مساعدة ضعنا مع التوصيــــــات (الرجاء الدخول)

موضوع في غاية الأهمية , وكلنا محتاجين التوجيه فيه .

لأني أنا نفس حالتك مع أختلاف بسيط , بالنسبه لجامعتي , كل دكتور كاتب لي حسن سيرة وسلوك وانه قادر على مواصلة دراسة الدكتوراة وعنده قدره على البحث العلمي , وحاجه زي كذا ..

وبالأخير كاتب أسمه وموقع جنبه .

والجامعه ماتختم على هذي الورقه , يعني حاجه مو رسميه حتى رقم جوال أو أيميل الدكتور غير متوفر ..

أرجو من الأخوان واللي سبقونا إلى كندا يفيدوننا بنقاط هامه حول التوصيه , وهل تحتاج إلى ظرف مغلق ومختوم ؟ < ضروري يعني ؟

مع الشكر الجزيل لصاحب الموضوع ..

وآسف على الأزعاج

الله يوفقكم ويسهل امركم .. هذا اولاًَ ..

ثانياً .. اول ماتوصلون هنا بالسلامة ان شاء الله .. ارفعوا اوراقكم للملحقية مع خطاب صغير تطلب فيه تصوير التوصيات لكذا عدد ونسخة .. وطلب تختيمها وتصديقها .. وهم عارفين شغلهم ..

ارسلت لكذا جامعة .. واوراقي مشت .. وهم يثقوا في ختم الملحقية ..
ولكم كل الدعاء ..

وفي اي جامعة لما تدوروا تلاقوها بهذا الاسم

Recommendation‎
والافضل جيبوا الاثنين توصيات جامعتكم والجامعات الكندية
بس ملاحظة
الجامعات الكندبة توصياتها (كل توصية دكتور بظرف لحاله مختوم الظرف وموقع عليه من قبل الدكتور)
بالنسبة لجامعتك ( عادي لو حطيت التوصيات جميعها لكل الدكاترة مع بعض في ظرف واحد وطبعا يختم الظرف ويوقعوا عليه جميع الدكاترة )
وبالتوفيق للجميع

عشان تحملون التوصيات

روحوا للتخصص اللي تبغوا تحضروا ماجستير فيه

بعدين راح تلاقوا عبارة على right menu
admission requriment (متطلبات القبول)

حتشوفوا ايش يبغوا منكم من اوراق ومن ضمنها Letter of Recommendation‎ (التوصيات)

وتحملوها على جهازكم

وصلى الله وبارك على سيدنا محمد (عليه الصلاة والسلام)

شاكرة لك مرورك الكريم أخوي ولد حائل
الكلام إللي تقول إنه مكتوب عندك في حسن السيرة والسلوك المفروض يكون مكتوب في التوصية
ولازم تكون مصدقه وتوضع في ظرف ويختم عليه من الخارج
وإذا في نقاط أخرى أتمنى الإخوان يفيدوك فيها

بالتوفيق ياااارب

شاكرة تواجدك الكريم أخوي Ebdaa3
كلامك صحيح لكن لو نضبط أمورنا قبل ما نروح بيكون أفضل
بس لو ماعليك أمر ياريت لو تقول لنا كيف كانت نماذج التوصيه حقتك عشان نستفيد

بالتوفيق أخوي

عزيزتي Arj ماقصرتي كفيتي ووفيتي
بس حابه اتأكد منك واسألك الوثيقه وكشف الدرجات نحط منها نسخه في كل ظرف ولا التوصيات لحالها وباقي الأوراق لحالها ؟

شكرا حبيبتي الله يوفقك ويجزاكي خير ويحقق لك كل إللي تتمنيه يارب
وبالفعل (علمني الصيد ولا تعطني سمكة) وهذا إللي انتي سويتيه 00

بالتوفيق عزيزتي

أهلين ..

نموذجي .. كان نموذج عادي جداً .. معد مسبقاً في القسم .. وكل دكتور بس يسجل اسمه ويوقّع ..

المهم ختم الجامعة .. واذا ماقدرتوا ختم الملحقية وتظريفها وختمها من برا يكفي بإذن الله ..

بالنسبة للظروف .. يفضّل يكون الترانزكربت والوثيقة مع بعض في ظرف لحالهم .. وبقية التوصيات كل وحدة في ظرف ..

وبالتوفيق ان شاء الله ..