أي سؤال يخص السفارة والفيزا<<<<< هنا

السلام عليكم و رحمة الله و بركاته
اخوي المايسترو الله يعطيك العافيه على جهدك الجبار
اول شي انا ارسلت الفحص يوم 28 /6 و وصل لندن يوم7/1
وباقي تقريبا 5 ايام و اكمل شهرين وعلماً اني انا مبتعث عن طريق برنامج الملك عبدالله و دراستي
تبدا في 9/24 يعني 3 سبتمبر يعني باقي على دراستي شهر و ولله مدري وش اسوي وصراحه انا بديت افقد الامل
في الدراسه في كندا لاني باقي ما حجزت التذكره و لا حجزت السكن والله يعين ارجو الافاده في اسرع وقت

طيب اخوي انا ارسلت الطلب اون لاين لكن بعدها باسبوعين انرفض بسبب ال dhl وكلموني الايمقريشن وقالوا ان طلبك ماوصل لنا والسبب ال dhl ومانقدر نسوي شي وانا بصراحة رحلتي الاسبوع الجاي واموري كلها محيوسة واللغة تعبانة لان ماصارلي هنا الا 5 شهور ..
علما ان فيزتي والاستدي بيرمنت بينتهون غدا ؟؟ وانا راجع ؟؟ وش الحل بنظرك

.................................
الله يجزاك كل خييير ياااااااارب
طيب ,, ياخوي الحين الخطاب بالعربي ولا انجلش ؟ ونرسله لأيت ايميل , حق السفاره؟؟

واذا انجلش ياريت تساعدنا بكتابة الخطاب :$

أصدق الدعوآت لك ياالمايسترو
أسعد الله قلبك ووفقك لكل خيييير //

هل هناك سفارة كندية في جدة او لازم من الرياض

وهل ضروري الذهب لها ام فقط مراسلتهم عن طريق البريد

السلام عليكم ورحمه الله وبركاته

انا راح ابدءا بهذ البيت الي يعبر عن حالي

{{ هذا هظي من على الدنيا وعيت }}


يا شباب ويا شبابات ...

امس الظهر اتصل على صاحب المكتب .. (( وانا في عز نوووووومي )) وقمت ورديت عليه ..
شوي وقال : ترا جوازك وصل .~~ طبعا على طول طار النوووم وفرحت .. شوي ويقوولي :- بس تراهم رفضوا يعطووونك الفيزا .!! قلت :- أفاااا ليش طيب وش السبب . قالي :- انت تعااال نشوف السبب سوا .
طبعا على طول سكر السماعه من هنا (( ورجعت انااااام . مدام الدعوه خربانه خربانه ) .

المهم . رحت المكتب وعطاني ورق الرفض من السفاره الكنديه . لهذه السببين :-
1- You have not satisfied me that you meet the requirements of Regulation 179 : that you would leave canada at the end of the temporary period if you were authorized to enter . In reaching this decision I considered your ties to you country of residence / citizenship balanced against factors which might motivate you stay in canada .

2-You have not satisfied me that you have adequate funds available to you to pay for your tuition and living expenses while in canada and to return to your country of residence .

وش معناها يا اصحاب الخبره ؟؟؟

علماً بأني لا مره ذهبت إلى كندا . وحتى الكشف الحساب حقي فوق الـ 100.000 الف ريال .!!

شكل الباحث الي ماسك اوراقي (( اعمـى ) شكله شافها على أنها 10.000 الف ريال .! الله يعميه إن شاء الله .!


وش الحل الحين لو بغيت ارسل اوراقي من جديد إلى السفره ؟؟ هل لازم اسوي الفحص الطبي من جديد ؟؟


تراااااا والله العظيم ارتفع ظغطي من هذه السفاره ~!



تكفووون شوفووولي حل .. لأن والله النفس طابت من هذه السفاره ..!!


