقدر تدخل كندا أولا ؟؟؟؟


لو باقي لها يوم واحد تقدر تدخل كندا ... مالهم دخل

لأن الفيزا مستند لدخول كندا فقط .. أما شرعية اقامتك فهو تصريح الدراسة وحاول تاخذه من المطار ضروي

وتصريح الدراسة لو كان باقي على الفيزا يوم وتصريح الاقامة لمدة سنة فمكوثك في كندا نظامي جدا

وتصريح الدراسة راح يعطيك على حسب الفيزا والقبول ... وهذا السبب الثاني اللي اقولك جدد قبولك في سايمون فريزر (مولسبب الدراسة .. بس علشان الدخول)

أو ادفع مبلغ للمعهد الجديد علشان يعطوك قبول نهائي




بالنسبة واخيرا للجواز


للاااااااااااااااااااااااازم انك تجدده ضروري لأنك ممكن ما تدخل كندا أو حتى يمكن ما يسمحون لك بالسفر من هنا

روح لهم وقول انا باجلس في كندا سنة وابغى اجدد جوازي

راح يخرمون جوازك القديم ( ونبه عليهم من البداية ان عندك فيزا)

راح يخرمونه الا الصفحة اللي فيها الفيزا ويدبسون جوازك القديم بالجديد

وطبعا أكيد يمشي مو في كندا بس في العالم كله لأنه اجراء نظامي ومتعارف عليه




وربي يوفقك

الله يبيض وجهك يامايسترو ..

قبولك في الجامعة المحترمة (سايمون فريزر) متى يبدا؟؟

لو كان ما بدأت الدراسة .. تعطيهم هذا القبول وعلى انك رايح جامعة سايمون فريزر

لو راح موعد الدراسة .. ترسل لهم وتقول انك تبغى تجدد القبول

يبدأ بعد تاريخ اصدار الفيزة بشهر ونص تقريبا .. يعني بالضبط بتاريخ 6-7-2009
و أنا طلعت القبول هذا عشان الفيزهـ ..
و أنا الفكرهـ اللي في راسي أنه آخذ معي القبول القديم .. و أذا سألت بمطار كندا عن هالشي و أنه
ليه الفيزا قديمه و توك تطلع .. راح اعطيهم قبول سايمون فريزر و اقول لهم أنه كنت ابروح هناك
و مطلع الفيزا عشان اروح للجامعه هذي .. لكن الملحق الثقافي و الحكومه عندنا منعتني من هالجامعه
و طلبت قبول من فانكوفر ايلاند و توهـ يوصل .

أو الأفضل انك ترسل الضمان المالي للمعهد الجديد وتاخذ القبول النهائي LoA

طيب ليه تسوي هذا الاجراء ولازم ؟

السبب وراء عدم دفعي للضمان المالي .. هو أنه التعليم العالي طلب مني صورة من ختم الدخول أول ما
ادخل كندا .. عشان احتمال يمديهم يظموني قبل تاريخ الدراسه و يدفعون عني الضمان المالي ..
و أنا فكرتي كانت أنه أخذ معي قيمة الضمان المالي .. عشان لو في حاله ما انظميت دفعتها هناك .

اممم معليش .. لكن دائرة الهجرة من هم ؟ و تابعين لأدي دوله ؟ السعودية ولا كندا ..
و لو سألوني راح أعطيهم القبول اللي استخرجت به الفيزا و أقول أن حكومتنا قفلت الابتعاث لهذي
الجامعه .. و استرخجت قبول جديد من فانكوفر ايلاند .

لو باقي لها يوم واحد تقدر تدخل كندا ... مالهم دخل
لأن الفيزا مستند لدخول كندا فقط .. أما شرعية اقامتك فهو تصريح الدراسة وحاول تاخذه من المطار ضروي
وتصريح الدراسة لو كان باقي على الفيزا يوم وتصريح الاقامة لمدة سنة فمكوثك في كندا نظامي جدا
وتصريح الدراسة راح يعطيك على حسب الفيزا والقبول ... وهذا السبب الثاني اللي اقولك جدد قبولك في سايمون فريزر (مولسبب الدراسة .. بس علشان الدخول)
أو ادفع مبلغ للمعهد الجديد علشان يعطوك قبول نهائي

تصريح الدراسة هذا ما آخذهـ من المطار الا بشرط وجود القبول النهائي ؟
و هل لو اجيب القبول النهائي كل المشاكل ذكرتها تنحل بإذن الله ؟ على سبيل المثال الفيزا و دائرة الهجره ..
ماعدا الجواز اللي راح اجددهـ ان شاء الله .






