مساعدة ابي اطلع شريحة في تورنتو + مجموعة من الاسئلة

يحرجدة
مبتعث مجتهد Senior Member
تاريخ التسجيل: Aug 2009
الدولة: السعودية

الجنس: ذكر

شاكر لردك اخوي لو رحت ل Rogers اش راح اقول لهم ؟

عقد 3 سنوات + جوال ؟

مع التحية

المعذرة أخوي.. كتبت الرد على عجل وطلعت..
بالنسبة لروجرز لا بأس لكن ما أنصح بكتابة عقد.. وحتى لو كان فيها جوال مجاني.. لأنهم حيطلعوا سعر الجوال من العقد.. غير كذا إذا كتبت العقد ما يمديك تكسره لو أطررت لتغيير الشركة أو تغيير الدولة إلا بدفع 400 دولار على ما أعتقد..
فإذا طلبت شريحة خليها monthly payment without contract.. ما أدري روجرز عندهم ولا لا.. في العموم روجرز وفايدوا يعتبروا شركة وحدة بإسمين مختلفين..

أتمنى أكون أفدتك أخوي..

انا دخلت موقع فايدو واخترت الشريحة هل راح تشتغل على جوال SE C905
اشتريته من السعودية
؟

مع التحية

المفروض تشتغل.. لكن الجوال إلي تشتريه من هنا ما يشتغل في السعودية..
على فكرة تم تعديل الرد في الأعلى..

دورت في موقع Rogers وماحصلت شرائح بدون اجهزة

كيف الطريقة

مع التحية

والله ياخي قلنالك روح فايدو منت راضي تسمع الكلام.. إيش تبغاني أسويلك..

أمزح معاك ترى.. والله ما عندي فكرة عن روجرز.. كنت أتمنى أقدر أفيدك..

انا ودي بفايدو بس ضعت بالاسعار ولاني عارف واش اختار

بس عندي بالجوال التجوال الدولي ماتطلع فايدو هل تغطيتها ضعيفه ؟

مع التحية

أخوي.. روح فايدو..
أختار بلان 25$
يشمل على ما أذكر 100 دقيقة مجانا لأي اتصال داخل تورنتو بالإضافة إلى الإتصال مجانا من الساعة 7 مساء إلى 9 صباحا برضو بتورنتو..
زيد عليها 10$ حق اتصال من فايدو لفايدو مجانا (حسب حاجتك.. ما هي بذيك الأهمية لأنك ما بتكلم كثير)
بالإضافة إلى 6$ حق إظهار الرقم والإسم
و 12$ حق استقبال المكالمات مجانا (هذي الخاصية مهمة في ظني.. لأنه هنا ياخذوا عليك فلوس على المكالمات إلي تستقبلها)..
وممكن لو إنك راعي مسجات دولية بـ 4$ تاخذلك 50 مسج دولي..

يعني الحسبة حتطلع عليك تقريبا (25+10+6+12+4) = 57$ مع التاكس تصير الفاتورة الشهرية حول الـ 65$ إذا ما كانت أقل..
طبعا بعض الشباب ما شاء الله عليه يحسب نفسه في السعودية تطلعله الفاتورة 180 و 200$ ما أدري كيف يستخدموا الجوال.. لكن الله يهديهم..

في نقطة.. إلي هي ممكن تجيك أول فاتورة زايدة شوي لأنه في رسوم تأسيس ما أذكر كم والله لكن إذا ماني غلطان فهي 50 أو 70$ بالإضافة إلى سعر الشريحة 35$.. يعني أول فاتورة ممكن توصل 120$ أو حولها..

المعذرة طولت عليك.. لكن آخر نقطة.. لا تحاول تدخل على النت من الجوال أبدا إذا ما كان عندك بلان نت.. لأنه في شباب كانوا بدخلوا بالغلط وجاتهم الفاتورة حول 800$ وتعرف ربعنا ما شاء الله توه جي وما عنده لغة وماهو فاضي للقروشة مع الشركة فيدفعها وهو يضحك..

يالله طولت عليك.. تصبح على خير..