تقبلوا تحياتي ،،،

قواك الله أخوي المايسترو وكل عام وانت بخير وعساك من عواده
أخوي عندي استفسارات محيرتني يا ليت تفيدني فيها انا الحمدلله جتني الفيزا قبل فتره وباقى على بداية دراستي 24 يوم وحبيت اغير الجامعة واجيب قبول مشروط من الجامعة اللي ابيها المهم حاولت اني اقدم على قبول يكون بشهر9 لكن ما قدرت ومافي قبول بالجامعة الا بشهر 10 وقلت ما باليد حيله مالي الا شهر 10 لكن هل في مشكلة في المطار اذا غيرت القبول وجبت قبول ثاني ؟
وهل يجب علي اني امدد القبول اللي موجود عندي حاليا شهر 10 وابلغ السفارة عشان ما يسبب لي مشاكل ؟
علما بأن السفارة ارسلت مع الجواز الستدي بريمنت واسف على الإطالة وشكرا

باركولي يا اخوان اليوم جاتني رسالة من ارامكس وعلى طول ما صدقت روحت لهم والحمدلله جائتني الفيزا الله اكبر الله الكبر والله مثل الهم على قلبي وأنزاح الحمدلله
احب اشكر اخوي المايسترو ماقصر لاكن مالنا غير الدعاء نكافئك به
الله يجزاك خير ووفقك وين ما كنت
وأسئل الله ان ييسر لجميع الشباب .
اخوي المايسترو عندي سؤال خخخخخخخخخخخخخخخخخخخخخخخخخخخخخخ امزح
شكرا

فتوتي ويييييين المعنويات العاليه وين الي بيقدم مليوووووووون مرره وين الي يقول يمكن السفاره مطفره تبغى فلوس الشيك

اقول لا تشيل هم الحين يجي المايستر ويعطيك الزبده يا لبى قلبه المايسترو احسه فاتح مكتب داخل السفاره

الحمد لله وصلت فيزتي اليوم بالموافقة
ياربي لك الحمد
وتحيتي لأخي الكبير المايسترو اللي ماقصر معانا في استشاراته الرائعة اللي استفدنا منها وافادتنا

أخوي المايسترو أنا متكفل بدراستي أخوي وجبت كشف حساب لاخر 6 شهور يوضح ان حسابه نشيط علمن ان راتبه 8000 واضفت عليه مبلغ 75000 يوضح ان حسابه نشيط وفيه مبلغ 75000 انا برسل لسفاره معهد لمدة سنه وخطاب من اخوي بتكفل بمصاريف دراستي وتعريف بالراتب من عمله اترجمه بالانجليزي هل اجيب برضو ضمان مالي ولا كشف حساب يكفي وهل المبلغ كافي ولا لا ارجو الرد بسرعه اذا ماعليك كلافه لاني بقدم اوراقي لسفاره بكره

السسلآم ع ـليكم ...

أول شي : أنآ سع ـوديـة وأدرس بالأردن .. أخوي وضلني لع ـمآن ورجع للسع ـودية وأخذ جوازي مع ـه .. والسفآره الح ـين يبغ ـون كشف طبي وش الح ـل ....

ع ـآدي لو أسوي الكشف بع ـمآن ... عند مستشفى متعمد من السسفآرة الكنديـة

ملآح ـظة < الفيزة دراسية يع ـني أكثر من ست شهوور

أمآنه جآوبوني بليييييييييييييييييييييييييييييز

ويع ـطيكم الع ـآفيـة

اخوي الماسترو .. يعطيك ربي مليووون عافيه .

انا جاني رفض من السفاره الكنديه . والاسباب هيه :-
1- ما هم ضامنين رجوعي للسعوديه .
2- المبلغ غير كافي .( علما باني مرفق كشف حساب فيه 100.000 الف ريال ) .
3- تقريبا هو اني ارفقت قبول لغه ( 3 شهور فقط من معهد جامعه ريجينا . مثل اخونا المتعثر و ابو سلطان1 ) .

انا اود منك انك تعطيني الضوء الأخضر بالنسبه للأوراق الي راح ارسلها مره ثانيه . وهي كالتالي :-

