أي سؤال يخص السفارة والفيزا<<<<< هنا

السلام عليكم ورحمه الله وبركاته ,,,
اخواني اخواتي الله لايهينكم ,,, انا طالب مبتعث ومتزوج عقبال للي ماتزوج بس انا في كندا وزوجتي في السعوديه وابي اعرف ,,,
ماهي خطوات للاستخراج الفيزا للمرافق مع العلم ان زوجتي لاتريد الدراسه في الفتره الحاليه وانا بودي اني اعرف الخطوات للتقديم وهل لازم ارفق جوازي مع جوازها للسفاره ام لا ؟؟
وهل يطلبون مني السفاره ضماني البنكي حق المعهد ؟؟
اسئله كثيره تكفون اللي يعرف لايبخل علي جعلها الله في ميزان حسناته ووفقه ان شاء الله على هالشهر الفضيل...


ولكــــــــــم مني وافر الشكر والتقدير

عندي إستفسار أقدر أقدم علي الفيزا بس ع سفارة الكنديه فلكويت
لنا احس راح انرفض مره ثانيه بسبب 179 < ياليت اخوي المايسترو تراسل السفارة وش الحل مع هسبب وش يبون من اثباتات !!!
وعندك الرمز البريدي وصندوق البريدي كتبته خطاء بلأبلكيشن وش سواه هنا ولا عادي وشكرا

يااا ناس انا عندي استفسااار

يااا ناس انا عندي استفسااار وابي احد يسااعدني ..

انا استفساااري .. الا وهو

انا متملك لما قدمت قبول في جامعه في كندا لما وصل القبول صار بيني وبين ابو البنت سوء تفااهم فطلب الطلالاق << شكله متزوج ابو البنت ..

المهم طلقت وقدمت لي فيزا انا لوحدي وتفاجأة ان السفارة رجعت اوراقي وتقول ارفق عقد الزواج وانا مطلق ومسجل في الأبلكيشن أعزب وقبول المعهد مسجل فيه اسمي واسم زووجتي تكفووون ابي حل وش ارسل بالضبط العقد ولا صك الطلاق بالعربي او انجليزي ..

اخوي المايسترو يعطيك العافيه على كل المساعدات الحمدالله استخرجت فيزتي وانتهى الموضوع

ولكن لا زلنا نراسل السفاره بخصوص فيزت المرافق والدي وهو عسكري متقاعد

مثل ماقلتلي قبل طلعت ورقة من المؤسسه العامه للتقاعد وختمتها وترجمتها وارفقتها وارفقنا كل البيانات ولكن بعد يومين من ارسال الاوراق ارسلولنا ايميل مرفق فيه جدول مطالبين بالتفاصيل العسكريه ارفقته تحت في هذه المشاركه اتمنى تلقي نظره عليه.

فسؤالي هل نعيد ارساله ايميل او فاكس او ارساليه باراميكس لانهم ماوضحو طريقة الارسال .

ثاني شي الجدول مبين من شكله انه مو رسمي ومافيه توقيع فاتوقع مايحتاج ختم من جهه مختصه ولا ايش رايك ؟

مع العلم ان الاوراق والابلكيشن المرسل مع الجواز لم يتم ارجاعه

غامرنا وعبينا البيانات وارسلنا الجدول بالايميل وماجانا رد ؟؟

فمو عارفين ايش نسوي ,,,, اتمنى المساعده

أخوي المآيسترو

جزاك الله الف خير وكثر الله من امثالك و يعطيك الله العافيه شكرا

جزاك الله الف خير ومشكور جدا

الله يجزاك خير اخوي المايسترووو

وابشرك الحمد لله اليوم وصلت العروسه .. مدتها سنه وثلاث شهور