أعذرني أن كنت ثقلت عليك بالاسئلة .. لكن والله انك فرجت لي هـــــم .. مايعلم به الا الله ..
الله يوفقك ياماسيتـرو ..

اخوي لو سمحت عندي سؤال
انا ارسلت قبولي للمعهد لانه كان فيه غلط في الاسم وارسلوا الجديد مع التعديل ولكن بدون ختم الوزارة
هل هنا مشكلة اذا ارسلت اوراق الفيزا وباقي الاجراءات اوعادي
وكيف اجيب ختم الوزارة والوقت مرة ضيق
شاااااااااااكرة لك

اخووي ميلانيلو

اخووي المايسترو قصده قبول الجامعه الي معك متى يبدا

دراستك متى تبدأ

لازم تكون دراستك الظاهر تبدأ بعد ما توصل

اعتقد قصده كذا

مالهم حق ياخذون منك ضمان او شي زي كذا

فقط فلوس التسجيل الي هي حدود بين 100 الى 300 دولار فقط هذا بالنسبة لقبول الجامعه

بالنسبة للمعهد فلازم تدفع مثل ما قال اخوووي المايسترو

جبلك قبول فوق ال6 شهور وادفعلهم حق شهر او شهريين

ذولا الامرقيشين حقين كندا

اول ما تدخل كندا لازم تمر من عندهم وبيعطونك ورقة الستدي بريميت الاصلية


لا مب لازم قبول نهائ انا داخل بعرض وليس قبول ومشوني


والعلم عند الله

يا عزيزي جوابي كان واضح


شوف مشكلتك هي انهم اللي هم دائرة الهجرة (اميجريشن) مثل الجوازات عندنا

هو اللي يحدد هل تدخل كندا أو لا
وهو اللي يحدد هل يعطيك تصريح دراسة أو لا
وهو اللي يحدد مدة بقاءك في كندا

هذا يعتمد على ثلاثة أمور

الفيزا وصلاحيتها .. والقبول وصلاحيتة .. والأسئلة المباشرة لك

الفيزا ماعندك فيها مشكلة ..

مشكلتك في القبول

علشان يعطيك تصريح الدراسة ويوافق تدخل كندا لازم قبول نهائي وتكون دراستك ما بدأت

أنا أعطيتك الحل/ واحد من اثنين

1- انك ترسل لسايمون فريزر وتقول ابغى اجدد قبولي بأسرع وقت ممكن

2- انك تدفع الضمان للمعهد الجديد ويرسلون لك قبول نهائي



أما قصة انك في يوم وليلة الملحقية راح تدفع لك ... فهذا أمر شبه مستحيل

ادفع ولو التحقت ولو بعد سنة راح تدفع الملحقية لك كامل مصاريفك "الأكاديمية" يعني اللي دفعتها على دراستك


وحكاية انك تجلس تتفاهم مع الهجرة هذا ما ينفع لأنهم يتعاملون معاك بالنظام والاوراق

ما يهمه تأخر قبولك والا ما تأخر يهمه ان عندك قبول نهائي ودراستك ماتاخرت عنها

ويهمه الفيزا انها تكون لسى سارية المفعول



واضحه اجابتي؟؟؟



ربي يوفقك ويعينك

امور الوزارة للوزارة

والسفارة للسفارة


السفارة راح تستفسر من المعهد عن صلاحية قبولك وهل تم الدفع أولا (علشان يتأكدوا انك راح تروحي وتدرسي)

فلذلك ختم الوزارة بالنسبة لمعاملات السفارة غير مهم

بالتوفيق اختي