1- 3 صور فوتغرافية حديثة - (بحط الصور الى قدمت فيها على الفيزا المره الاوله عادي ولا لازم صور جديده ) !
2- شيك مصدق بـ 125 دولار كندي .
3- ارفاق جواز السفر الاصلي .
4- خطاب القبول من الجامعه ( عباره عن صفحتين ) هل هذا هو قبول مشروط ؟؟ مع قبول المعهد حق الثلاث الشهور ؟؟ ارفقه يا لماسترو ؟؟ ولا لا ؟؟؟ ا انتظر جوابك. ؟
5- شهادة الثانوية مع الدبلوم حقي مع شهاده حسن سيره وسلوك . مترجمه .
6- كشف حساب 6 شهور نشييط و شهادة بنكية من البنك ( لأخوي ) { راح ارفق الشهاده البنكيه من باب الأحتياط وانا اعلم انهم ما يحتاجونها . بس احتياط . ( مبلغ الكشف الحساب أكثر من 200.000 الف ريال )
7- ورقة مترجمة بلأنجليزي من المتكفل بدراستي يكتب فيها انه متكفل بدراستي من المعيشة والكتب والتأمين الصحي ويكتب اسمه بلأنجليزي ورقم جواله ويوقع ..
هل لازم ارفق صوره من جواز أخووووك ؟؟؟؟
8- بطاقة الاحوال . هل لازم ارفق صوره من بطاقه احوالي ؟؟؟
9- كرت العائلة . هل لازم ارفق جدول ثانيه خاص بأسماء العائله الي ماهو موجودين في كرت العائله .؟؟؟
10- خطاب تعريف من عمل أخوي مترجم . موضح فيه كل شيء . الراتب و المسمى الوظيفي والمده و اسم المستشفى ومختم .!
11- خطاب تعريف خاص فيني موضح فيه كل شييء . الراتب و والمسمى والخبره وووو .!
12- سيره ذاتيه CV . خاصه فيني انا .
13- برنت لحجزي على كندا ( من باب الأحتياط ) ؟؟؟


اخووووي الماسترو .. آمل منك إفادتي بالأسئله الي فووووق ؟؟ لأني بارسل الأوراق مره ثانيه في اسرع وقت ممكن ..؟؟




تقبل تحيات مواطن مرتفع ظغطه من السفاره النكديه ( الكنديه ) .

أخوي عرفت مشكلتك

لأنك تقدم بقبول الجامعة .. وقبول الجامعة أقل شي سنتين

وتكلفة كل سنة تقريبا ١٥ الف دولار * ٢ = ٣٠ الف دولار

مصاريفك الشهرية ٢٠٠٠ دولار * ٤٨ شهر = ٩٦ الف دولار

٩٦ ألف دولار + ٣٠ الف دولار = ١٢٦ الف دولار

اي ما يعادل تقريبا ٤٤١ الف ريال سعودي

هذا غير اللغة

عرفت ليه يقولون ان الحساب ما يكفي ؟؟؟؟

لأنك تقدم بفبول جامعة ..

لو تقدم بقبول جامعة لابد يكون حسابك يكفي

أو قدم بقبول لغة أكثر من ستة اشهر مع هذا المبلغ جيد جدا

كل اوراقك تمام إلا النقطة التي ذكرتها لك

صورة جواز اخوك نعم ترفقها

اسماء العائلة تكتبهم

صورة بطاقتك لا ماترفقها

الشهادة البنكية لا ماترفقها

بالتوفيق

باختصار شديد ..

انا ما قدمت بقبول الجامعه .(( القبول عندي من زمان بس ما قدمته )) قدمت فقط قبول اللغه .!!


المشكله الحين هي ان قبول اللغه الي انا قدمته للسفاره ( عباره عن قبول لمده 3 شهور فقط )) .!!

والآن انا انتظر ردهم . لأني خاطبت المعهد وقلت له ان السفاره رافضه تعطيني الفيزا والسبب القبول ..!! انا في انتظار ردهم .!!


بالنسبه للكشف الحساب .

وش المقصد بكلمه غير نشيط ..؟؟؟ بالظبط ؟؟؟


لأن حساب اخوي في حركه وينزل فيه رابته ( حوالي أكثر من 10.000آلاف ريال ) وفيه عمليات حواله منه وإليه .وفيه عمليات سحب واجده (( كلنا كذا يا السعوديه نسحب اكثر ما نودع )

وانا راح اكون معاك صادق .. انا الحين محول له 200.000 الف ريال .. علشان يطلع لي الكشف الحساب . ومن ثم يرجعه لي .. !!

هل هذه العمليه تعتبر بان الحساب غير نشيط ؟؟؟



مشكلتي بالعربي الفصيح . انا اخاف ان المعهد ما يعطيني قبول ااكثر من 6 شهور ..؟؟
وفي هذه الحاله .. .؟؟؟ وش السواااة ؟؟



طيب لو اقدم على فيزا موقته . وومن ثم اجددها من هناك يمشي الوضع ؟؟؟ بعد ما احصل على قبول للسمستر الثاني .والثالث .... إلخ ؟؟ وش راي الماسترو في الموضوع ؟؟؟