رفض الفيزا من السفارة الكندية " المشاكل والحلول"

~ والله اللي كافلني دكتور يعرفه أخوي !
~ المبلغ 70 الف ريال !
~ راتبه والله مالي علم فيه !
~ مدينة فانكوفر !
~ سعر المعهد والله مدري عنه !
~ قبولي في كلية كويكتلم كولج لغة سنة وبعدها أخذ تخصصي !
~ وشكرا..

أخوي

تعيد الاجراءات من اول وجديد كل شي

الابليكيشن والصور والشيك والشهادات والقبول

طبعا الامر المهم الذي تم رفضك من اجله هو الكفيل

لابد كشف حسابه لاخر ٦ اشهر
وخطاب منه موجه للسفارة انه راح يتكفل في كل شي دراسة ومعيشة وملابس وكتب وتامين طبي
وايضا خطاب من عمله موضح فيه الراتب ومدة الخدمة ومنصبه


كل الاوراق صور ... ماعدا الشيك والجواز

وكل الاوراق باللغة الانجليزية


ملاحظة/ الكشف الطبي هو الامر الوحيد اللي ما تعيده

ربي يوفقك

السلام عليكم ورحمة الله وبركاته اخي الكريم

واخيرا عرفنا السبب الرفض الفيزا

your application was incomplete and\or you have not submitted the required documentation [section 16 (1)]

you have not satisfied me that you meet the requirment for the issuance of a temporary resident visa because: NOT PROPERLY COMPLETED


انا مو عارف ايش اللي ناقص في الابلكيشن ...

انا ارسلت الاوراقي كالتالي

ضمان مالي من الملحقية الثقافية بكندا

كشف الدرجات

قبول جامعة

STUDY PERMIT تصريح الدراسة لمدة 2012

ثلاث صور حديثة

شيك مصدق باسم السفارة

تقريبا هذه الاوراق

الله يجزاك خير عطني حل لاني انا جدا متحطم

هل تعتقد المشكلة بسيطة ورااح يعطوني فيزا مرة ثانية او ماكو امل

وكذالك هل تعتقد لازم اجيب لهم قبول لغة للمعهد ولا كيف يعني ؟

الله يحفظ يالمايسترو عطني حل .... مستقبلي رااح يضيع بعد كل هذا التعب

بارك الله فيك شكرا

أخوي ماعندك مشاكل بس بالله جاوبني على اسئلتي

فيزتك الاولى متى اصدارها وانتهائها؟
تصريح الدراسة متى البداية والنهاية؟
القبول الحالي؟
وكم صار لك في كندا؟
ومن فين قدمت على تجديد الفيزا؟
من اللي كتب الابليكيشن؟

فقط لتنبيه انا اضهرت تصريح دراسة من قبل يعني هذه ثالث مرة اصدر تصريح دراسة

اول ما جيت الى كندا اعطوني سنة لتصريح الدراسة وبعدين ستة اشهور وبعدين اعطوني لسنتين لاني اعطيتهم قبول جامعة وبالنسبة للفيزا هذه ثاني مرة واول مرة ترفض طبعا الفترة اللي كانت الفيزا منتهيا كنت عندي تصريح دراسة في كندا يعني اقامة قانونية


والله انا حاير ومو عارف وش اسوي ....؟ الله يجيزك خير ياالميسترو شوف وش المشكلة ... ان شاء الله انها مشكلة بسيطة ....

هل ارسل لسفارة رسالة اسائلهم ما الاشياء اللي ناقصة او ما يحتاج اسئلهم؟


شكرا اخوي يالميسترو

الله يكون في العون

الله يبيض وجهك وما قصرت والله يعينا على هالسفارة اوكي اللحين انا فهمت سبب الرفض بس اللي حاب استفسر عنه
اني اجيب قبول لغة من معهد بس بدون دراسة جامعية عشان اذا قدمت لهم الضمان المالي تكون الفلوس تكفي حقت دراسة لغة بس
ابي شورك يا المايسترو الله ينور عليك ..

