استفسار يـا أهل المنتدى اليوم يومكم لاتخلوني عاجل

السلام عليكم ورحمة الله وبركاته
اخوي الطيب
رقم الترشيح والطلب للمبتعثين لبرنامج خادم الحرمين الشرفين
بس انت طالما على حسابك الخاص ..مافي شيئ من هذا القبيل

وطبعا يوم تكون مسافر على حسابك الخاص اصلا ماراح يكون عندك بروفايل خاص فيك في موقع الوزارة
لانك على حسابك الخاص
واحنا كبمتعثين على حساب الوزارة نقدر نرسل قرار الابتعاث ونعرف اذا اصدرت او لا من خلال الفروفايلات اللي عندنا
بس انت طبعا ماراح تعرف اذا انتطبعت او لا فلازم حضورك هناك عند الوزارة
وهذا موقع الوزارة
http://www.mohe.gov.sa/ar/studyaboard/King-Abdulla-hstages/Pages/002.aspx

فيها الاستمارة عشان تعبيها وفيها المتطلبات
انت اطبعها وعبيها وخذها معاك للرياض وكمل اجراءاتك اللي هي امر الاركاب وقص التذاكر
وكذا تكون مخلص امورك

وعادة اصدار القرار تاخذ ماراح تطول اذا مافي زحمة واامور اتسهلت معاك تاخذها بنفس اليوم وتخلص كل اجراؤاتك
اما اذا كان في زحمة راح يقولك الكمبيوتر معطل..هذا عذرهم دائم
راح يقولوا تعال بكرة وانت رح لهم وكمل الاجراءات البقية

وان شاء الله كان كلامي واضح
واذا في اي استفسار ان شاء الله ماراح نقصر معاك
بالتوفيق

اخوي مدامك على حسابك الخاص لا تروح ادارة تعليم ولا شي
تقدر تروح كندا مباشره
وبعد دراسه 3 اشهر اذا معدلك فوق 80 تقدر تخذ كشف بثلاثه اشهر وترفع طلب بس لا تنسه تترجم شهادة وتخليها طبق الاصل من ادارة التعليم
بالتوفيق

اخي العزيز
Rogena

الله يجزاك خير ويرحم والديك ويجعلها في موازين حسناتك

لكن السؤال ولو اني راح اكلف عليك انت والاخوان لكن ان شاءلله تتحملوني

اللحين حتى الاستماره اللي في موقع الوزاره موجود خانه رقم الطلب والترشيح يعني اخليها فاضيه
لاني احتمال ارسلها مع احد لاني سمعت انها تاخذ يومين على مايطبعون القرار لاني ماني من اهل الرياض

( منقول من موقع الوزاره )

- يكون الإرسال بواسطة البريد الممتاز ، وعلىالطالب أو الطالبة متابعة حالة الطلب على موقع الوزارة الإلكتروني ، وإذا ظهرت عبارة ( تم طباعة القرار ) عليه مراجعة الوزارة لاستلام صورة القرار للحصول على تذاكر السفر ، وبالإمكان توكيل أو تفويض شخص آخر باستلام صورة القرار وإنهاء إجراءات تذاكر السفر .

هذا الشرط منطبق ع الدارسين على حسابهم الخاص او راح يكون استلام القرار في نفس اليوم او اقدر ارسلها واتابع الطلب عن طريق موقع الوزاره ؟؟

ارجوا الرد شاكر لكم جميعاً

alothman512

الله يعطيك العافية ومشكور وماقصرت بس اتوقع اني لازم امر على ادارة التعليم العالي

عشان اخذ منهم قرار ابتعاث واخذ امر اركاب واللي هو راح يكون على حساب الوزاره اللي التذاكر

شاكر لك يالغالي والله يجزاك خير ولاهنت ع المداخله

اخوي الرجباني
قرار الابتعاث مهم جدا تخليك مبتعث رسمي
بس عن تجربة وفعلا هي صحيحة
انا مارسلت اوراقي بالبريد ولا شيئ لانه اساسا ما تاخذ وقت ..كلها يومين وتكون مخلص قرار الابتعاث وامر الاركاب وتقص التذاكر
اخوية الله يجزاه خير راح الرياض بنفسه لكن بعد ما انا طبعت الاستمارة تبع اصدار القرار ووقعت على الاشياء اللي تخصني
راح هناك واعطاهم اصدار اقرار وقالوله تعال بكرة يكون خلاص تم طباعة القرار لانه الكمبيوتر عطلان
وفعلا جاهم اليوم الثاني وعلى طول اعطوه قرار الابتعاث وبعدها امر الاركاب وبعدين قص التذاكر
وكذا انتهت المهمة بنجاح بدون اي مشاكل بالرغم اني مبتعثة على حساب الوزارة وعندي بروفايل خاص فيني
مو شرط تتقيد بتعليماتهم ..لما تكون فوق راسهم يخلصوك بسرعة غير لما ترسل بالبريد يجلسوا بالايام ما يردوا عليك
لكن انت اكتب فوق عند ورقة الاستمارة ..على حسابك الخاص او كلم الموظف انك على حسابك الخاص
وان شاء الله يارب ما تواجه مشاكل

وراح اعطيك الاوراق المهم لاصدار امر الاركاب
1- صورة من قرار الابتعاث
2- الاصل وصور من الجواز والتأشيرة
3- صورة والاصل من بطاقة الاحوال

وان شاء الله يكون كلامي واضح واذا في اي استفسار ان شاء الله ما راح نقصر
وعلى فكرة ..حبيت اقولك اني بنت مش ولد ^_^
بالتوفيق

بالتوووووووووووفيق