كيف أجيب قبول لغة للمرافق والضمان المالي لا يشمله

جزاك الله خيرا اختي
الي افهمه اننا نسجله لغة على حسابنا في البداية
وكم ادفع للمعهد رسوم تسجيل ؟ هل استردها بعدين والا لا ؟

الله يعافيكم جاوبوني

سلام
ممكن تجيبي لأخوكي قبول معهد فقط عشان الفيزا
حتدفعي فقط رسوم القبول
أتصلي بهذا المكتب يجبلك قبو لمعهد خلال 24 ساعه
0567878070

اختي ممكن تعتمدي على نفسك في الحصول على قبول.. عادة المعاهد تطلب 100 دولار رسوم تسجيل..

وبعضها يعطيك القبول مجانا.. ما يكلفك إلا إنك تراسليهم بالإيميل ويطلبو صورة من الجواز..

أنا جربتها قبل كذا جاني القبول خلال يومين.. وما دفعت ولا شي.. اللهم إنهم أرسلولي قيمة الدراسة ومن ضمنها رسوم التسجيل 100 دولار تندفع مع بداية الدراسة..

وإذا كان الطالب مبتعث أو مرافق تتكفلبها الملحقية..

إن شاء الله أكون أفدتك..

شكرا اخي على ردك

طيب هل 100 دولار تكفي عشان السفاة توافق عالفيزة
المقصد أن ال100 لتسجيل دوره واحده مدة شهر او شهرين والفيزة الدراسية لازم تكون الدراسة فوق 6 أشهر

هل يستطيع الشخص انه ياخذ قبول في معهد ويقدم به عالفيزا ولمن يوصل يغيره والا السفارة ترفض أو يصير لي اشكالية في كندا


هو بيكون مرافق يعني الحكومه تتكفل به
بس انا ابي من الحين يكون فيزة دراسه مو يروح كزائر ثمن يغير

أختي.. الـ 100 دولار حق أبليكيشن التقديم.. أيا كان إذا كانت الدراسة شهر أم سنة..
صحيح بعض المعاهد تطلب مقدم من رسوم الدراسة لكل مستوى.. وغالبا معاهد الجامعات هاذي طريقتها.. فمثلا يقلك أدفعي عن كل مستوى 500 دولار..
لكن أنا أنصحك تقدمي على معهد خاص.. عشان تقدميبها على الفيزا.. ولمن تجو بالسلامة تطلبو تغيير المعهد..

والله يا اختي انا راح اقلك وش اللي صار معي بالظبط...
انا المكتب جاب لي قبول وقال لي اذا تبغى نجيب قبول للمرافق أدفع!! طبعاً انا قلت أحاول وأشوف ينفع اراسلهم ولا لا..
المهم راسلت المعهد وذكرت في الرساله اني مبتعث وعندي قبول عندكم وهذا رقم الطالب حقي اللي عطيتوني اياه.. والحكومه تتكفل بجميع التكاليف الدراسيه لي انا وللمرافق .. وانا الان ارغب بالحصول على قبول للمرافق وأي طلبات انا تحت امركم..بعد يوم جاني ايميل يقول ارسل صوره الجواز للمرافق أرسلتها وفي ظرف يومين الا والقبول حق المرافق عندي على الايميل طبعته وعلى السفاره.. ومن غير ولا ريال!! ولله الحمد والمنه... أهم شي اذكري نقطه ان الحكومه السعوديه تتكفل بجميع المصاريف وهم أكيد عندهم خبر ولا ما عطوني قبول للمرافق من غير ولا ريال..وموقفين خير ان شاء الله
نقطه أخيره انا قلت لهم ابغى بدايه الدراسه ونهايتها تواريخهم عندي وعند المرافق نفس الشي.. عشان يفهومها ويعطو المرافق سنه..

صدقت أخوي max6.. إذا مني غلطان هذا معهد خاص.. لأن المعاهد الخاصة زي ما قلت تعطيك القبول ببلاش وخاصة إذا عرفت إنك مبتعث فبطبيعة الحال المرافق بيكون داخل في الحسبة.. أنا حصلت على قبول لواحد من الزملاء كان جاي على حسابة الخاص.. في البداية قالولي إنهم متعاملين مع مكاتب في السعودية.. لازم يروح لأقرب مكتب له ويدفع وعن طريق المكتب يعطوه القبول.. قلتلهم لا ماهو رايح مكتب ولا شي.. إذا ما أعطيتوني قبول في معاهد غيركم كثير تعطي.. ساعتها أرسلولي القبول على طول.. لكن بعض معاهد الجامعات فيهم تعقيد شوي.. يعني لازم تدفع شي من الرسوم حتى يعطوك قبول طويل المدة..*إلا إذا جاهم ضمان من الملحقية تصير الشغلة سهلة..

والله يوفق الجميع..