لا ترسل للسفارة

مشكلتك الاساسية في تعبئة البيانات في الابليكيشن

اخوي اقبل عتب صغير مني

الحين فيه ناس كثير ما يعرفون انجليزي واول مره في حياتهم يعبون ابليكيشن يخص الفيزا

ومشت امورهم

وانت صار لك في كندا سنة ونص .. واكيد تعرف انجليزي

وتستعين بالفيفا ؟؟!! امر غريب

انت اعرف بوضعك وتعرف وش تكتب

الحين الفيفا وش يعرفه بكل قصتك هذي

وكيف يملأ الابليكيشن

شوف موضوع الابليكيشن مره سهل .. واتمنى انت تعبيه بنفسك لأنك الاعرف بوضعك

وواحد مثلك ما يحتاج الفيفا ولا غيرهم

من جديد ابدأ

وانت بنفسك خلص امورك .. بعد ماتكون جاهزة

تروح لارامكس وتحطها انت بيدك في ظرف وترسلها لهم

اسف لكن اقبل عتب اخوك

لان الابليكيشن فيه اسئلة خاصة ووضعك مو مثل واحد جديد كلها NO

اتمنى انك عرفت وش اقصد

ربي يوفقك ويسهل امورك







اتمنى يكون الوضع افضل

وكمل كل اللي قلت لك عليه

ربي يوفقك

مشكور اخي الكريم

وعتبك مقبول ورحمة الله من اهدى عيوبي

فعلا انا اخطأت باني اعطيته الاوراق وقالي الفيفا انا رااح اعبي الابلكيشين

انا قلت عشان افتك من تعبيته انا طول حياتي في كندا اعبي الابلكيشين لحالي بس سبحان الله ما ادري له عملت كذا

قبل قليل جالس اقرا المتطلبات في موقع السفارة الكندية للفيزا ومن الطلبات هي صورة ويكتب من خلفها الاسم وتاريخ الميلاد والتوقيع

وانا ما عملت هذا الشيء ... قد يكون هذا السبب او احد الاسباب

وكذالك بعد ما جيت الى السعودية ذهبت الى الامارات وبعد ذالك رجعت السعودية طبعا الفيفا ما يدري اني ذهبت الى الامارات ...

مشكور يالميسترو والله يعطيك الف عافية

سؤال اخير الله يجزاك خير ...هل تعتقد انهم رااح يعطوني فيزا او رااح تطول الشغلة ؟؟ وهل تعتبر هذه الحالة رفض او غير كاملة المعاملة ؟ لان يوجد في الابلكيشن
Have you ever been refused a visa to travel to any country, including Canada?


هل اضع يس او نو


الله يعطيك الف عافية ويوفقك يا يالميسترو


واسف على ازعاجك

شوف اخوي

اولا شكرا لانك تقبلت عتب اخوك

الامر الثاني انا زعلت لانك قادر على هذا الشي

شوف اخوي

الطلبات انا راح اختصرها عليك بتفاصيلها
لان لما تقدم من كندا غير من السعودية وغير عن الكويت ولكل سفارة متطلباتها
يعني متطلبات السفارة الكندية في الكويت مو مثل السعودية

١- عدد ٣ صور شخصية وتكتب اسمك وتاريخ ميلادك خلفها
والصور تكون ٣،٥ * ٤،٥ ومافيها اي تعديل بالفوتوشوب وغيره

٢- صوره من تصريح الدراسة

٣- صوره من الفيزا

٤- صوره من جواز السفر وجواز السفر الاصل

٥- الشيك بقيمة ١٢٥ دولار كندي ولازم تتأكد لصالح مين لانها تختلف من دولة للثانية
يعني ما تكتب في الشيك المستفيد هو نفسه اللي كنت تكتب له في كندا

٦- صوره من سجل الدرجات في المعهد ولو فيه اي اوراق ثانية تدعم طلبك للحصول على التاشيرة

٧- صوره من القبول لو عندك مثلا قبول في جامعة

٨- الابليكيشن كامل ومعبأ بالشكل الصحيح

٩- صورة من الضمان المالي


اخيرا

جوابا على سؤالك فتكتب yes وتكتب السبب وترفق صورة من ورقة الرفض

بعد هذا كله وفي مدة اقصاها شهر

راح باذن الله اشوف لك رد هنا وتبشرني بالفيزا

ربي يوفقك ويسهل امورك